SAN MATEO 10:33 - Chatino Zona Alta Occidental

³³ Loꞌo nchga nten nu nchkwiꞌ loꞌo taꞌa nten chaꞌ ja ndiꞌin chaꞌ ꞌin loꞌoǔn, naꞌ chkwiǐnꞌ loꞌo Stiǐn nu ndiꞌin nde niꞌ kwan chaꞌ siꞌi taꞌa suꞌwe nsuꞌwiǐn lka nten kanꞌ.

SAN MATEO 10:33 Iomraidhean Croise

SAN MARCOS 14:30

―Chañi chaꞌ nu nchkwiǐnꞌ loꞌoo ―ndukwin Jesús ꞌin Tyu―. Ndiꞌa, snan yaꞌ chkwiꞌ nuꞌwin loꞌo nten chaꞌ ja nsuꞌwi lyoo ꞌñaǎn. Ngwañaꞌan chkwiiꞌ loꞌo nten xa nu ti ji xiꞌya la kweꞌe tukwa yaꞌ ndiꞌa, xa wa tla.

SAN MARCOS 14:72

Bra ti msiꞌya la kweꞌe xiyaꞌ. Bra kanꞌ nsuꞌwi tiꞌ Tyu sa ñaꞌan chaꞌ nu wa ykwiꞌ Jesús loꞌo yu nu ngwa tsan: “Nde lka tñan nu kuꞌnii ndiꞌa, Tyu; snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn, xa nu ti ji xiꞌya la kweꞌe tukwa yaꞌ.” Kanꞌ chaꞌ nganan ꞌa Tyu bra kanꞌ.

SAN MARCOS 8:38

Naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, ka jyuꞌu tiǎnꞌ bra nu ñaꞌaǎn ꞌin ska nten chalyuu nu jyuꞌu tiꞌ ꞌñaǎn, ni siya jyuꞌu tiꞌ yu ꞌin chaꞌ suꞌwe nu nchkwiǐnꞌ. Chaꞌ nchka jyuꞌu tiꞌ neꞌ kanꞌ ꞌñaǎn tloo neꞌ xaꞌan lo chalyuu ni, tloo neꞌ nu chen ñaꞌan ngiꞌni lo chalyuu re, loꞌo naꞌ, ka jyuꞌu tiǎnꞌ ꞌin neꞌ kanꞌ bra nu kaǎn lo chalyuu xiyaꞌ nde loo la. Lye ꞌa ñaꞌan xaa bra nu kaǎn xiyaꞌ chabiyaꞌ ꞌin Stiǐn. Kaǎn loꞌo angajle nu kti ꞌa tiꞌ, chaꞌ luwi siyaꞌ ti angajle kanꞌ ―ndukwin Jesús ꞌin neꞌ.

SAN LUCAS 12:9

Si ndiya ska wan nu chkwiꞌ loꞌo xka nten chaꞌ ja ndiꞌin chaꞌ ꞌin yu loꞌoǔn siyaꞌ ti, loꞌo naꞌ, kwiꞌ ngwañaꞌan chkwiǐnꞌ chaꞌ ja nsuꞌwi lyoǔn ꞌin nten kanꞌ seꞌen ndiꞌin angajle nde niꞌ kwan.

SAN LUCAS 22:57

Bra ti mxkwen Tyu ꞌin nu kunaꞌan kanꞌ: ―Neꞌ kula, ja nsuꞌwi lyoǔn ꞌin yu kwa ―ndukwin Tyu bra kanꞌ.

SAN LUCAS 9:26

Si ka jyuꞌu tiꞌ wan ñaꞌan wan ꞌñaǎn, loꞌo naꞌ, ka jyuꞌu tiǎnꞌ ñaꞌaǎn ꞌwan bra kanꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten. Ja nꞌni chaꞌ ni siya wjyuꞌu tiꞌ wan ꞌñaǎn, ni siya wjyuꞌu tiꞌ wan ꞌin chaꞌ suꞌwe nu nchkwiǐnꞌ tiǎn. Bra nu kaǎn xiyaꞌ chunꞌ ndiꞌin la chaꞌ kaǎn ndloo la ꞌin nten, bra kanꞌ ka jyuꞌu tiǎnꞌ ñaꞌaǎn ꞌwan. Luwi ꞌa xaa kaǎn loꞌoǔn bra kanꞌ chaꞌ xaa ꞌin Ndiose Stiǐn lka ran; suꞌwa ti kaǎn loꞌo nchga angajle, angajle nu luwi ꞌa siyaꞌ ti.

2 TIMOTEO 2:12

Si taloan bra nu ta neꞌ nu tiꞌí ꞌñaan chunꞌ nchkwianꞌ chaꞌ ꞌin Jesús, bra kanꞌ kaja seꞌen tyiꞌian loꞌo Ni nde seꞌen nka Ni ndloo. Si chkwianꞌ chaꞌ ja ndiꞌin chaꞌ ꞌñaan loꞌo Jesucristo, kwiꞌ ngwañaꞌan Ndiose, chkwiꞌ Ni chaꞌ ja ndiꞌin chaꞌ ꞌin Ni loꞌoan.

2 SAN PEDRO 2:1

Wa yuꞌwi chinꞌ yu kwiñi nu mdiꞌin laja neꞌ Israel nu ngwa sꞌni; chaꞌ ꞌin Ndiose nchkwiꞌ ba, ndukwin yu kwiñi kanꞌ. Kwiꞌ ngwañaꞌan, ti kan la nten kwiñi seꞌen ndiꞌin wan ni; mnan ti kwaꞌu yu kwiñi kanꞌ ꞌwan nchga chaꞌ nu kiꞌya ke ykwiꞌ ti yu. Loꞌo chkwiꞌ yu kwiñi kanꞌ, chaꞌ chabiyaꞌ ꞌin Ndiose nchkwiꞌ yu. Si kunan wan chaꞌ nu chkwiꞌ yu kanꞌ, bra kanꞌ tyisnan tyiꞌin wsuun wan loꞌo taꞌa wan sa ñaꞌan yaꞌ nu suꞌwe taꞌa wan. Bra kanꞌ ka wan tukwa ta wan siꞌya chaꞌ kwiñi kanꞌ. Tnun ꞌa tñan nu yꞌni Xꞌnaan chaꞌ kulaa ꞌñaan taꞌaan loꞌo ꞌin yu kwiñi kanꞌ, ni siya ja nchka ꞌa tiꞌ yu kwiñi kanꞌ chaꞌ ka Ndiose Xꞌnan yu; ja siyaꞌ ndiꞌin chaꞌ ꞌin yu kanꞌ loꞌo Ndiose, kanꞌ chaꞌ ndla ti tyii chaꞌ ꞌin yu kwiñi kanꞌ.

1 SAN JUAN 2:23

Si chkwianꞌ loꞌo nten chaꞌ siꞌi Sñiꞌ Ndiose lka Jesucristo, ja ndiꞌin chaꞌ ꞌñaan loꞌo Ndiose Sti Jesucristo, ngwañaꞌan ndyoꞌo chaꞌ bra kanꞌ; bra nu xñian chaꞌ nu ndiꞌin ꞌin ska ti nu lka Sñiꞌ Ndiose, wa ndiꞌin chaꞌ ꞌñaan loꞌo Ndiose Sti yu, ngwañaꞌan ndyoꞌo chaꞌ bra kanꞌ.