SAN MATEO 1:22 - Chatino Zona Alta Occidental

²² Kwiꞌ ngwañaꞌan ngwa chaꞌ kanꞌ, sa ñaꞌan nu wa ykwiꞌ Ndiose loꞌo nten nu ngwa ti sꞌni sa ñaꞌan ka chaꞌ kanꞌ. Sꞌni kanꞌ ayman nu ykwiꞌ chaꞌ ꞌin Ndiose loꞌo nten, ngwaꞌan neꞌ chaꞌ kanꞌ lo kityi. Loꞌo nde lka chaꞌ nu ngwaꞌan neꞌ:

SAN MATEO 1:22 Iomraidhean Croise

SAN MATEO 12:17

Ti sꞌni ytsaꞌ Ndiose ska chaꞌ ꞌin ayman Isaías chaꞌ ꞌin Krixtu. Nde ndukwa chaꞌ kanꞌ lo kityi:

SAN MATEO 13:21

Chunꞌ ndiꞌin la, bra nu mdyisnan xka ta nten nchka tiꞌí tiꞌ ꞌin neꞌ kanꞌ, ni siya xtyi lyoꞌo nten ꞌin neꞌ kanꞌ siꞌya chaꞌ suꞌwe nu wa ynan neꞌ kanꞌ, ja talo ꞌa neꞌ bra kanꞌ. Ñaꞌan tiꞌ mta nu ja msñi suꞌwe suun, mta nu mtsu lo yuu ti ti tuꞌwa nu nskwa chunꞌ kee kanꞌ, ja mdaloo kala kanꞌ, bra ti nganaan ran, ngwañaꞌan lka neꞌ kanꞌ.

SAN MATEO 13:35

Kanꞌ lka ska chaꞌ ꞌin Ndiose nu wa ykwiꞌ ska ayman loꞌo nten nu ngwa sꞌni. Nde ndiya chaꞌ kanꞌ: Loꞌo chaꞌ tiya ti chkwiǐnꞌ loꞌo nten chaꞌ kwaꞌuǔn ska chaꞌ ꞌin neꞌ, ndukwin Ndiose. Chkwiǐnꞌ ꞌin ska chaꞌ nu nsuꞌwi kutsiꞌ, ti nu mñaǎn chalyuu re.

SAN MATEO 2:15

Nganun neꞌ la kanꞌ sa ñaꞌan bra nu ngujwi Herodes, nu ree tlá kanꞌ. Loꞌo nde lka ti kwiꞌ chaꞌ nu wa ykwiꞌ ayman kula loꞌo nten chabiyaꞌ ꞌin Ndiose nu ngwa sꞌni: “Siꞌyaǎn ꞌin Sñiěnꞌ chaꞌ tyoꞌo lo yuu nu kwenta ꞌin Egipto, chaꞌ tyaan yu kichen tyi yu xiyaꞌ” ndukwin Ndiose nu nka Xꞌnaan. Kanꞌ chaꞌ ngwañaꞌan ngwa ꞌin neꞌ bra kanꞌ, chaꞌ ndyaa neꞌ nde Egipto.

SAN MATEO 2:23

ngala neꞌ kichen Nazaret bra kanꞌ. Ti kwiꞌ ti chaꞌ ykwiꞌ ayman nu ykwiꞌ loꞌo nten chaꞌ ꞌin Ndiose nu ngwa sꞌni, bra nu ykwiꞌ neꞌ chaꞌ neꞌ Nazaret ka nu lka Krixtu. Ngwañaꞌan ykwiꞌ ayman kanꞌ nu ngwa sꞌni, kanꞌ chaꞌ ngwañaꞌan yꞌni neꞌ loꞌo Jesús bra kanꞌ.

SAN MATEO 5:17

’Ja tyaꞌan chaꞌ tiye wan chaꞌ ndijyaǎn lo chalyuu re chaꞌ kuꞌni tyiǐn chaꞌ kula ꞌñaan; ni siya nchga chaꞌ nu ykwiꞌ Ndiose loꞌo ayman Moisés, ni siya nchga chaꞌ nu ngwaꞌan ayman nu ykwiꞌ loꞌo nten chaꞌ ꞌin Ndiose nu ngwa sꞌni, ja kuꞌni tyiǐn chaꞌ kanꞌ. Wa ndijyaǎn chaꞌ nu kwaꞌuǔn ñi ꞌin nten sa ñaꞌan lka nchga chaꞌ nu ndukwa lo kityi kula kanꞌ.

SAN MATEO 8:17

Ngwañaꞌan ngwa, chaꞌ mdoꞌo tukwa ti kwiꞌ ti chaꞌ nu ngwaꞌan ayman Isaías lo kityi nu ngwa sꞌni. Nde lka chaꞌ nu nchkwiꞌ kityi kanꞌ: “Wa jlyo tiꞌ Ndiose nchga seꞌen tiꞌí ꞌñaan, jlyo tiꞌ Ni sa ñaꞌan kicha nu nsuꞌwi ꞌñaan kwenta skaan; yꞌni tyii Ndiose nchga kicha kanꞌ, nchkaan bra kanꞌ.” Ngwañaꞌan ndukwa chaꞌ lo kityi, kanꞌ chaꞌ ngiꞌni Jesús joꞌó ꞌin nten nu tiꞌí.

