SAN LUCAS 7:23 - Chatino Zona Alta Occidental23 Si nu ja ka jyuꞌu tiꞌ wan ñaꞌan wan ꞌñaǎn, ka suꞌwe kasiya ꞌwan bra kanꞌ ―ndukwin Jesús ꞌin neꞌ. Faic an caibideil |
SAN LUCAS 7:23
11 Iomraidhean Croise
Loꞌo kanꞌ ndukwan yu kula Simeón ꞌin neꞌ kanꞌ. Nde lka chaꞌ nu ykwiꞌ yu kula loꞌo Liya jyaꞌan Jesús bra kanꞌ: ―Kaꞌan ꞌa chaꞌ suꞌwe ka ꞌin neꞌ Israel loꞌo kuwiꞌ re ―ndukwin yu kula kanꞌ―, xuꞌwi ꞌa nten nu chen ka tiye neꞌ ñaꞌan neꞌ ꞌin yu, loꞌo xuꞌwi ꞌa nten nu kaja chalyuu kwi ꞌin neꞌ chunꞌ tñan nu kuꞌni kuwiꞌ re. Kulo tuun kuwiꞌ re nchga chaꞌ nu nsuꞌwi mnan niꞌ kasiya ꞌin nten; lka kuwiꞌ re ska chaꞌ tnun nu wa nda Ndiose ꞌin nten, ni siya ja xlyaa kaꞌan nten tukwa chaꞌ ꞌin yu ―ndukwin Simeón ꞌin Liya jyaꞌan kuwiꞌ kanꞌ―. Kwiꞌ ngwañaꞌan nuꞌwin ―ndukwin yu kula kanꞌ―, tiya ska bra nu ka xiꞌin tiiꞌ chaꞌ ja tukwa ꞌa neꞌ chaꞌ nu chkwiꞌ sñiiꞌ.
Kanꞌ chaꞌ mxkwen Jesús ꞌin neꞌ kanꞌ bra kanꞌ: ―Yaa lya wan katsaꞌ wan ꞌin Xuwa kwa nchga chaꞌ nu wa naꞌan wan seꞌen ndiꞌiǐn, nchga chaꞌ nu wa ynan wan nde re. Katsaꞌ wan ꞌin yu chaꞌ xiyaꞌ ngalaa kiloo tyun nten nu ngwa kwityiinꞌ; bra kanꞌ suꞌwe ꞌa ndaꞌan neꞌ nu tiꞌí kiyaꞌ; kwiꞌ ngwañaꞌan, wa luwi kunaꞌ neꞌ nu ngutsuꞌ kunaꞌ; loꞌo ni, wa nnan suꞌwe neꞌ nu ngwa kuꞌun tunskan; loꞌo nten nu wa ngujwi, ndyuꞌu neꞌ xiyaꞌ; loꞌo neꞌ tiꞌi ni, nnan neꞌ chaꞌ suꞌwe nu nchkwiǐnꞌ loꞌo neꞌ sa ñaꞌan ndlaa Ndiose ꞌin nten ꞌin nchga chaꞌ kuxi. Ngwañaꞌan nchkwin wan ꞌin Xuwa kanꞌ.
Bra kanꞌ mxitukwi neꞌ ndyaa neꞌ, nten nu wa mnin Xuwa ꞌin chaꞌ yan kanꞌ. Bra kanꞌ mdyisnan Jesús ykwiꞌ chaꞌ ꞌin Xuwa kanꞌ loꞌo nten nu nganun seꞌen ndiꞌin. ―¿Sa ñaꞌan nan nxkeꞌ tiꞌ wan a? Wa yaa naꞌan wan ꞌin Xuwa kanꞌ nu ngwa xkanꞌ nde niꞌ kixinꞌ seꞌen ja ndiꞌin nten ―ndukwin Jesús―. ¿Nxkeꞌ tiꞌ wan chaꞌ tukwa chaꞌ nka tiye yu bra nu nchkwiꞌ yu loꞌo nten a? Wa jlyo tiꞌ wan chaꞌ nchkii yka kii bra nu nchka kwiꞌin, nchkii taꞌa tyukwaa laꞌa. ¿Ta ngwañaꞌan mskeꞌ tiꞌ wan xa nu naꞌan wan ꞌin yu a?
Sanasan