SAN LUCAS 6:42 - Chatino Zona Alta Occidental

⁴² ¿Ni chaꞌ lka tnun ꞌa tiye wan chaꞌ chkwiꞌ wan loꞌo taꞌa nten wan a?: “Taa chabiyaꞌ kuloǔn yuu nu nsuꞌwi kiloo” nchkwin wan ꞌin neꞌ, loꞌo kanꞌ ja ñaꞌan wan mti tnun nu nsuꞌwi kiloo ykwiꞌ wan. ¡Nan kwiñi ꞌa wan! Kulo ndukwa la ndiꞌin chaꞌ kulo wan mti tnun nu nsuꞌwi kiloo ykwiꞌ wan, bra kanꞌ ka ñaꞌan suꞌwe wan chaꞌ kulo wan kata yuu nu nsuꞌwi kiloo taꞌa nten wan.

SAN LUCAS 6:42 Iomraidhean Croise

SAN MATEO 26:75

Kanꞌ ndyaa yuꞌwi tiꞌ Tyu chaꞌ nu ykwiꞌ Jesús loꞌo yu ti tsan: “Bra nu ti ji ti xiꞌya la kweꞌe tla ni, snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn.” Ngwañaꞌan ndukwin Jesús ꞌin yu ti tsan la, kanꞌ chaꞌ mdoꞌo yu ndyaa yu bra kanꞌ; nganan ꞌa yu ndyaa yu chaꞌ xiꞌin ꞌa tiꞌ yu bra kanꞌ.

SAN MATEO 7:3

¿Ni chaꞌ ndla ꞌa nchkwiꞌ wan ꞌin ska chaꞌ kuxi nu nsuꞌwi ꞌin xka taꞌa nten wan? Ñaꞌan tiꞌ si lka ran ska yuu kata ti nu wa yten kiloo neꞌ. Ja nduwe tiꞌ wan chaꞌ tnun ꞌa chaꞌ kuxi nu ngiꞌni ykwiꞌ wan, sa ñaꞌan si lka ran ska mti tnun nu nsuꞌwi kiloo wan, ti ykwiꞌ ti wan.

SAN MATEO 7:4

¿Ni chaꞌ lka tnun ꞌa tiye wan chaꞌ chkwiꞌ wan chaꞌ re loꞌo nten kanꞌ: “Taa chabiyaꞌ kuloǔn yuu nu nsuꞌwi kiloo” a? Ngwañaꞌan nchkwiꞌ wan loꞌo nten kanꞌ, loꞌo ja ñaꞌan wan mti nu nsuꞌwi kiloo ykwiꞌ wan.

SAN LUCAS 13:15

―Kwiñi ꞌa wan ―ndukwin Jesús ꞌin nu lka ndloo la niꞌ lyaa kanꞌ bra kanꞌ―. Nchga wan loꞌo taꞌa wan xtiꞌ wan kuta msu ꞌwan, buru ꞌwan, chaꞌ tsaa loꞌo wan ꞌin iꞌ chaꞌ koꞌo iꞌ tyiꞌa, tsan taꞌa ―ndukwin yu―.

SAN LUCAS 22:32

Bra kanꞌ wa mjñaǎn ꞌin Ndiose Stiǐn chaꞌ ꞌiin, Tyu, chaꞌ ja tsaa tii chaꞌ tsaa ñaꞌan tiiꞌ ꞌñaǎn. Bra wa mdijin chaꞌ kuxi kanꞌ ꞌiin, chaꞌ xiyaꞌ chkwiiꞌ chaꞌ ꞌñaǎn, bra kanꞌ ka tayaaꞌ ꞌin xka la taꞌa wan chaꞌ suꞌwe la xñi neꞌ chaꞌ ꞌñaǎn.

SAN LUCAS 6:41

’¿Ni chaꞌ ndla ꞌa nchkwiꞌ wan ꞌin ska chaꞌ kuxi nu yꞌni xka la nten taꞌa wan a?, ñaꞌan tiꞌ ska kata yuu nu yten kiloo yu. Loꞌo kanꞌ ja nduwe ꞌa tiꞌ wan chaꞌ tlyu ꞌa chaꞌ kuxi nu ngiꞌni ykwiꞌ wan, ñaꞌan tiꞌ ska si yka nu ndukunꞌ ñaꞌaan kiloo wan.

SAN LUCAS 6:43

’Ska yka kwiñii ni, ta ran ska nan nu kunanjoꞌo ꞌñaan. Loꞌo ska yka nu kuxi, ja ta ꞌa ran ska nan nu ka kuan.

