SAN LUCAS 6:25 - Chatino Zona Alta Occidental

²⁵ ’Kwiꞌ ngwañaꞌan, tꞌnan ꞌa ꞌwan nu suꞌwe ꞌa ngalaꞌ tiꞌ wan loꞌo chaꞌ suꞌwe nu nsuꞌwi lo chalyuu re ni, chaꞌ kaꞌan ꞌa chaꞌ ka nu lyiji ꞌwan nde loo la ―ndukwin Jesús―. ’Kwiꞌ ngwañaꞌan, tꞌnan ꞌa ꞌwan nu lye ꞌa xtyi lyoꞌo wan ꞌin taꞌa nten wan; chunꞌ ndiꞌin la loꞌo wan xiꞌya wan chaꞌ lye ꞌa ka xiꞌin tiꞌ wan bra kanꞌ ―ndukwin Jesús―.

SAN LUCAS 6:25 Iomraidhean Croise

SAN LUCAS 12:20

Bra kanꞌ ykwiꞌ Ndiose loꞌo yu: “Tintu ꞌa chaꞌ ndaꞌan tiyee. Tla ndiꞌa ti ndiꞌin chaꞌ kajaa” ndukwin Ndiose ꞌin yu kuliyaꞌ kanꞌ. “¿Ti ka nu kanun loꞌo nchga chaꞌ suꞌwe nu tka mxooꞌ seꞌen ti, nu mjwi ꞌiin ni a?” ndukwin Ndiose ꞌin yu kuliyaꞌ kanꞌ bra kanꞌ.

SAN LUCAS 13:28

Kunan ꞌa wan bra kanꞌ, ku liꞌya wan chaꞌ lye ꞌa kasinꞌ tiꞌ wan bra kanꞌ. Ka xiꞌin ꞌa tiꞌ wan bra nu ñaꞌan wan chaꞌ ndiꞌin kaꞌan ꞌa nten seꞌen ndiꞌin Ndiose bra nu tsaa tii chalyuu; loꞌo ayman Abraham, loꞌo ayman Isaac, loꞌo ayman Jacob, loꞌo nchga ayman nu ykwiꞌ chaꞌ ꞌin Ndiose loꞌo nten nu ngwa sꞌni, ñaꞌan wan ꞌin neꞌ ndiꞌin neꞌ la kanꞌ. Loꞌo ꞌwan ni, kulaa yaꞌ Ndiose ꞌwan kanun wan nde liyaꞌ.

SAN LUCAS 6:24

’Tꞌnan ꞌa ꞌwan neꞌ kuliyaꞌ; suꞌwe ꞌa ngwa tiye wan nu ngwa sꞌni la; nu ka nde loo la, ja ka ꞌa suꞌwe ka tiye wan bra kanꞌ ―ndukwin―.

SAN LUCAS 6:26

’Kwiꞌ ngwañaꞌan, tꞌnan ꞌa ꞌwan bra nu suꞌwe ꞌa chkwiꞌ nchga nten ꞌwan. Kwiꞌ ngwañaꞌan yꞌni ayman ꞌwan nu yuꞌwi sꞌni, chaꞌ suꞌwe ꞌa ykwiꞌ nten ꞌin neꞌ nu ykwiꞌ chaꞌ kwiñi ꞌin Ndiose loꞌo neꞌ; mdiya ꞌa tiꞌ neꞌ chaꞌ kwiñi kanꞌ. Ngwañaꞌan ngwaꞌu Jesús ꞌin nchga nten nu ngiꞌni xaꞌan chaꞌ ꞌin yu.

SAN LUCAS 8:53

Mstyi lyoꞌo neꞌ ꞌin Jesús bra kanꞌ, chaꞌ jlyo tiꞌ neꞌ chaꞌ chañi chaꞌ wa ngujwi nu lyuꞌ kanꞌ.

EFESIOS 5:4

Ja ndiꞌin chaꞌ chkwiꞌ wan chaꞌ kuxi. Ti kwiꞌ ti chaꞌ, ja chkwiꞌ wan chaꞌ tintu, chaꞌ wxtye, ja chkwiꞌ wan ska chaꞌ nu mnaꞌ loꞌo taꞌa nten wan; suꞌwe la si tya wan xuꞌwe ꞌin Ndiose.

1 TESALONICENSES 5:3

“Tiin ti ndiꞌian lo chalyuu, suꞌwe ti ndiꞌian” ndukwin nten; loꞌo ti kwiꞌ bra kanꞌ tyii chaꞌ ꞌin nchga nten chalyuu, ja kaja ñaꞌan xnan neꞌ bra kanꞌ. Sa ñaꞌan lka ska nu kunaꞌan tnan, ja jlyo tiꞌ ñaꞌan bra kala sñiꞌ, ñaꞌan bra nu tiyan tiꞌí ꞌin; ngwañaꞌan ka xa wa tiya bra kanꞌ, chaꞌ ja jlyo tianꞌ ni tsan ka kanꞌ.

SANTIAGO 4:9

Ndiꞌin chaꞌ ka xiꞌin tiꞌ wan siꞌya nu kaꞌan ꞌa chaꞌ kuxi nu nsuꞌwi niꞌ kasiya ꞌwan; kanꞌ chaꞌ ni, lye xiꞌya wan, lye kunan wan siꞌya chaꞌ kuxi kanꞌ. Kunan wan ni, ni siya mdiꞌin styi ꞌa wan nu ngwa xkanꞌ ti; ka xiꞌin ꞌa tiꞌ wan ni, ni siya suꞌwe ꞌa ngwa tiye wan nu ngwa xkanꞌ.

EL APOCALIPSIS 3:17

Kaꞌan ꞌa chaꞌ ndiꞌin ꞌwa, ndukwin wan. Suꞌwe ꞌa seꞌen ndiꞌin ba mjwi ꞌwa, kanꞌ chaꞌ ja ska nan lyiji ꞌwa, ndukwin wan. Loꞌo ja ndiꞌya wan kwenta chaꞌ tꞌnan ꞌa wan chaꞌ ꞌñaǎn. Suꞌwe la si ka jyuꞌu tiꞌ wan, nka tiyeěn, chaꞌ ja ska chaꞌ ndiꞌin ꞌwan siyaꞌ ti. Jlyo tiǎnꞌ chaꞌ ndiꞌin ꞌa chaꞌ nu lyiji ꞌwan, kanꞌ chaꞌ ja nchka tyaꞌan suꞌwe chaꞌ tiye wan siyaꞌ ti.