SAN MARCOS 1:2 - Chatino Zona Alta Occidental

² Ayman Isaías, nu ykwiꞌ loꞌo nten chaꞌ ꞌin Ndiose nu ngwa sꞌni, ngwaꞌan yu lo kityi sa ñaꞌan nu ka tyisnan chaꞌ re. Nde lka chaꞌ nu ngwaꞌan yu kanꞌ: Kuloǔn tñan ꞌin ska nten nu ka skan ꞌñaǎn, ndukwin Ndiose ꞌin Krixtu, chaꞌ tsaa yu kulo ndukwa la. Kanꞌ lka nu slaa tuwiin seꞌen tsaa, ndukwin Ni.

SAN MARCOS 1:2 Iomraidhean Croise

SAN MATEO 11:10

Nde ndiya chaꞌ nu ngwaꞌan ayman kula sꞌni chaꞌ ꞌin tñan nu kuꞌni Xuwa: Kuloǔn tñan ꞌin ska msu ꞌñaǎn chaꞌ tsaa yu nde loo la ꞌiin, chaꞌ slaa yu tuwiin seꞌen tsaa, ndukwin Ndiose ꞌin Krixtu.

SAN MATEO 2:5

―Kala Ni nde kichen Belén nde lo yuu ꞌin Judea re ―ndukwin neꞌ ꞌin ree―. Nde ndiya chaꞌ nu ndukwa lo kityi ꞌin Ndiose:

SAN MATEO 26:24

Sa ñaꞌan nu ndukwa chaꞌ lo kityi ꞌin Ndiose, ngwañaꞌan ndiꞌin chaꞌ ka ꞌñaǎn, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten. ¡Tꞌnan ꞌa nten nu tya ꞌñaǎn yaꞌ neꞌ xaꞌan! Suꞌwe la ka ꞌin yu ni siya ja ngula yu chalyuu siyaꞌ ti.

SAN MATEO 26:31

Kanꞌ ykwiꞌ Jesús loꞌo neꞌ kanꞌ: ―Ka jyuꞌu tiꞌ nchga wan ñaꞌan wan ꞌñaǎn tla ndaꞌa. Kanꞌ ka sa ñaꞌan ndukwa chaꞌ lo kityi ꞌin Ndiose nu ngwa sꞌni. Nde lka chaꞌ kanꞌ: “Bra nu kujwiǐn ꞌin nu ñaꞌansiin ꞌin slyaꞌ, xnan nchga slyaꞌ kanꞌ, tyaa iꞌ bra kanꞌ” ndukwin kityi kanꞌ.

SAN LUCAS 1:70

Ti kwiꞌ ti chaꞌ ykwiꞌ Ni loꞌo neꞌ taꞌaan ti sꞌni la, chaꞌ wa ngwa tyun siyentu yijan nu ytsaꞌ Ni chaꞌ kanꞌ ꞌin ayman ꞌñaan, nu ykwiꞌ chaꞌ ꞌin Ndiose loꞌo nten.

SAN LUCAS 1:76

Loꞌo ni, sñiěnꞌ, ndukwin yu ꞌin kuwiꞌ kanꞌ, chkwiꞌ neꞌ chaꞌ nuꞌwin lkaa nu taa chaꞌ tiya ꞌin nten chaꞌ ꞌin Ndiose nu lka ndloo la. Tyaꞌaan kulo ndukwa la ꞌin ykwiꞌ nu ka Xꞌnaan, chaꞌ xñii suꞌwee tuwiin seꞌen nu kan ykwiꞌ Xꞌnaan.

SAN LUCAS 18:31

Bra kanꞌ msiꞌya Jesús ꞌin tii tyukwa neꞌ nu ngiꞌni xaꞌan chaꞌ ꞌin yu, chaꞌ tyoꞌ tiꞌin neꞌ seꞌen ndiꞌin yu chaꞌ chkwiꞌ yu loꞌo neꞌ: ―Tsaan nde Jerusalén ni ―ndukwin yu―, seꞌen ka nchga tñan nu ndukwin ayman nu ykwiꞌ chaꞌ ꞌin Ndiose nu ngwa sꞌni; ngwaꞌan neꞌ chaꞌ kanꞌ lo kityi, nchga chaꞌ nu ka ꞌñaǎn, naꞌ nu ndijyaǎn chaꞌ kaǎn nten.