LOS HECHOS 13:10

kanꞌ chaꞌ ykwiꞌ yu loꞌo yu taꞌá kanꞌ: ―¡Lye ꞌa nñilyoꞌoo ꞌin nten! ―ndukwin Palyu ꞌin yu taꞌá kanꞌ―. ¡Kwiꞌ ngwañaꞌan liyeꞌ ꞌa tiiꞌ ꞌware; nuꞌwin ndukwiin chaꞌ msu ꞌin kuneꞌ xaꞌan lka ba ―ndukwin Palyu ꞌin yu―, loꞌo ja ndaa ꞌa chabiyaꞌ ꞌin nten chaꞌ kuꞌni neꞌ chaꞌ suꞌwe! Kanꞌ chaꞌ ni, kuloǔn tñan ꞌiin chaꞌ ja ska chaꞌ kuxi kuꞌni lyoꞌoo ꞌin nten nu nchka tiꞌ sten chaꞌ ꞌin Ndiose nu nka Xꞌnan ba.

LOS HECHOS 2:38

―Suꞌwe si ka jyuꞌu tiꞌ wan ꞌin chaꞌ kuxi; nchga chaꞌ kuxi nu nsuꞌwi tiye wan, kulo chunꞌ wan chaꞌ kuxi kanꞌ ―ndukwin Tyu ꞌin neꞌ―. Loꞌo ngwañaꞌan, tukwatya neꞌ ꞌwan chabiyaꞌ ꞌin Jesús bra kanꞌ. Katin nchga kiꞌya nu ndukwi wan bra kanꞌ; kwiꞌ ngwañaꞌan, ta Ndiose Tyiꞌi Ni chaꞌ kanun niꞌ kasiya ꞌwan.

LOS HECHOS 8:21

Ja ndiꞌin chaꞌ ꞌiin loꞌo Ndiose siyaꞌ ti, kanꞌ chaꞌ ja ta Ni chabiyaꞌ ꞌiin chaꞌ kuꞌni tñan loꞌo ba.

ROMANOS 2:1

Loꞌo ꞌwan ni, ja kaja ꞌa ñaꞌan nu kuꞌni Ndiose chaꞌ tlyu tiꞌ ꞌwan, bra nu nchkwiꞌ ꞌa wan chaꞌ ꞌin ska chaꞌ kuxi nu ngiꞌni nten; bra nu ndlo tuun wan kiꞌya nu ndukwi xka nten, kwiꞌ ngwañaꞌan, ti ykwiꞌ ti wan ndukwi wan kiꞌya kanꞌ. Sa ñaꞌan nu ngiꞌni biyaꞌ wse ꞌin nten xaꞌan, kwiꞌ ngwañaꞌan ngiꞌni wan loꞌo taꞌa nten wan, chaꞌ nu ngwañaꞌan nchkwiꞌ wan loꞌo neꞌ, loꞌo suꞌwa ndukwi wan kiꞌya loꞌo neꞌ xaꞌan kanꞌ.

2 CORINTIOS 5:18

Ndiose lka nu yꞌni nchga chaꞌ kanꞌ, chaꞌ ka suꞌwe chaꞌ ꞌñaan loꞌo Ni chunꞌ tñan nu yꞌni Krixtu. Loꞌo ni, wa mda Ni tñan ꞌñaan chaꞌ chkwianꞌ loꞌo nten sa ñaꞌan ka suꞌwe chaꞌ ꞌin neꞌ loꞌo Ndiose.

2 TIMOTEO 2:21

Ñaꞌan tiꞌ nan nu nnanjoꞌo niꞌ ñaꞌan kiiꞌ, ngwañaꞌan lka nten ꞌin Jesucristo; nxkeꞌ tiǎnꞌ chaꞌ nduwe tiꞌ Xꞌnaan ꞌñaan sa ñaꞌan nu nduwe tiꞌ xꞌnan naꞌan ꞌin kaꞌnan ꞌin yu, nu kaꞌan ꞌa ngaꞌan. Loꞌo ja ka kuꞌnian tñan suꞌwe kanꞌ si ja luwi kasiya ꞌñaan; kanꞌ chaꞌ ndiꞌin chaꞌ kulaa yaanꞌ nchga chaꞌ kuxi chaꞌ ka luwi kasiya ꞌñaan, chaꞌ ska ti tñan nu nda Ndiose ꞌñaan ka kuꞌnian bra kanꞌ.

2 SAN PEDRO 1:9

Bra nu ja kuꞌni wan chaꞌ kanꞌ, loꞌo ja ndiꞌin suꞌwe wan bra kanꞌ, wa lka wan ñaꞌan tiꞌ ska nu kwityiinꞌ nu ndukunꞌ kiloo, ti ykwiꞌ ti. Ja nchka tiꞌ yu kwityiinꞌ kanꞌ tyuꞌwi tiꞌ yu sa ñaꞌan nu yꞌni luwi Ndiose kasiya ꞌin yu, bra nu yꞌni tyii Ni chaꞌ kuxi nu ndiꞌin niꞌ kasiya ꞌin yu.