SAN LUCAS 7:29 - Chatino Zona Alta Occidental

²⁹ Bra kanꞌ nten nu wa yaa seꞌen ndiꞌin Xuwa chaꞌ tukwatya yu ꞌin neꞌ ti ngwa xkanꞌ la, bra wa ynan neꞌ chaꞌ nu ykwiꞌ Jesús loꞌo neꞌ, bra kanꞌ yꞌni tnun nchga neꞌ kanꞌ ꞌin Ndiose, loꞌo neꞌ kuxi nu ndlo tñi ꞌin nten chaꞌ ꞌin neꞌ xka laꞌa tsuꞌ, loꞌo xka ta nten.

SAN LUCAS 7:29 Iomraidhean Croise

SAN MATEO 5:46

Ti kwiꞌ ti chaꞌ, ja suꞌwe si xkwiꞌ suꞌwe nsuꞌwi tiye wan loꞌo nten taꞌa suꞌwe ndiꞌin wan. Siꞌi nan suꞌwe la kunan Ndiose chaꞌ nchkwiꞌ wan si ngwañaꞌan ngiꞌni wan, chaꞌ kwiꞌ ngwañaꞌan ngiꞌni ya ñaꞌan ti nten; ni siya nten suꞌwe, ni siya nten xaꞌan, loꞌo neꞌ nu ndlo tñi ꞌwan chaꞌ ꞌin neꞌ xka laꞌa tsuꞌ, nchga nten kanꞌ ngiꞌni suꞌwe neꞌ loꞌo taꞌa suꞌwe ndiꞌin neꞌ.

SAN LUCAS 20:6

Si chkwianꞌ chaꞌ nten chalyuu mda chabiyaꞌ ꞌin Xuwa kanꞌ, bra kanꞌ kujwi nchga nten nu ndiꞌin re ꞌñaan loꞌo kee, chaꞌ ska yu nu ykwiꞌ chaꞌ ꞌin Ndiose loꞌo nten ngwa ayman Xuwa kanꞌ, nchkwiꞌ neꞌ.

SAN LUCAS 3:12

Loꞌo yan chinꞌ neꞌ kuxi nu ndlo tñi ꞌin nten chaꞌ ꞌin neꞌ xka laꞌa tsuꞌ, yan neꞌ chaꞌ tukwatya Xuwa ꞌin neꞌ. Bra kanꞌ mnichaꞌ neꞌ kanꞌ ꞌin Xuwa: ―¿Ni ñaꞌan tñan ka kuꞌni ba ni, mstru? ―ndukwin neꞌ kanꞌ ꞌin Xuwa.

SAN LUCAS 7:28

Ti nchkwiꞌ la Jesús loꞌo neꞌ bra kanꞌ: ―Chaꞌ nu ñi nchkwiǐnꞌ loꞌo wan chaꞌ ꞌin Xuwa nu ndukwatya ꞌin nten, chaꞌ ja ya xuꞌwi ska nten chalyuu nu tnun la tñan nchka ꞌin, sa ñaꞌan tñan nu lka Xuwa kanꞌ. Bra kanꞌ wa ndijyaǎn chaꞌ kaǎn ndloo niꞌ kasiya ꞌin nten. Loꞌo ni, nchga nten nu tsaa ñaꞌan tiꞌ ꞌñaǎn, tnun la chaꞌ nchka ꞌin neꞌ kanꞌ ke Xuwa, ni siya tiꞌi ti neꞌ, ni siya kuneꞌ ti neꞌ ―ndukwin Jesús.

SAN LUCAS 7:35

Ndukwin wan chaꞌ ja suꞌwe chaꞌ nu nchkwiǐnꞌ; kanꞌ chaꞌ nde loo la ka biyaꞌ tiꞌ wan chaꞌ nu chañi ꞌa lka chaꞌ nu nchkwiꞌ nten ꞌñaǎn, chaꞌ nu tñan ꞌin Ndiose ndijyaǎn.

LOS HECHOS 18:25

Ti ngwa sꞌni la ngwaꞌu suꞌwe taꞌa neꞌ ꞌin yu chaꞌ ꞌin Jesús nu nka Xꞌnaan; kanꞌ chaꞌ ndla ti yu, ja ngwa ndaja tiꞌ yu siyaꞌ ti chaꞌ chkwiꞌ yu chaꞌ kanꞌ. Suꞌwe ꞌa mduꞌu yu chaꞌ ꞌin Jesús ꞌin nten bra kanꞌ; sa kanꞌ ti chaꞌ, ti ndukwatya yu ꞌin neꞌ sa ñaꞌan nu mdukwatya ayman Xuwa ꞌin nten, chaꞌ ti ji ka biyaꞌ tiꞌ yu nchga chaꞌ ꞌin Jesús.

LOS HECHOS 19:3

―¿Ni chaꞌ lka mdukwatya neꞌ ꞌwan sikwa? ―ndukwin Palyu ꞌin neꞌ bra kanꞌ. ―Sa ñaꞌan chaꞌ nu ngwaꞌu ayman Xuwa ꞌin neꞌ, ngwañaꞌan mdukwatya neꞌ ꞌwa ―ndukwin neꞌ kanꞌ ꞌin yu.

ROMANOS 10:3

loꞌo ja nchka biyaꞌ tiꞌ neꞌ kanꞌ sa ñaꞌan kuꞌni neꞌ chaꞌ ka suꞌwe kasiya ꞌin neꞌ loꞌo Ndiose. Xka ñaꞌan ndaꞌan chaꞌ tiye neꞌ kanꞌ; ti ykwiꞌ ti neꞌ ndaꞌan naan neꞌ sa ñaꞌan nu ka suꞌwe kasiya ꞌin neꞌ, chaꞌ ja xlyaa neꞌ tsaa ñaꞌan tiꞌ neꞌ tñan nu ngiꞌni Ndiose.

EL APOCALIPSIS 15:3

Ngala tuꞌwa neꞌ ska kantu nu suꞌwa ñaꞌan nchkwiꞌ loꞌo kantu nu wa yla tuꞌwa ayman Moisés nu ngwa sꞌni, ti kwiꞌ Moisés nu yꞌni tñan ꞌin Ndiose; loꞌo nu lka ñaꞌan tiꞌ slyaꞌ kanꞌ, kwiꞌ ngwañaꞌan ndla tuꞌwa Ni. Nde ndiya chaꞌ nu nchkwiꞌ kantu kanꞌ: Ndiose Xꞌnan ba, nchga tñan nchka ꞌiin ngiꞌnii; tnun ꞌa tñan ngiꞌnii lo chalyuu, loꞌo nduwe ꞌa tiꞌ nchga nten chunꞌ tñan kanꞌ. Nuꞌwin ni, xkwiꞌ chaꞌ nu ñi ngiꞌnii loꞌo nten chalyuu, chañi ꞌa nchga chaꞌ nu nchkwiiꞌ loꞌo nten. Ska ti nuꞌwin lka Xꞌnan nten tyukwi ñaꞌaan chalyuu.

EL APOCALIPSIS 16:5

Kwiꞌ ñaꞌan bra ynaǎn ykwiꞌ angajle nu nka ndloo ꞌin tyiꞌa: ―Nuꞌwin nu nkaa Xꞌnan ba, ñi ꞌa tñan ngiꞌnii chaꞌ ndaa nu tiꞌí ꞌin nten kuxi kanꞌ ―ndukwin ꞌin Ndiose―, chaꞌ luwi ꞌa kasiya ꞌiin. Nan luꞌuu ni, kwiꞌ ngwañaꞌan luꞌuu nu ngwa ti kulo.