SAN LUCAS 8:15 - Chatino Zona Alta Occidental

¹⁵ Sa ñaꞌan lka mta nu ngalu seꞌen nu suꞌwe ꞌa yuu kanꞌ, ngwañaꞌan lka nten nu tyukwi ti tiye neꞌ nnan neꞌ chaꞌ suꞌwe nu nchkwiꞌ Ndiose loꞌo neꞌ; xlyaa neꞌ tukwa neꞌ nchga chaꞌ nu nchkwiꞌ Ndiose loꞌo neꞌ. Ndalo neꞌ kanꞌ bra kanꞌ, ja ndaꞌan chunꞌ neꞌ chaꞌ wa msñi neꞌ chaꞌ kanꞌ. Loꞌo bra kanꞌ suꞌwe ꞌa chaꞌ nsuꞌwi niꞌ kasiya ꞌin neꞌ kanꞌ.

SAN LUCAS 8:15 Iomraidhean Croise

SAN MATEO 24:13

Loꞌo ja kuwe tiꞌ wan, nchga wan nu talo wan chan ꞌin chaꞌ kuxi kanꞌ, kulaǎn ꞌwan bra kanꞌ, xa nu wa tyii chalyuu ―ndukwin Jesús―.

SAN LUCAS 11:28

Bra kanꞌ mxkwen Jesús ꞌin nu kunaꞌan kanꞌ: ―Siꞌi chaꞌ kanꞌ ―ndukwin―. ¡Suꞌwe la nka tiye nten nu kunan suꞌwe nchga chaꞌ nu nchkwiꞌ Ndiose loꞌo neꞌ, nchga nu ndukwa chaꞌ ꞌin Ni!

SAN LUCAS 6:45

Nchga nten nu suꞌwe tiye, suꞌwe ꞌa nchkwiꞌ neꞌ kanꞌ; loꞌo nchga nten nu kuxi tiye, kuxi ti nchkwiꞌ neꞌ kanꞌ bra kanꞌ. Sa ñaꞌan chaꞌ nu nsuꞌwi niꞌ kasiya ꞌin skaa nten, ngwañaꞌan nchkwiꞌ neꞌ.

SAN LUCAS 8:14

Sa ñaꞌan lka chaꞌ ꞌin mta nu ngalu laja yka kicheꞌ kanꞌ, ngwañaꞌan lka nten nu wa ynan chaꞌ suꞌwe kanꞌ nu ngwa xkanꞌ; loꞌo kanꞌ ndiꞌin ꞌa tñan ꞌin neꞌ, ndiꞌin ꞌa tñi ꞌin neꞌ, loꞌo nsuꞌwi ꞌa seꞌen kwiji neꞌ tñi chaꞌ ꞌin ti neꞌ; kanꞌ chaꞌ ja nchka kanun suꞌwe chaꞌ suꞌwe kanꞌ niꞌ kasiya ꞌin neꞌ.

SAN LUCAS 8:16

’Ja tukwin xtya xaa niꞌ ñaꞌan ꞌin, chaꞌ tukunꞌ neꞌ ꞌin xaa kanꞌ chunꞌ ndiꞌin la; ti kwiꞌ ti chaꞌ, ja xtya neꞌ ska xaa ska niꞌ kiꞌyan ti. Ja ngiꞌni neꞌ ngwañaꞌan. Nxtya neꞌ xaa ska seꞌen nu kwan, chaꞌ xuꞌwi xaa chaꞌ ka ñaꞌan neꞌ nchga nan nu ndiꞌin niꞌ ñaꞌan kanꞌ.

SAN JUAN 14:15

’Tukwa wan nchga chaꞌ nu nchkwiǐnꞌ loꞌo wan, si chañi chaꞌ suꞌwe nsuꞌwi tiye wan ñaꞌan wan ꞌñaǎn ―ndukwin Jesús―.

SAN JUAN 15:10

Nchga tsan tyuꞌwi tiꞌ wan seꞌen ndiꞌin wan chaꞌ suꞌwe ꞌa nsuꞌwi tiyeěn naꞌaǎn ꞌwan. Loꞌo ka suꞌwe ꞌa ka tiyeěn ñaꞌaǎn ꞌwan si kunan wan nchga chaꞌ nu nchkwiǐnꞌ loꞌo wan ―ndukwin Jesús―. Loꞌo naꞌ, wa yꞌniǐn ngwañaꞌan, nchga tñan nu ngulo Stiǐn ꞌñaǎn wa ndukwaǎn ꞌin ran. Kanꞌ chaꞌ jlyo tiǎnꞌ chaꞌ suꞌwe ꞌa nsuꞌwi tiye Ni ñaꞌan Ni ꞌñaǎn nchga seꞌen ndiꞌiǐn.

ROMANOS 2:7

ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.

ROMANOS 6:22

Loꞌo ni, ja ka ꞌa ꞌin chaꞌ xaꞌan kanꞌ kulo tñan ꞌwan, chaꞌ wa yten wan tñan ꞌin Ndiose. Ka suꞌwe ka tiye wan ni, chaꞌ ngiꞌni wan tñan ꞌin Ni, chaꞌ xkwiꞌ ndiꞌin wan lo chalyuu chaꞌ ꞌin Ndiose; bra kanꞌ ja tyii ꞌa chalyuu nu ta Ni ꞌwan xa wa mdyii nchga chaꞌ.

ROMANOS 7:18

Jlyo tianꞌ chaꞌ ja suꞌwe lka chaꞌ nu yuꞌwi niꞌ kasiya ꞌñaǎn, chaꞌ nten chalyuu ti lkaǎn; ni siya ngwa tiǎnꞌ kuꞌniǐn xkwiꞌ chaꞌ suꞌwe nu ngwa xkanꞌ, ja ngwa ꞌñaǎn siyaꞌ ti.

