SAN MATEO 10:41 - Chatino Zona Alta Occidental

⁴¹ Loꞌo xa nu ta neꞌ seꞌen tyiꞌin ska nten nu nchkwiꞌ chaꞌ ꞌin Ndiose loꞌo neꞌ, chaꞌ ndyaꞌan nten kanꞌ lo tñan ꞌin Ndiose, suꞌwe ꞌa ka ꞌin neꞌ nde loo la. Kanꞌ kaja ska chaꞌ suꞌwe nu ta Ndiose ꞌin neꞌ kanꞌ; suꞌwa ti ka ꞌin neꞌ kanꞌ loꞌo nten nu nchkwiꞌ chaꞌ ꞌin Ndiose bra kanꞌ. Kwiꞌ ngwañaꞌan, bra nu ta neꞌ seꞌen tyiꞌin ska nten nu suꞌwe ꞌa tiye chunꞌ ndukwa yu chaꞌ nchkwiꞌ Ndiose, suꞌwa ka ꞌin neꞌ kanꞌ loꞌo nten nu suꞌwe ꞌa tiye kanꞌ, chaꞌ ta Ndiose ska chaꞌ suꞌwe ꞌin neꞌ kanꞌ nde seꞌen ndiꞌin Ni.

SAN MATEO 10:41 Iomraidhean Croise

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

SAN MATEO 25:44

Xkwen neꞌ kuxi kanꞌ ꞌñaǎn bra kanꞌ: “Xꞌnaan” chkwiꞌ neꞌ kanꞌ, “¿ni ñaꞌan bra naꞌan ba ꞌiin chaꞌ mteꞌ tiiꞌ a? Bra nu ngwityi tiiꞌ, xa nu mdaꞌaan tiꞌyuu tiiꞌ, bra nu ngwa tiꞌií, xa nu yuꞌwii niꞌ ñaꞌan chkwan, ¿ni ñaꞌan bra ja mdayaꞌ ba ꞌiin a? Ja jlyo tiꞌ ba chaꞌ kanꞌ.”

SAN MATEO 25:45

Loꞌoǔn chaꞌ kaǎn ndloo la ti, chkwiǐnꞌ loꞌo neꞌ xaꞌan kanꞌ xiyaꞌ bra kanꞌ: “Chañi chaꞌ nu nchkwiǐnꞌ loꞌo wan ni, chaꞌ ja mdayaꞌ wan ꞌin ska nu tiꞌi nu ndiꞌin chaꞌ ꞌin loꞌoǔn, kanꞌ chaꞌ nchkwiǐnꞌ loꞌo wan chaꞌ ja ska yaꞌ mdayaꞌ wan ꞌñaǎn.”

SAN MATEO 6:1

’Nde ndiya xka chaꞌ chkwiǐnꞌ loꞌo wan ni: Ja ta wan ska xuꞌwe ꞌin neꞌ tiꞌi bra nu ñaꞌan xka ta nten ꞌwan. Ja ndiꞌin chaꞌ ñaꞌan nten sa ñaꞌan chaꞌ suꞌwe nu ngiꞌni wan chaꞌ ꞌin Ndiose. Ja ta Stian Ndiose ska chaꞌ suꞌwe ꞌwan nde seꞌen ndiꞌin Ni, xa nu ñaꞌan xka la nten ꞌwan chaꞌ ngiꞌni wan chaꞌ suꞌwe kanꞌ.

SAN MATEO 6:18

chaꞌ ja ka biyaꞌ tiꞌ xka la nten chaꞌ ja yku wan tsan kanꞌ. Ska ti Stian Ndiose nchka biyaꞌ tiꞌ Ni sa ñaꞌan chaꞌ suꞌwe nu ngiꞌni wan ska ti wan. Loꞌo bra kanꞌ xnun Ni chaꞌ suꞌwe nu kaja ꞌwan nde loo la.

SAN MATEO 6:4

Ska ti Stian Ndiose, ka biyaꞌ tiꞌ Ni sa ñaꞌan chaꞌ suꞌwe nu ngiꞌni wan mnan ti, loꞌo bra kanꞌ ta Ndiose chaꞌ suꞌwe nu tlyu chinꞌ ꞌwan nde loo la.

