SAN LUCAS 7:42 - Chatino Zona Alta Occidental

⁴² Taꞌa tyukwaa yu ja ngwa ꞌin yu tya yu tñi ꞌin yu kuliyaꞌ kanꞌ bra kanꞌ. Kanꞌ chaꞌ nchka tꞌnan tiꞌ yu kuliyaꞌ kanꞌ ꞌin taꞌa tyukwaa yu kanꞌ; yꞌni tyii yu kwenta ꞌin yu kanꞌ ngwañaꞌan ti. Katsaaꞌ lyaa ꞌñaǎn sikwa ―ndukwin Jesús ꞌin yu fariseo kanꞌ―, ¿ti ka lka nu suꞌwe la nka tiye ñaꞌan ꞌin yu kuliyaꞌ kanꞌ a? ¿Si ska yu, o ta xka yu a?

SAN LUCAS 7:42 Iomraidhean Croise

SAN MATEO 18:27

Ngwa tꞌnan tiꞌ ree kanꞌ ꞌin yu bra kanꞌ, yꞌni chaꞌ tlyu tiꞌ ꞌin yu ꞌin tneꞌ ndukwi yu. “Wa mdyii tneꞌ ꞌiin ni. Ja ndukwii ꞌa ꞌñaǎn ni” ndukwin xꞌnan yu ꞌin yu. Mdoꞌo msu kanꞌ ndyaa bra kanꞌ.

SAN MATEO 18:34

Msinꞌ ꞌa tiꞌ ree ꞌin msu tlá kanꞌ bra kanꞌ, ngulo tñan chaꞌ xñi policía ꞌin yu, chaꞌ suꞌwa neꞌ ꞌin yu niꞌ ñaꞌan chkwan, chaꞌ ta neꞌ nu tiꞌí ꞌin yu sa ñaꞌan yaꞌ nu tya msu tlá kanꞌ nchga tñi nu ndukwi yu ꞌin ree kanꞌ. Kanꞌ lka chaꞌ ꞌin ree loꞌo msu ꞌin yu.

SAN MATEO 6:12

Kuꞌnii chaꞌ tlyu tiꞌ ꞌwa ꞌin nchga chaꞌ kuxi nu yꞌni ba, chaꞌ ngwañaꞌan wa yꞌni ba chaꞌ tlyu tiꞌ ꞌin xka la nten nu yꞌni chaꞌ kuxi loꞌo ba.

SAN LUCAS 7:43

Bra kanꞌ mxkwen Simón ꞌin Jesús: ―Nu ndukwi kaꞌan la, kanꞌ lka; chunꞌ lye la yꞌni nu kuliyaꞌ kanꞌ chaꞌ tlyu tiꞌ ꞌin. Ngwañaꞌan lka kanꞌ ―ndukwin Simón. ―Chañi chaꞌ nchkwiiꞌ ―ndukwin Jesús bra kanꞌ.

ROMANOS 3:24

Loꞌo ni, kuꞌni Ndiose chaꞌ ka suꞌwe ka kasiya ꞌñaan, chunꞌ chaꞌ suꞌwe ꞌa nsuꞌwi tiye Ni ꞌñaan; ska chaꞌ suꞌwe nu ngiꞌni Ndiose chaꞌ ꞌñaan lka, chaꞌ tnun ꞌa tñan nu yꞌni ykwiꞌ Jesucristo bra nu ngujwi yu lo wsi chaꞌ kulaa yu ꞌñaan ꞌin nchga chaꞌ kuxi, chaꞌ ka katin kiꞌya nu ndukwian.

ROMANOS 5:6

Jlyo tianꞌ chaꞌ ja ka kulaan ꞌñaan ti ykwiinꞌ tian ꞌin kiꞌya nu ndukwian; kanꞌ chaꞌ ni, xa wa mdiya bra nu mstya Ndiose, bra kanꞌ ngujwi Jesús siꞌyaan, chaꞌ lkaan nten xaꞌan.

GÁLATAS 3:10

Nchga nten nu nchka tiꞌ chaꞌ ska ti chunꞌ ndukwa ñi neꞌ nchga lee kula nu ngwaꞌan ayman Moisés ka suꞌwe neꞌ tloo Ndiose, kanun yuweꞌ chunꞌ nten kanꞌ, chaꞌ nde lka chaꞌ nu nchkwiꞌ kityi ꞌin Ndiose: “Kanun yuweꞌ chunꞌ nchga nten nu ja kuꞌni ñi nchga chaꞌ nu ndukwa lo kityi kanꞌ.”

EFESIOS 1:7

Wa mdoꞌo laan ꞌin chaꞌ kuxi nu ndiꞌin ꞌñaan, chunꞌ chaꞌ wa ngujwi Sñiꞌ ykwiꞌ Ndiose lo wsi siꞌyaan, chaꞌ wa yꞌni Ni chaꞌ tlyu tiꞌ ꞌñaan ꞌin kiꞌya nu mdiꞌin ꞌñaan ti bra kanꞌ; kanꞌ lka chaꞌ suꞌwe nu tlyu ꞌa nu wa yꞌni Ndiose loꞌoan.

EFESIOS 4:32

Xka ñaꞌan kuꞌni wan ni. Xkwiꞌ suꞌwe ti kuꞌni wan loꞌo taꞌa nten wan, kuꞌni wan chaꞌ tlyu tiꞌ ꞌin taꞌa nten wan; kuꞌni wan chaꞌ tlyu tiꞌ ꞌin neꞌ ꞌin kiꞌya nu yꞌni neꞌ loꞌo wan, chaꞌ ngwañaꞌan wa yꞌni Ndiose chaꞌ tlyu tiꞌ ꞌñaan chaꞌ ꞌin Krixtu.

COLOSENSES 3:13

Talo wan ꞌin xka ta nten taꞌa wan sikwa, loꞌo kuꞌni wan chaꞌ tlyu tiꞌ ꞌin neꞌ si ndiꞌin kiꞌya ꞌin neꞌ loꞌo wan. Sa ñaꞌan nu ngiꞌni Xꞌnaan chaꞌ tlyu tiꞌ ꞌwan, ngwañaꞌan ndiꞌin chaꞌ kuꞌni wan chaꞌ tlyu tiꞌ ꞌin taꞌa nten wan.