SAN MATEO 10:25 - Chatino Zona Alta Occidental

²⁵ Ska ti biyaꞌ tyijin neꞌ kuneꞌ kanꞌ nu tiꞌí bra kanꞌ, sa ñaꞌan nu nchka ꞌin mstru ꞌin neꞌ; ska ti biyaꞌ ka tñan tukwi ꞌin msu kanꞌ bra kanꞌ, sa ñaꞌan nu nchka ꞌin xꞌnan neꞌ. Wa ykwiꞌ neꞌ chaꞌ lkaǎn Beelzebú, kwiꞌ nu lka xꞌnan kuneꞌ xaꞌan, kanꞌ chaꞌ ka biyaꞌ tiꞌ wan chaꞌ tiꞌí ꞌa chkwiꞌ neꞌ ꞌwan nu ndiꞌin chaꞌ ꞌwan loꞌoǔn, chaꞌ naꞌ lkaǎn Xꞌnan wan.

SAN MATEO 10:25 Iomraidhean Croise

SAN MATEO 12:24

Bra wa ynan neꞌ fariseo chaꞌ kanꞌ, xka chaꞌ ykwiꞌ neꞌ chaꞌ ꞌin Jesús: ―Ska ti chabiyaꞌ ꞌin Beelzebú nu nka xꞌnan nchga lo kwiꞌin kuxi, kanꞌ lka chaꞌ nu nchka ꞌin yu kiꞌyu re kulo yu kwiꞌin kuxi nu nsuꞌwi ꞌin nten ―ndukwin neꞌ fariseo kanꞌ.

SAN MATEO 12:27

¿Ta chañi nchkwiꞌ wan sikwa, xa nu nchkwiꞌ wan chaꞌ chabiyaꞌ ꞌin Beelzebú ndloǔn ꞌin kwiꞌin kuxi a? Ja ñi nchkwiꞌ wan siyaꞌ ti, chaꞌ loꞌo neꞌ nu ngiꞌni xaꞌan chaꞌ ꞌwan, ndlo neꞌ ꞌin kwiꞌin kuxi chabiyaꞌ ꞌin Ndiose, ndukwin neꞌ. Chunꞌ nu ngiꞌni neꞌ kanꞌ ngwañaꞌan ka biyaꞌ tiꞌ wan sikwa, si chañi chaꞌ nchkwiꞌ wan, si chaꞌ kwiñi ti nchkwiꞌ wan.

SAN MATEO 9:34

Xka ñaꞌan ykwiꞌ neꞌ fariseo kanꞌ: ―Nan ndlo Jesús kwa ꞌin kwiꞌin kuxi nu nsuꞌwi ꞌin nten loꞌo chabiyaꞌ ꞌin xꞌnan kuneꞌ xaꞌan, kanꞌ chaꞌ nchka ꞌin yu kuꞌni yu ngwañaꞌan ―ndukwin neꞌ fariseo kanꞌ.

SAN MARCOS 10:39

―Nchka ꞌwa ―ndukwin neꞌ ꞌin Jesús bra kanꞌ. ―Chañi chaꞌ loꞌo wan ndiꞌin chaꞌ koꞌo wan nan tlyaaꞌ nu ndiꞌin chaꞌ koꞌoǔn ―ndukwin Jesús―. Chañi chaꞌ tyijin wan nu tiꞌí sa ñaꞌan nu ndiꞌin chaꞌ tyijiǐn nu tiꞌí.

SAN MARCOS 3:22

Loꞌo mstru nu nduꞌu chaꞌ joꞌo niꞌ lyaa tnun nde Jerusalén, mdiyan neꞌ nde kwa. Ykwiꞌ mstru kanꞌ loꞌo nten: ―Wa msñi Beelzebú xꞌnan nchga lo kwiꞌin kuxi ꞌin Jesús kwa ―ndukwin mstru kanꞌ―, kanꞌ chaꞌ loꞌo chabiyaꞌ ꞌin kuneꞌ xaꞌan kanꞌ nchka ꞌin yu kulo yu kwiꞌin kuxi nu msñi ꞌin nten.

