SAN MARCOS 7:2 - Chatino Zona Alta Occidental

² Yuwe ꞌa tiꞌ neꞌ kanꞌ, chaꞌ ndiꞌin neꞌ nu ngiꞌni xaꞌan chaꞌ ꞌin Jesús nu nchku tyaja ni siya ja ya mnaꞌ neꞌ sa ñaꞌan nu nduꞌu mstru chaꞌ joꞌo ꞌin neꞌ chaꞌ kuꞌni neꞌ.

SAN MARCOS 7:2 Iomraidhean Croise

SAN MATEO 15:2

―¿Ni chaꞌ ja suꞌwe ngiꞌni neꞌ nu ngiꞌni xaꞌan chaꞌ ꞌiin? ―ndukwin neꞌ kanꞌ ꞌin Jesús―. Ja suꞌwa ngiꞌni neꞌ kwa loꞌo chaꞌ nu wa ykwiꞌ ayman kula loꞌoan nu ngwa sꞌni, chaꞌ katen suꞌwe yaanꞌ bra nu tiya yaꞌ kuan. Loꞌo neꞌ nu ngiꞌni xaꞌan chaꞌ ꞌiin ni, ja ngiꞌni neꞌ ngwañaꞌan ―ndukwin neꞌ bra kanꞌ.

SAN MARCOS 7:5

Kanꞌ chaꞌ mnichaꞌ neꞌ ꞌin Jesús bra kanꞌ, neꞌ fariseo kanꞌ loꞌo mstru nu nduꞌu chaꞌ joꞌo kanꞌ: ―¿Ni chaꞌ lka ja suꞌwe ngiꞌni neꞌ nu ngiꞌni xaꞌan chaꞌ ꞌiin? ―ndukwin neꞌ ꞌin yu―. Ja ndukwa neꞌ kwa tñan nu wa ngwaꞌu ayman kula ꞌñaan nu ngwa sꞌni, chaꞌ ja mnaꞌ suꞌwe neꞌ bra nu ku neꞌ tyaja ―ndukwin neꞌ kanꞌ ꞌin Jesús.

SAN LUCAS 11:38

Yuwe ꞌa tiꞌ yu fariseo kanꞌ, bra nu naꞌan yu chaꞌ ja mnaꞌ Jesús sa ñaꞌan nu ngiꞌni neꞌ judío xa wa ku ti neꞌ tyaja.

LOS HECHOS 10:28

Ykwiꞌ yu loꞌo neꞌ kanꞌ bra kanꞌ: ―Jlyo tiꞌ wan chaꞌ lka ba neꞌ judío, loꞌo ja nsuꞌwi chabiyaꞌ ꞌwa, chaꞌ tyoꞌ tiꞌin ba loꞌo wan, neꞌ xka laꞌa tsuꞌ ―ndukwin Tyu ꞌin neꞌ―. Ja nsuꞌwi chabiyaꞌ sten ba niꞌ ñaꞌan ꞌin neꞌ xka laꞌa tsuꞌ ―ndukwin―. Loꞌo ni, wa ngwaꞌu Ndiose ꞌñaǎn chaꞌ ja suꞌwe chkwiǐnꞌ chaꞌ ꞌin xka la nten kanꞌ, chaꞌ nten xaꞌan lka neꞌ, chaꞌ siꞌi nten luwi lka neꞌ, ni siya neꞌ xka laꞌa tsuꞌ lka neꞌ.

LOS HECHOS 11:8

Bra ti mxkweěn ꞌin Ni: “Ja nchka ꞌñaǎn kuǔn ꞌni nu ngwañaꞌan, Xꞌnaǎn” ndukwiǐn ꞌin Ndiose. “Ja ya siyaꞌ kuǔn ꞌni chen ñaꞌan kwa, kwiꞌ nu nchkwiꞌ bare chaꞌ ja suꞌwe ku ba ꞌni nu ja luwi, nu ngwañaꞌan.”

ROMANOS 14:14

Wa ykwiꞌ Krixtu loꞌoǔn, wa jlyo tiǎnꞌ chaꞌ ja ska nan kuxi nda Ndiose chaꞌ ku nten; nchga nan nu nchku nten chalyuu, nan suꞌwe lka ran. Ndiya nten nu ja nchka ku ska nan, chunꞌ mskeꞌ tiꞌ neꞌ chaꞌ kuxi lka ran; kanꞌ chaꞌ kuxi ꞌa lka nan kanꞌ chaꞌ ꞌin neꞌ kanꞌ si ku neꞌ ran bra kanꞌ.

HEBREOS 10:29

Loꞌo ni, lye la kaja nu tiꞌí ꞌin nchga nten nu chen ꞌa nka tiye ñaꞌan ꞌin Jesús, ska ti nu lka Sñiꞌ ykwiꞌ Ndiose kanꞌ. Lye ꞌa nchkwiꞌ neꞌ kanꞌ chaꞌ kuxi ꞌin tñan nu yꞌni Jesús lo wsi, ni siya chunꞌ chaꞌ ngujwi yu lo wsi kanꞌ, kanꞌ chaꞌ nchka luwi kasiya ꞌñaan. Loꞌo ngwañaꞌan, si chkwianꞌ chaꞌ kuxi ꞌin Tyiꞌi Ndiose, lye la tyijian nu tiꞌí, chaꞌ xkwiꞌ suꞌwe ꞌa ngiꞌni Tyiꞌi Ni loꞌoan.

EL APOCALIPSIS 21:27

loꞌo ja ska la chaꞌ kuxi sten kichen kanꞌ. Kwiꞌ ngwañaꞌan, nchga nten nu ngiꞌni chaꞌ kuxi loꞌo ya ñaꞌan ti nten nu ja lka kwilyoꞌo neꞌ, loꞌo neꞌ kwiñi, ja kaja chabiyaꞌ sten neꞌ kichen kanꞌ. Ska lo ti nten nu ndukwa nin lo kityi nu ndukwa yaꞌ nu lka ñaꞌan tiꞌ slyaꞌ kanꞌ, kanꞌ ti nten kaja chabiyaꞌ tiyan kichen kanꞌ bra kanꞌ. Kityi kanꞌ lka nu nchkwiꞌ ti ka nu ja tsaa tii ꞌa chalyuu ꞌin.