SAN LUCAS 7:38 - Chatino Zona Alta Occidental

³⁸ Yaa tukwa nu kunaꞌan kanꞌ lyuu kwiꞌ seꞌen ti seꞌen ndukwa kiyaꞌ Jesús bra kanꞌ. Nganan ꞌa nu kunaꞌan kanꞌ, ngalu tyiꞌa kiloo chunꞌ kiyaꞌ Jesús; bra kanꞌ msuweꞌ kichanꞌ ke kiyaꞌ yu chaꞌ xtyi kiyaꞌ yu. Ykwichaꞌ nu kunaꞌan kanꞌ kiyaꞌ Jesús bra kanꞌ, mdyii sete xi kanꞌ mslu chunꞌ kiyaꞌ yu.

SAN LUCAS 7:38 Iomraidhean Croise

SAN MATEO 5:4

’Kwiꞌ ngwañaꞌan, ka suꞌwe nka tiye nten ni siya xiꞌin tiꞌ neꞌ ni, siꞌya kiꞌya nu ndiꞌin ꞌin neꞌ; kuꞌni Ndiose chaꞌ ka suꞌwe ka tiye neꞌ kanꞌ chunꞌ ndiꞌin la.

SAN LUCAS 22:62

Bra kanꞌ mdoꞌo Tyu nde liyaꞌ, lye ꞌa ynan yu chaꞌ ngwa xiꞌin ꞌa tiꞌ yu.

SAN LUCAS 6:21

’Kwiꞌ ngwañaꞌan, ka suꞌwe ka tiye wan nu lye ꞌa nchka tiꞌ wan kunan wan ska chaꞌ nu ñi, sa ñaꞌan lka si ngiteꞌ ꞌa tiꞌ wan ―ndukwin―. Chunꞌ ndiꞌin la, kalaꞌ tiꞌ wan bra kanꞌ. ’Kwiꞌ ngwañaꞌan, ka suꞌwe ka tiye wan nu xiꞌin tiꞌ ndiꞌin lo chalyuu re ni, chaꞌ chunꞌ ndiꞌin la ka suꞌwe ka tiye wan bra kanꞌ ―ndukwin Jesús―.

SAN LUCAS 7:37

Ti kwiꞌ kichen kanꞌ mdiꞌin ska nu kunaꞌan nu kaꞌan ꞌa kiꞌyu nsuꞌwi ꞌin. Bra nu ngwa biyaꞌ tiꞌ nu kunaꞌan kanꞌ, chaꞌ wa mdiyan Jesús ku tlyaa seꞌen ndiꞌin yu fariseo kanꞌ, bra kanꞌ chaꞌ ꞌin ti nu kunaꞌan kanꞌ yaa seꞌen ndiꞌin Jesús; mdiyan loꞌo ska teꞌén lyuꞌ ti sete nu xi ꞌa tyiꞌi.

SAN LUCAS 7:39

Loꞌo yu fariseo nu wa ykwiꞌ loꞌo Jesús chaꞌ tsaa ku tlyaa seꞌen ndiꞌin yu, bra wa naꞌan yu ꞌin nu kunaꞌan kanꞌ, kanꞌ mdaꞌan chaꞌ tiye yu bra kanꞌ: “Ja chañi chaꞌ lka yu re ska nten nu nchkwiꞌ chaꞌ ꞌin Ndiose loꞌo nten. Si kwiꞌ kanꞌ lka yu, bra kanꞌ ja chan kiꞌya yu kwenta sa ñaꞌan lka nu kunaꞌan nu nxtya yaꞌ chunꞌ kiyaꞌ yu ni; ka biyaꞌ tiꞌ yu chaꞌ ska nu kunaꞌan nu chen ꞌa ñaꞌan ngiꞌni ndiꞌin lo chalyuu lka nu kunaꞌan kwa.”

SAN JUAN 11:2

Ti kwiꞌ Liya kanꞌ, taꞌa ngula yu tiꞌí kanꞌ, kanꞌ lka nu suꞌwa sete xi tyiꞌi chunꞌ kiyaꞌ Jesús nde loo la, kwiꞌ suweꞌ kichanꞌ ke ykwiꞌ kiyaꞌ Jesús chaꞌ kityi ran.

SANTIAGO 4:9

Ndiꞌin chaꞌ ka xiꞌin tiꞌ wan siꞌya nu kaꞌan ꞌa chaꞌ kuxi nu nsuꞌwi niꞌ kasiya ꞌwan; kanꞌ chaꞌ ni, lye xiꞌya wan, lye kunan wan siꞌya chaꞌ kuxi kanꞌ. Kunan wan ni, ni siya mdiꞌin styi ꞌa wan nu ngwa xkanꞌ ti; ka xiꞌin ꞌa tiꞌ wan ni, ni siya suꞌwe ꞌa ngwa tiye wan nu ngwa xkanꞌ.