SAN MATEO 6:6

Loꞌo ꞌwan ni, bra nu chkwiꞌ wan loꞌo Ndiose, tsaa wan ska seꞌen nu ka tyiꞌin wan ska ti wan. Nu ndiꞌin wan niꞌ ñaꞌan bra kanꞌ, tukunꞌ wan tunaꞌan, chaꞌ ngwañaꞌan kuꞌni tnun wan ska ti wan ꞌin Stian Ndiose bra kanꞌ; ndiꞌin Ni ti kwiꞌ seꞌen ndiꞌin wan, ni siya ja ndiꞌin xka la nten seꞌen ndiꞌin wan. Ska ti Stian Ndiose nchka biyaꞌ tiꞌ Ni sa ñaꞌan chaꞌ suꞌwe nu ngiꞌni wan ska ti wan, kanꞌ nu ta chaꞌ suꞌwe ꞌwan nde loo la.

SAN MATEO 7:8

Nchga nten nu jñan ska chaꞌ ꞌin Ndiose, kaja chaꞌ kanꞌ ꞌin neꞌ bra kanꞌ; nchga nten nu tsaa naan ꞌin Ndiose, tyija lyo Ni ꞌin neꞌ bra kanꞌ; kwiꞌ ngwañaꞌan, nchga nten nu tyukwi ti tiye neꞌ chkwiꞌ neꞌ loꞌo Ndiose, kunan Ni chaꞌ nu chkwiꞌ neꞌ loꞌo Ni bra kanꞌ.

LOS HECHOS 16:15

Kanꞌ chaꞌ mdukwatya neꞌ ꞌin Lidia loꞌo nchga taꞌa ndiꞌin ti neꞌ. ―Si chañi chaꞌ lkaǎn nten ꞌin Jesucristo, nka tiye wan ―ndukwin nu kunaꞌan kanꞌ ꞌwa―, kan wan tuꞌ naꞌan tyiǐn, chaꞌ kanun wan chinꞌ seꞌen ndiꞌin bare sikwa. Tyun yaꞌ ykwiꞌ nu kunaꞌan kanꞌ loꞌo ba chaꞌ ja tyaa ꞌa ba, kanꞌ chaꞌ ndyaa ba loꞌo nde naꞌan tyi neꞌ.

ROMANOS 16:23

Loꞌo Gayu nchkwiꞌ yu loꞌoǔn chaꞌ chkwiǐnꞌ loꞌo wan chaꞌ ꞌin yu; kwiꞌ naꞌan tyi yu nda yu chaꞌ ndiꞌiǐn, loꞌo nda yu naꞌan tyi yu chaꞌ ndyoꞌ tiꞌin nchga neꞌ re nu ndiꞌin chaꞌ ꞌin loꞌo Krixtu. Bra kanꞌ loꞌo Rastu nu nka ndloo ꞌin tñi kichen re, nchka tiꞌ yu ta yu kasiya ꞌwan; ti kwiꞌ ti chaꞌ nchka tiꞌ Cuarto, yu taꞌaǎn.

1 CORINTIOS 9:17

Bra nu kuꞌniǐn ska tñan chaꞌ ꞌñaǎn tiǎn, xkeꞌ tiǎnꞌ chaꞌ kaja liyaꞌ ꞌñaǎn bra kanꞌ. Loꞌo ni, ska loo tñan mda Ni ꞌñaǎn; wa nganun tñan kanꞌ ꞌñaǎn chaꞌ kanꞌ ti tñan kuꞌniǐn, chaꞌ wa ndatsaa Ni ꞌñaǎn chaꞌ kuꞌniǐn ꞌin ran. Kanꞌ chaꞌ ngiꞌniǐn tñan kanꞌ.

HEBREOS 6:10

Loꞌo ngwañaꞌan, ñi ꞌa chaꞌ ngiꞌni Ndiose loꞌo nten chalyuu. Ja kjlyaa ꞌa tiꞌ Ni nchga chaꞌ suꞌwe nu wa yꞌni wan, chaꞌ ndayaꞌ ꞌa wan ꞌin neꞌ taꞌa msñian chaꞌ ꞌin Jesús; wa kaꞌan ꞌa tñan yꞌni wan chaꞌ ꞌin neꞌ kanꞌ. Chaꞌ nu wa yꞌni wan ngwañaꞌan, kanꞌ chaꞌ jlyo tiꞌ xka ta nten chaꞌ suꞌwe ꞌa nka tiye wan loꞌo Jesús, loꞌo ti ngiꞌni wan chaꞌ suꞌwe loꞌo neꞌ.

2 SAN JUAN 1:8

Kanꞌ chaꞌ, chaꞌ tiya ti tiꞌ tyiꞌin wan lo chalyuu, chaꞌ ja kjlyaa tiꞌ wan ngwa ti ñaꞌan nchga chaꞌ nu wa ynan wan bra nu mdiꞌin ba seꞌen ndiꞌin wan. Bra kanꞌ kaja nchga chaꞌ suꞌwe nu nchka tiꞌ Ndiose ta Ni ꞌwan bra nu tyii chalyuu.