SAN MATEO 13:43 - Chatino Zona Alta Occidental

⁴³ Kanun nchga nten nu luwi kasiya ꞌin seꞌen lka Stiǐn Ndiose ndloo; sa ñaꞌan luwi xaa kwichaa, ngwañaꞌan ka luwi ꞌa tloo neꞌ kanꞌ, chunꞌ ngwa luwi kasiya ꞌin neꞌ siyaꞌ ti kwenta ꞌin Ndiose bra kanꞌ. Kunan suꞌwe wan chaꞌ nu nchkwiǐnꞌ loꞌo wan, si chañi chaꞌ nchka tiꞌ wan kunan wan.

SAN MATEO 13:43 Iomraidhean Croise

SAN MATEO 11:15

Kunan suꞌwe wan chaꞌ nu nchkwiǐnꞌ re loꞌo wan.

SAN MATEO 25:34

Bra nu kaǎn ndloǔn la ti, chkwiǐnꞌ loꞌo nchga nten nu ndiꞌin laꞌa seꞌen kwin ꞌñaǎn: “Kan wan nde seꞌen ndiꞌin Ndiose nu lka ndloo la ti, nchga wan nu suꞌwe ꞌa nka tiye Stiǐn Ndiose ñaꞌan Ni ꞌwan, chaꞌ wa yꞌni xuꞌwe Ni seꞌen tyiꞌin wan seꞌen ndiꞌin ykwiꞌ Ni, ti bra nu mñan Ni chalyuu.

SAN MATEO 25:36

chaꞌ ja yuꞌwi steěnꞌ bra nu mdiꞌiǐn lo chalyuu, mda wan teꞌ ykuǔnꞌ bra kanꞌ. Bra nu ngwa tiꞌíǐn lo chalyuu, yaa naꞌan wan ꞌñaǎn bra kanꞌ, mdayaꞌ wan ꞌñaǎn; kwiꞌ bra nu mstiǐn niꞌ ñaꞌan chkwan, ja ytsen wan yaa wan seꞌen yuꞌwiǐn bra kanꞌ.” Ngwañaꞌan chkwiǐnꞌ bra nu kaǎn ndloǔn la ti.

SAN MATEO 26:29

Chañi ꞌa chaꞌ nu chkwiǐnꞌ loꞌo wan ni, chaꞌ ja koꞌoǔn ꞌa mñun ni, sa ñaꞌan yaꞌ nu tiya tsan kanꞌ nu koꞌoǔn ꞌin ran suꞌwa loꞌo wan seꞌen ndiꞌin Stiǐn Ndiose nu lka ndloo la ti.

SAN MARCOS 4:23

Kunan suꞌwe wan chaꞌ nu nchkwiǐnꞌ loꞌo wan sikwa, si chañi chaꞌ xlyaa wan kunan wan chaꞌ suꞌwe re.

SAN LUCAS 12:32

’Ja kutsen wan. Nten ꞌñaǎn lka wan, ni siya chinꞌ ti neꞌ taꞌa wan nu lka wan nten ꞌin Ndiose; wa mjwi chalyuu suꞌwe ꞌwan chaꞌ Ndiose Stiǐn lka ndloo la ꞌwan, chaꞌ ngwañaꞌan nchka tiꞌ Ni.

SAN LUCAS 22:29

kanꞌ chaꞌ taǎn ska tñan suꞌwe nu kuꞌni wan chaꞌ ka wan tñan loꞌoǔn; tñan kanꞌ ka sa ñaꞌan lka tñan nu nda Stiǐn ꞌñaǎn, chaꞌ kaǎn ndloo.

1 CORINTIOS 15:58

ꞌWan taꞌa msñian chaꞌ ꞌin Jesús, suꞌwe ꞌa nka tiyeěn ñaꞌaǎn ꞌwan. Nde lka chaꞌ nu nchkwiǐnꞌ loꞌo wan, chaꞌ ñaꞌan ti xñi suꞌwe wan chaꞌ ꞌin Ndiose, nchga tsan lye la tsaa ñaꞌan tiꞌ wan ꞌin Ni; xkwiꞌ lye ꞌa kuꞌni wan tñan ꞌin ykwiꞌ Xꞌnaan, loꞌo ja ka ndaja tiꞌ wan chaꞌ kuꞌni wan tñan kanꞌ. Wa jlyo tiꞌ wan chaꞌ ja tsaa tii ngwa ti ñaꞌan ska tñan nu ngiꞌni wan chabiyaꞌ ꞌin Ndiose.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.