SAN LUCAS 7:36 - Chatino Zona Alta Occidental

³⁶ Mdiya ska yu fariseo nu ykwiꞌ loꞌo Jesús chaꞌ tsaa ku tlyaa loꞌo yu naꞌan tyi yu. Loꞌo neꞌ fariseo kanꞌ ni, kti ꞌa ngiꞌni neꞌ, mskeꞌ tiꞌ neꞌ. Bra kanꞌ yaa Jesús seꞌen ndukwa naꞌan tyi yu, yaa tukwa yu tuꞌwa msaa.

SAN LUCAS 7:36 Iomraidhean Croise

SAN LUCAS 11:37

Bra nu mdyii ykwiꞌ Jesús, bra kanꞌ ykwiꞌ ska neꞌ fariseo loꞌo Jesús chaꞌ tsaa naꞌan tyi yu, chaꞌ ku tlyaa neꞌ. Kanꞌ chaꞌ ndyaa Jesús loꞌo yu, kanꞌ ndyaa tukwa yu tuꞌwa msaa.

SAN LUCAS 14:1

Ska tsan nu nxitñaꞌ neꞌ yaa Jesús yku tlyaa yu naꞌan tyi xꞌnan neꞌ fariseo. Loꞌo xka ta neꞌ fariseo, naꞌan ꞌa neꞌ ꞌin Jesús bra kanꞌ.

SAN LUCAS 7:34

Chunꞌ ndiꞌin la msuꞌwa Ndiose ꞌñaǎn ndijyaǎn chaꞌ kaǎn nten; suꞌwa ti nchkuǔn loꞌo wan bra kanꞌ, suꞌwa ti ndiꞌiǐn loꞌo wan naꞌan tyi wan. Kanꞌ chaꞌ nchkwiꞌ wan ꞌñaǎn: “Ñaꞌaan sa ñaꞌan nu ngiꞌni yu kwa ni” ndukwin wan ꞌin taꞌa wan, “xkwiꞌ nan nchku ti yu kwa nchka tiꞌ yu, xkwiꞌ nan kuꞌwi ti yu ndaꞌan yu. Ja suꞌwe yu kwa chaꞌ lka yu taꞌa suꞌwe nsuꞌwi neꞌ kuxi nu ndlo tñi ꞌñaan, loꞌo xka ta neꞌ kuxi kanꞌ lka taꞌa suꞌwe nsuꞌwi yu” ndukwin wan ꞌñaǎn.

SAN LUCAS 7:35

Ndukwin wan chaꞌ ja suꞌwe chaꞌ nu nchkwiǐnꞌ; kanꞌ chaꞌ nde loo la ka biyaꞌ tiꞌ wan chaꞌ nu chañi ꞌa lka chaꞌ nu nchkwiꞌ nten ꞌñaǎn, chaꞌ nu tñan ꞌin Ndiose ndijyaǎn.

SAN LUCAS 7:37

Ti kwiꞌ kichen kanꞌ mdiꞌin ska nu kunaꞌan nu kaꞌan ꞌa kiꞌyu nsuꞌwi ꞌin. Bra nu ngwa biyaꞌ tiꞌ nu kunaꞌan kanꞌ, chaꞌ wa mdiyan Jesús ku tlyaa seꞌen ndiꞌin yu fariseo kanꞌ, bra kanꞌ chaꞌ ꞌin ti nu kunaꞌan kanꞌ yaa seꞌen ndiꞌin Jesús; mdiyan loꞌo ska teꞌén lyuꞌ ti sete nu xi ꞌa tyiꞌi.