ROMANOS 7:4

Ngwañaꞌan lkaan ni loꞌo chaꞌ kula nu mdukwaan ꞌaan ti ngwa sꞌni: sa ñaꞌan lka ska nu kunaꞌan nu ja luꞌu ꞌa kwilyoꞌo, ngwañaꞌan lka taꞌaan nu ndiꞌin chaꞌ ꞌñaan loꞌo Krixtu. Wa ngujwi Krixtu lo wsi, kanꞌ chaꞌ ni, ja ndiꞌin chaꞌ ꞌñaan loꞌo chaꞌ kula kanꞌ. Wa ngwa suꞌwa chaꞌ ꞌñaan loꞌo Krixtu bra nu ndyuꞌu yu xiyaꞌ xa wa ngujwi yu, kanꞌ chaꞌ ni, ka ꞌñaan kuꞌnian tñan ꞌin Ndiose laja nu ti ndiꞌian lo chalyuu.

ROMANOS 8:25

Nu chañi chaꞌ ti ndiꞌin taan ꞌin ska chaꞌ, bra kanꞌ ndiꞌin chaꞌ taloan sa ñaꞌan bra ka ran, ni siya ti ji ñaꞌaan ꞌin ran, ni siya chan ꞌa taloan sa ñaꞌan bra nu ñaꞌaan chaꞌ ndyoꞌo tukwa ran.

1 CORINTIOS 7:19

Ja nꞌni chaꞌ ꞌin Ndiose, ni siya nkwaan ngwañaꞌan, ni siya ja nkwaan ngwañaꞌan; nu ndloo ꞌa ꞌin Ndiose lka chaꞌ tukwaan tñan nu ndlo Ni ꞌñaan.

EFESIOS 2:8

wa ndoꞌo laan ꞌin chaꞌ kuxi, chaꞌ nchka tꞌnan tiꞌ Ndiose ꞌñaan bra nu ndyaa ñaꞌan tianꞌ ꞌin Krixtu. Siꞌi ska tñan nu ngiꞌnian ti ykwiinꞌ tian lka kanꞌ, ska chaꞌ suꞌwe nu nda Ndiose ꞌñaan lka kanꞌ.

FILIPENSES 1:11

Kaꞌan ꞌa chaꞌ suꞌwe ka kuꞌni wan nchga seꞌen ndiꞌin wan lo chalyuu chunꞌ Jesucristo, chaꞌ ngiꞌni Krixtu tñan niꞌ kasiya ꞌwan; kanꞌ chaꞌ ka kuꞌni tnun wan ꞌin Ndiose, bra nu tyuꞌwi tiꞌ wan chaꞌ tnun nu ngiꞌni Ni.

COLOSENSES 1:10

Kanꞌ chaꞌ nchga tsan nu ndiꞌin wan lo chalyuu ka kuꞌni wan tñan, ti kwiꞌ tñan nu nchka tiꞌ Ndiose chaꞌ kuꞌni wan; ka kuꞌni wan nchga lo tñan nu suꞌwe chaꞌ ꞌin Ndiose bra kanꞌ, ka ka biyaꞌ la tiꞌ wan sa ñaꞌan ndiꞌin nchga chaꞌ ꞌin Ni.

COLOSENSES 1:6

Wa ndijyan nganen la chaꞌ suꞌwe ꞌin Jesús kanꞌ tyukwi ñaꞌaan chalyuu, loꞌo ngwañaꞌan nchka suꞌwe kasiya ꞌin nten bra nu nganan neꞌ chaꞌ kanꞌ. Kwiꞌ ngwañaꞌan ngwa bra nu ynan wan chaꞌ kanꞌ ti kulo; ti bra kanꞌ ynan wan chaꞌ ngiꞌni ꞌa Ndiose chaꞌ suꞌwe loꞌo nten, bra kanꞌ ngwa biyaꞌ tiꞌ wan chaꞌ chañi ꞌa lka chaꞌ kanꞌ.

HEBREOS 10:36

Ndiꞌin chaꞌ talo wan ti xꞌni ni siya chan ꞌa, si ti nchka tiꞌ wan kuꞌni wan nchga tñan nu nchka tiꞌ Ndiose, chaꞌ ti ñaꞌan wan nchga chaꞌ nu wa ykwiꞌ Ni chaꞌ ka chunꞌ ndiꞌin la.

HEBREOS 2:1

Tnun ꞌa ndiꞌin chaꞌ ꞌin Jesús ni, kanꞌ chaꞌ ndiꞌin chaꞌ xñiin suꞌwean nchga chaꞌ nu wa ykwiꞌ Jesús loꞌoan, chaꞌ ja xiꞌin chuanꞌ ꞌin tuwiin ñi nu wa msñian.

SANTIAGO 1:4

Kuꞌni wan chaꞌ talo wan tyukwi tyempu nu ndiꞌin wan lo chalyuu, sa ñaꞌan bra nu tyii nu tiꞌi ꞌwan, chaꞌ ka wan nten nu tyukwi ti tiye, nten nu ja ska nan lyiji ꞌin chunꞌ msñi wan chaꞌ ꞌin Jesús.

1 SAN JUAN 2:3

Bra nu nchka tianꞌ tukwaan nchga tñan nu nchka tiꞌ Ni chaꞌ kuꞌnian, bra kanꞌ ka jlyo tianꞌ chaꞌ chañi chaꞌ ndiꞌin chaꞌ ꞌñaan loꞌo Jesucristo.