SAN LUCAS 8:45 - Chatino Zona Alta Occidental

⁴⁵ Bra kanꞌ mnichaꞌ Jesús ꞌin neꞌ nu mdaꞌan loꞌo: ―¿Ti ka nu ylaꞌ steěnꞌ a? ―ndukwin. Nchga nten ykwiꞌ chaꞌ ja tukwin ylaꞌ steꞌ Jesús. Kanꞌ chaꞌ loꞌo Tyu loꞌo xka ta taꞌa ndaꞌan yu, mxkwen neꞌ ꞌin Jesús bra kanꞌ: ―Yu kula ―ndukwin neꞌ―, nchga chuunꞌ tkanꞌ ꞌa ndiꞌin nten. Ni chaꞌ lka nchkwiiꞌ sikwa: “¿Ti ka nu ylaꞌ steěnꞌ a?”

SAN LUCAS 8:45 Iomraidhean Croise

SAN LUCAS 19:43

Chunꞌ ndiꞌin la tiya ska tsan nu kuxi ꞌa ꞌwan. Loꞌo bra kanꞌ xoꞌ tukwa nu nxuun loꞌo wan mondun yuu ñaꞌaan tuꞌwa kichen tyi wan. Bra kanꞌ suꞌwa loꞌoo neꞌ kanꞌ tuwiin tuꞌwa kichen.

SAN LUCAS 5:5

Bra kanꞌ mxkwen Simón ꞌin yu: ―Yu kula ―ndukwin―, tyukwi tla mdaꞌan ba lo tiyuꞌ nguun ba katan; ja ska nan mjwi ꞌwa siyaꞌ ti bra kanꞌ. Loꞌo ni, si ngwañaꞌan kuloo tñan ꞌwa, tsaa ba seꞌen ndukwiin chaꞌ kuun ba katan nde kwa ―ndukwin Simón bra kanꞌ.

SAN LUCAS 8:44

Loꞌo ni, yan nu kunaꞌan kanꞌ nde chunꞌ Jesús, ylaꞌ kiyaꞌ steꞌ yu; bra ti msiꞌyu kuꞌ chaꞌ ngalu tnen kanꞌ, bra ti nchkaa nu kunaꞌan kanꞌ.

SAN LUCAS 9:13

―ꞌWan, ta wan nan ku nchga nten kaꞌan kwa ―ndukwin Jesús ꞌin neꞌ nu ngiꞌni xaꞌan chaꞌ ꞌin yu bra kanꞌ. ―Chinꞌ ꞌa nan nsuꞌwi ꞌware ―ndukwin neꞌ―. Kiꞌyu ti jaxlya tejeꞌ loꞌo tukwa ti kula loꞌo ꞌwa. Ska ti si tsaa naan ba skwa chaꞌ ku nchga neꞌ re ―ndukwin neꞌ ꞌin Jesús bra kanꞌ.