SAN MATEO 13:57 - Chatino Zona Alta Occidental

⁵⁷ Ngwañaꞌan ngwa chaꞌ chen nka tiye neꞌ ñaꞌan neꞌ ꞌin Jesús, kanꞌ chaꞌ ykwiꞌ Jesús loꞌo neꞌ xiyaꞌ bra kanꞌ: ―Nchga seꞌen ngiꞌni tnun neꞌ ꞌin ska nten nu nchkwiꞌ chaꞌ ꞌin Ndiose loꞌo nten ―ndukwin Jesús ꞌin neꞌ―. Ska ti kichen tyi yu, ja nnan neꞌ chaꞌ nu nchkwiꞌ yu siyaꞌ ti; loꞌo taꞌa yu, ja ndukwa ꞌa neꞌ chaꞌ nu nchkwiꞌ yu.

SAN MATEO 13:57 Iomraidhean Croise

SAN MATEO 11:6

Suꞌwe ꞌa ka tiye nten nu ti ndyaa ñaꞌan tiꞌ ꞌñaǎn, kwiꞌ nu ja kulaa yaꞌ ꞌñaǎn chunꞌ nchka jyuꞌu tiꞌ.

SAN MATEO 13:58

Chinꞌ ti chaꞌ tnun yꞌni Jesús kichen kanꞌ. Ja yaa ñaꞌan tiꞌ neꞌ ꞌin yu siyaꞌ ti, kanꞌ chaꞌ ja yꞌni yu kaꞌan la chaꞌ tnun nde kwa.

SAN MARCOS 6:1

Nde loo la mdoꞌo Jesús ndyaa yu loꞌo neꞌ nu ngiꞌni xaꞌan chaꞌ ꞌin yu, ndyaa neꞌ kichen tyi yu.

SAN MARCOS 6:14

Loꞌo wa ynan ree Herodes ꞌin chaꞌ tnun nu wa yꞌni Jesús bra kanꞌ; nchga kichen ynen chaꞌ kanꞌ, chaꞌ skaa chaꞌ ykwiꞌ skaa nten ꞌin Jesús. Nde lka chaꞌ nu mskeꞌ tiꞌ ree kanꞌ: ―Ayman Xuwa nu mdukwatya ꞌin nten nu ngwa sꞌni, kanꞌ lka Jesús re ―ndukwin Herodes kanꞌ―. Wa yjwiǐn ꞌin Xuwa kanꞌ, loꞌo ni, wa ndyuꞌu yu xiyaꞌ, kanꞌ chaꞌ nchka ꞌin kuꞌni chaꞌ tnun nu ngwañaꞌan ―ndukwin ree.

SAN MARCOS 6:3

Kwityi kaꞌ ti lka yu re ―ndukwin neꞌ―. Ti kwiꞌ sñiꞌ Liya lka yu re; taꞌa Santiago, taꞌa Se, taꞌa Juda, taꞌa Simón lka yu re, loꞌo nde kichen tyian ndiꞌin neꞌ kunaꞌan taꞌa yu re ―ndukwin neꞌ ꞌin taꞌa kichen tyi neꞌ. Chen ngwa tiye neꞌ ñaꞌan neꞌ ꞌin Jesús bra kanꞌ,

SAN MARCOS 6:4

kanꞌ chaꞌ ykwiꞌ Jesús loꞌo neꞌ xiyaꞌ: ―Nchga nten xka kichen ni, kuꞌni tnun neꞌ ꞌin ska nten nu nchkwiꞌ chaꞌ ꞌin Ndiose loꞌo neꞌ ―ndukwin Jesús ꞌin nten kanꞌ―. Neꞌ taꞌa kichen tyi ti yu ni, kanꞌ nu ja xlyaa kunan chaꞌ nu nchkwiꞌ yu siyaꞌ ti ―ndukwin Jesús―. Nchga taꞌa yu, kwiꞌ neꞌ taꞌa ndiꞌin yu, ja kunan neꞌ chaꞌ nu nchkwiꞌ yu ―ndukwin Jesús ꞌin neꞌ.

SAN LUCAS 4:24

Katsaǎnꞌ ska chaꞌ nu ñi ꞌwan sikwa ―ndukwin Jesús―. Bra nu chkwiꞌ ska nten chaꞌ ꞌin Ndiose loꞌo neꞌ taꞌa kichen tyi yu, ja kunan neꞌ chaꞌ nu nchkwiꞌ yu, chaꞌ taꞌa kichen tyi ti neꞌ lka yu.

SAN LUCAS 7:23

Si nu ja ka jyuꞌu tiꞌ wan ñaꞌan wan ꞌñaǎn, ka suꞌwe kasiya ꞌwan bra kanꞌ ―ndukwin Jesús ꞌin neꞌ.

SAN JUAN 4:44

Wa ndukwin yu chaꞌ ja nnan nten chaꞌ nu nchkwiꞌ ska nten nu lka taꞌa kichen tyi neꞌ, xa nu nchkwiꞌ neꞌ kanꞌ chaꞌ ꞌin Ndiose loꞌo neꞌ.

SAN JUAN 6:42

―¿Ta siꞌi Jesús sñiꞌ Se lka nu kwa a? ―ndukwin neꞌ―. Wa nsuꞌwi lyoan ꞌin sti yu loꞌo jyaꞌan yu. ¿Ni sa ñaꞌan lka chaꞌ nu nchkwiꞌ yu kwa chaꞌ wa mdoꞌo yu seꞌen ndiꞌin Ndiose?

SAN JUAN 6:61

Jlyo tiꞌ Jesús chaꞌ nchkwiꞌ ꞌa neꞌ nu ngiꞌni xaꞌan kanꞌ loꞌo taꞌa neꞌ ꞌin chaꞌ nu tka ykwiꞌ ti yu, kanꞌ chaꞌ mnichaꞌ yu ꞌin neꞌ bra kanꞌ: ―¿Ta kasinꞌ tiꞌ wan ꞌñaǎn chunꞌ chaꞌ nu nchkwiǐnꞌ loꞌo wan a? ―ndukwin yu―.