SAN LUCAS 11:15

Mdiya nu ykwiꞌ chaꞌ: ―Ndlo yu kwa ꞌin kwiꞌin kuxi ꞌin nten chabiyaꞌ ꞌin Beelzebú, nu nka xꞌnan nchga lo kwiꞌin kuxi ―ndukwin neꞌ.

SAN LUCAS 11:18

Kanꞌ chaꞌ ja talo chaꞌ ꞌin Satanás si xuun taꞌa Satanás kanꞌ loꞌo msu ꞌin yu; tyii chaꞌ ꞌin kuneꞌ xaꞌan bra ti bra kanꞌ. Loꞌo naꞌ ni ―ndukwin Jesús―, wa ndukwin wan chaꞌ nguloǔn ꞌin kwiꞌin kuxi nu msñi ꞌin nten chabiyaꞌ ꞌin Beelzebú nu nka xꞌnan kwiꞌin kuxi kanꞌ, ngwañaꞌan nchkwiꞌ wan ꞌñaǎn.

SAN LUCAS 11:19

¿Ta chañi nchkwiꞌ wan chaꞌ chabiyaꞌ ꞌin Beelzebú ndloǔn ꞌin kwiꞌin kuxi a? Ja ñi nchkwiꞌ wan siyaꞌ ti, chaꞌ loꞌo neꞌ nu ngiꞌni xaꞌan chaꞌ ꞌwan ndlo neꞌ ꞌin kwiꞌin kuxi; chabiyaꞌ ꞌin Ndiose ndlo neꞌ kwiꞌin kanꞌ, ndukwin wan. Siꞌya tñan nu ngiꞌni neꞌ kanꞌ ka biyaꞌ tiꞌ wan si chaꞌ nu ñi nchkwiꞌ wan, o ta chaꞌ kwiñi ti nchkwiꞌ wan.

SAN JUAN 10:20

Ndiya ꞌa neꞌ nu ykwiꞌ chaꞌ re: ―Ñaꞌan tiꞌ ska kuneꞌ xaꞌan, ngwañaꞌan ngiꞌni yu kwa. Wa mnaꞌ chaꞌ tiya ꞌin yu. Ja ndiꞌin chaꞌ kunaan chaꞌ nu nchkwiꞌ yu kwa.

SAN JUAN 7:20

―Ñaꞌan tiꞌ ska kuneꞌ xaꞌan, ngwañaꞌan ngiꞌni nuꞌwin ―ndukwin neꞌ ꞌin Jesús bra kanꞌ―. ¿Ti ka nu lka nchka tiꞌ kujwi ꞌiin sikwa a?

SAN JUAN 8:48

Ykwiꞌ neꞌ judío loꞌo Jesús bra kanꞌ: ―Chañi ꞌa chaꞌ nu nchkwiꞌ ba chaꞌ ꞌiin ni, chaꞌ neꞌ Samaria lka nuꞌwin. Ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ ꞌin Jesús bra kanꞌ.

SAN JUAN 8:52

Loꞌo ykwiꞌ neꞌ judío kanꞌ loꞌo Jesús xiyaꞌ bra kanꞌ: ―Jlyo tiꞌ bare chaꞌ ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ―. Sꞌni ngujwi ayman Abraham, sꞌni ngujwi xka ta ayman nu ykwiꞌ chaꞌ ꞌin Ndiose loꞌo nten. ¿Ni sa ñaꞌan ndaꞌan chaꞌ tiyee chaꞌ nu tka ndukwiin ti, chaꞌ: “Ja tsaa tii ꞌa chalyuu ꞌin nten nu kunan chaꞌ nu kwaꞌuǔn ꞌin neꞌ” a? ―ndukwin neꞌ―.