SAN LUCAS 9:19 - Chatino Zona Alta Occidental

¹⁹ ―Ndiya nten nu nchkwiꞌ chaꞌ nuꞌwin lkaa ayman Xuwa nu mdukwatya ꞌin nten nu ngwa sꞌni ―ndukwin neꞌ ꞌin yu―, loꞌo ndiya nu nchkwiꞌ chaꞌ ayman Elías lkaa, loꞌo ndiya xka ta nu nchkwiꞌ chaꞌ nuꞌwin lkaa ska ayman nu ykwiꞌ chaꞌ ꞌin Ndiose loꞌo nten nu ngwa sꞌni; sꞌni ꞌa ngujwi yu kanꞌ, loꞌo ni, ndyuꞌu yu kanꞌ xiyaꞌ, nchkwiꞌ neꞌ.

SAN LUCAS 9:19 Iomraidhean Croise

SAN MATEO 14:2

Kanꞌ chaꞌ ykwiꞌ yu kula kanꞌ loꞌo msu ꞌin yu: ―Ti kwiꞌ ayman Xuwa nu ndukwatya ꞌin neꞌ, ti kwiꞌ kanꞌ lka nu kiꞌyu kanꞌ ―ndukwin Herodes―. Wa ngujwi yu, loꞌo ndyuꞌu yu xiyaꞌ, nxkeꞌ tiǎnꞌ, kanꞌ chaꞌ nchka ꞌin yu kuꞌni yu chaꞌ tnun nu ngwañaꞌan.

SAN MATEO 3:1

Wa mdiya yaꞌ mdyisnan Xuwa ngwaꞌu yu ꞌin nten nu mdaꞌan seꞌen ndiꞌin yu ska ti yu niꞌ kixinꞌ; mdukwatya yu ꞌin neꞌ bra kanꞌ. Ti kwiꞌ lo yuu ꞌin Judea ndiꞌin yu; wtyi ꞌa yuu seꞌen ndiꞌin Xuwa kanꞌ, ndiꞌin ꞌa kee, loꞌo ja tukwin ndiꞌin nde kwa.

SAN MARCOS 6:14

Loꞌo wa ynan ree Herodes ꞌin chaꞌ tnun nu wa yꞌni Jesús bra kanꞌ; nchga kichen ynen chaꞌ kanꞌ, chaꞌ skaa chaꞌ ykwiꞌ skaa nten ꞌin Jesús. Nde lka chaꞌ nu mskeꞌ tiꞌ ree kanꞌ: ―Ayman Xuwa nu mdukwatya ꞌin nten nu ngwa sꞌni, kanꞌ lka Jesús re ―ndukwin Herodes kanꞌ―. Wa yjwiǐn ꞌin Xuwa kanꞌ, loꞌo ni, wa ndyuꞌu yu xiyaꞌ, kanꞌ chaꞌ nchka ꞌin kuꞌni chaꞌ tnun nu ngwañaꞌan ―ndukwin ree.

SAN MARCOS 6:15

―Siꞌi nu kanꞌ ―ndukwin xka ta nten―. Ayman Elías lka yu kiꞌyu re. ―Siꞌi ngwañaꞌan ―ndukwin xka ta nten―. Ska nten nu nchkwiꞌ chaꞌ ꞌin Ndiose lka yu re, ñaꞌan tiꞌ ayman nu mdiꞌin sꞌni, nu ykwiꞌ loꞌo nten chaꞌ ꞌin Ndiose.

SAN LUCAS 9:18

Ngwa ska tsan mdiꞌin Jesús ska ti yu nchkwiꞌ yu loꞌo Ndiose. Bra kanꞌ mdiyan neꞌ nu ngiꞌni xaꞌan chaꞌ ꞌin yu nde seꞌen ndiꞌin yu. Mnichaꞌ Jesús ꞌin neꞌ kanꞌ bra kanꞌ: ―¿Ti ka nu lkaǎn, nchkwiꞌ neꞌ a? ―ndukwin Jesús ꞌin neꞌ kanꞌ.

SAN LUCAS 9:20

―¿Loꞌo ꞌwan a? ―ndukwin Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ―, ¿ti ka nu lkaǎn, nxkeꞌ tiꞌ wan a? Bra kanꞌ mxkwen Tyu ꞌin yu: ―Krixtu nu msuꞌwa Ndiose ꞌiin chaꞌ ndijyan lo chalyuu, kanꞌ lka nuꞌwin ―ndukwin Tyu ꞌin yu.

SAN JUAN 1:21

―¿Ti ka nu lkaa sikwa a? ―ndukwin neꞌ ꞌin yu―. ¿Ayman Elías lkaa a? ―Siꞌi nu kanꞌ lkaǎn ―ndukwin Xuwa. ―Wa tyoꞌo tukwa ti ska yu kula nu chkwiꞌ chaꞌ ꞌin Ndiose loꞌo ba, nxkeꞌ tiꞌ ba ―ndukwin neꞌ―. ¿Siꞌi nu kanꞌ lkaa a? ―Siꞌi naꞌ ―ndukwin Xuwa bra kanꞌ.

SAN JUAN 1:25

Xiyaꞌ ykwiꞌ neꞌ kanꞌ loꞌo Xuwa bra kanꞌ: ―¿Ni chaꞌ lka nduun ndukwatyaa ꞌin nten a?, chaꞌ siꞌi nten tnun kanꞌ lkaa, siꞌi ayman Elías lkaa, siꞌi yu kula nu chkwiꞌ chaꞌ ꞌin Ndiose lkaa.

SAN JUAN 7:40

Kanꞌ ndiya nten kichen nu wa ynan chaꞌ kanꞌ, nu ykwiꞌ chaꞌ ꞌin Jesús: ―Chañi chaꞌ yu kwa lka yu kula nu ndiꞌin chaꞌ kan ti sꞌni, nu chkwiꞌ chaꞌ ꞌin Krixtu loꞌoan ―ndukwin neꞌ.

SAN JUAN 9:17

Xiyaꞌ mnichaꞌ neꞌ ꞌin nu ngwa kwityiinꞌ bra kanꞌ: ―Nuꞌwin ni, ¿ni sa ñaꞌan chaꞌ nchkwiiꞌ chaꞌ ꞌin yu kanꞌ, chunꞌ wa yꞌni yu joꞌó kiloo a? Mxkwen yu kanꞌ ꞌin neꞌ bra kanꞌ: ―Ska yu kula nu nchkwiꞌ chaꞌ ꞌin Ndiose loꞌo nten lka yu kanꞌ ―ndukwin yu nu ngwa kwityiinꞌ kanꞌ.