SAN LUCAS 21:22

Tsan nu tyijin wan nu tiꞌí ka tsan kanꞌ, kwiꞌ tsan kanꞌ tyoꞌo tukwa nchga chaꞌ nu ndukwa lo kityi kula chaꞌ ka.

SAN LUCAS 24:44

Bra ti ykwiꞌ yu loꞌo neꞌ bra kanꞌ: ―Chaꞌ nu tka ngwa ti ꞌñaǎn, kanꞌ lka chaꞌ nu wa ytsaǎnꞌ ꞌwan bra nu ti mdiꞌiǐn loꞌo wan ti ngwa xkanꞌ ―ndukwin yu―. Bra kanꞌ niǐn ꞌwan chaꞌ ndiꞌin chaꞌ ka ꞌñaǎn nchga chaꞌ nu ndukwa chaꞌ ꞌñaǎn lo kityi nu ngwaꞌan ayman Moisés, loꞌo lo kityi nu ngwaꞌan ayman nu ykwiꞌ chaꞌ ꞌin Ndiose loꞌo nten nu ngwa sꞌni, loꞌo lo kityi Salmos ndukwa chaꞌ kanꞌ.

SAN JUAN 10:35

Loꞌo ni―ndukwin Jesús―, jlyo tianꞌ chaꞌ ja ka ꞌñaan tukuanꞌ ska chaꞌ nu wa ykwiꞌ Ndiose loꞌoan. Ndiya yaꞌ nchkwiꞌ kityi kanꞌ chaꞌ ñaꞌan tiꞌ ndiose, ngwañaꞌan lka nten nu kunan chaꞌ nu chkwiꞌ Ni loꞌo.

SAN JUAN 15:25

Ngwañaꞌan ndiꞌin chaꞌ ka chaꞌ nu ndukwa lo kityi kula ꞌin neꞌ kanꞌ: “Liyeꞌ tiꞌ neꞌ ꞌñaǎn, ni siya ja ndiꞌin chaꞌ kuꞌni neꞌ ngwañaꞌan.” Ngwañaꞌan nchkwiꞌ lo kityi ꞌin Ndiose.

SAN JUAN 17:12

Xa nu ti mdiꞌiǐn loꞌo nten nu mdaa ꞌñaǎn ―ndukwin Jesús―, bra kanꞌ suꞌwe ꞌa yꞌniǐn kwan ꞌin neꞌ kanꞌ loꞌo chabiyaꞌ ꞌiin. Ja mdaǎn ꞌaǎn chabiyaꞌ tyukwa neꞌ chaꞌ kuxi; ja ska neꞌ kanꞌ mnaꞌ kasiya ꞌin neꞌ. Ska ti yu nu ndukwa chaꞌ ꞌin yu ti sꞌni la chaꞌ kanaꞌ kasiya ꞌin yu, kanꞌ lka yu nu mdyii chaꞌ ꞌin yu siyaꞌ ti, chaꞌ ndiꞌin chaꞌ ka nchga chaꞌ nu ngwaꞌan ayman kula chaꞌ ꞌin yu lo kityi nu ngwa sꞌni.

SAN JUAN 18:9

Ngwañaꞌan ykwiꞌ Jesús loꞌo neꞌ, chaꞌ ka ska chaꞌ sa ñaꞌan nu tka ykwiꞌ ti Jesús loꞌo Ndiose Sti yu, bra nu ndukwin yu chaꞌ: “Ja ska nten nu wa mda Ndiose chaꞌ ka neꞌ nten ꞌñaǎn, ja mnaꞌ neꞌ kanꞌ ꞌñaǎn.”

LOS HECHOS 3:18

Wa lka chaꞌ ni, ti kwiꞌ chaꞌ nu ykwiꞌ Ndiose loꞌo ayman kula ꞌñaan nu ngwa sꞌni, ti kwiꞌ chaꞌ nu ngwaꞌan neꞌ lo kityi ꞌin Ndiose. Kityi kanꞌ nchkwiꞌ chaꞌ lye ꞌa ta neꞌ nu tiꞌí ꞌin Jesucristo sa bra nu kujwi neꞌ ꞌin yu, ti kwiꞌ Jesús nu suꞌwa Ndiose chaꞌ kan yu lo chalyuu.

ROMANOS 1:2

Bra nu ti ji kan Jesucristo lo chalyuu, ti bra kanꞌ ytsaꞌ ñi Ndiose ꞌñaan sa ñaꞌan nu ka chaꞌ kanꞌ tyempu nu ndijyan nde loo la. Ytsaꞌ Ni chaꞌ kanꞌ ꞌin nten nu ykwiꞌ loꞌo nten chalyuu chabiyaꞌ ꞌin Ndiose, chaꞌ chkwiꞌ neꞌ loꞌo taꞌa nten neꞌ nu ngwa sꞌni; ngwaꞌan neꞌ chaꞌ kanꞌ lo kityi bra kanꞌ.

EL APOCALIPSIS 17:17

Wa yꞌni Ndiose chaꞌ kiꞌya chaꞌ ke ree kanꞌ, kanꞌ chaꞌ ta neꞌ chabiyaꞌ ka ꞌni chen ñaꞌan kanꞌ ndloo, sa yaꞌ nu tyoꞌo skwa nchga chaꞌ nu ndukwin Ni chaꞌ ka.