Katsaꞌ wan ꞌin yu sa ñaꞌan ngiꞌniǐn chaꞌ nchkaa kiloo nten nu ngwa kwityiinꞌ, chaꞌ ndaꞌan nten nu ngwa tiꞌí kiyaꞌ, chaꞌ ngwa luwi kunaꞌ nten nu mtsuꞌ kunaꞌ, chaꞌ nu nnan nten nu ngwa kuꞌun tu nskan, chaꞌ ndyuꞌu nten xiyaꞌ bra nu wa ngujwi neꞌ, chaꞌ nchka biyaꞌ tiꞌ nu tiꞌi sa ñaꞌan nu kulaa Ndiose ꞌin nten chalyuu ꞌin chaꞌ kuxi nu ndiꞌin ꞌin neꞌ.
SAN LUCAS 6:20 - Chatino Zona Alta Occidental20 Naꞌan Jesús ꞌin neꞌ nu ngiꞌni xaꞌan chaꞌ ꞌin yu, bra kanꞌ mdyisnan yu nguaꞌu yu ꞌin neꞌ: ―Ka suꞌwe ka tiye wan nu tiꞌí ti ñaꞌan ndiꞌin lo chalyuu re ―ndukwin―. Ndiose lka nu ñaꞌansiin ꞌwan, chaꞌ kanꞌ nu nka Xꞌnan wan. Faic an caibideil |
SAN LUCAS 6:20
35 Iomraidhean Croise
Kunan ꞌa wan bra kanꞌ, ku liꞌya wan chaꞌ lye ꞌa kasinꞌ tiꞌ wan bra kanꞌ. Ka xiꞌin ꞌa tiꞌ wan bra nu ñaꞌan wan chaꞌ ndiꞌin kaꞌan ꞌa nten seꞌen ndiꞌin Ndiose bra nu tsaa tii chalyuu; loꞌo ayman Abraham, loꞌo ayman Isaac, loꞌo ayman Jacob, loꞌo nchga ayman nu ykwiꞌ chaꞌ ꞌin Ndiose loꞌo nten nu ngwa sꞌni, ñaꞌan wan ꞌin neꞌ ndiꞌin neꞌ la kanꞌ. Loꞌo ꞌwan ni, kulaa yaꞌ Ndiose ꞌwan kanun wan nde liyaꞌ.
Wa mkwan Ndiose nu nka Xꞌnaan ꞌñaǎn, ndukwin lo kityi kanꞌ. Wa ngwiꞌya Ndiose loǔn, wa ndiꞌin Tyiꞌi Ndiose loꞌoǔn, chaꞌ chkwiǐnꞌ chaꞌ suꞌwe loꞌo neꞌ tiꞌi. Wa msuꞌwa Ni ꞌñaǎn ndijyaǎn chaꞌ kuꞌni xuꞌweěn kasiya ꞌin nten chalyuu nu xiꞌin ꞌa tiꞌ, ndukwin lo kityi kanꞌ. Ndiꞌin chaꞌ chkwiǐnꞌ loꞌo nten nu lka presu ꞌin kuneꞌ xaꞌan; katsaǎnꞌ ꞌin neꞌ chaꞌ wa tyoꞌo ti neꞌ yaꞌ kuneꞌ xaꞌan kanꞌ. Taǎn xaa chaꞌ xuꞌwi niꞌ kasiya ꞌin nten chalyuu nu ja ya kunan chaꞌ ꞌin Ndiose, chaꞌ lka neꞌ sa ñaꞌan lka ska nu kwityiinꞌ. Bra nu ngiꞌni nten chaꞌ kuxi loꞌo neꞌ, bra kanꞌ taǎn chabiyaꞌ tyoꞌo laa neꞌ yaꞌ nu tiꞌí tiꞌ ꞌin neꞌ.
Nchga kichen seꞌen ndyaa neꞌ kanꞌ, ykwiꞌ neꞌ loꞌo nten ꞌin Jesucristo, chaꞌ ka sten suꞌwe la neꞌ chaꞌ ꞌin Jesús, chaꞌ kuꞌni tnun tiye neꞌ, chaꞌ ja kutsen neꞌ siyaꞌ ti. ―Chañi chaꞌ ka tiꞌí tiꞌ neꞌ ꞌñaan ―ndukwin Palyu loꞌo Bernabé ꞌin neꞌ―, kwiꞌ ngwañaꞌan ta neꞌ nu tiꞌí ꞌñaan; loꞌo xa wa mdijin chaꞌ kanꞌ, tsaan tyiꞌian seꞌen nka Ndiose ndloo la ti bra kanꞌ.
Ni siya chañi chaꞌ xiꞌin ꞌa tiꞌ ba chunꞌ nu tiꞌí nu ndijin ba, loꞌo suꞌwe lka tiye ba seꞌen ndiꞌin ba; chañi chaꞌ tiꞌi ꞌa ba, loꞌo ndyiji jwersa ꞌwa chaꞌ tayaꞌ ba ꞌin kaꞌan nten. Ni siya ja ska nan nsuꞌwi ꞌwa siyaꞌ ti chaꞌ ndiꞌin ba lo chalyuu; kwiꞌ Ndiose nsuꞌwa yaꞌ ꞌwa, nchga nan nsuꞌwi ꞌwa bra kanꞌ.
Wa jlyo tiꞌ wan sa ñaꞌan yꞌni Jesucristo nu nka Xꞌnaan, chaꞌ xkwiꞌ suꞌwe ꞌa yꞌni Ni loꞌo nten. Nchga nan siyaꞌ ti wa nsuꞌwi ꞌin Ni, loꞌo mslyaa Ni ngwa Ni ska nten ti, ni siya ska nten tiꞌi, nu ja ska nan nsuꞌwi ꞌin siyaꞌ ti. Chaꞌ ꞌwan, kanꞌ chaꞌ yꞌni Jesús ngwañaꞌan, chaꞌ chunꞌ ndiꞌin la kaja nchga nan nu nsuꞌwi ꞌin Ndiose ꞌwan bra kanꞌ.
ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.
Jlyo tiǎnꞌ nchga chaꞌ nu ngiꞌni wan” ndukwin Ni. “Jlyo tiǎnꞌ chaꞌ tiꞌí ꞌa tiꞌ nten ꞌwan, chaꞌ tiꞌi ꞌa wan chaꞌ ꞌin neꞌ kanꞌ, ni siya ñi la nchkwianꞌ chaꞌ ndyuꞌwi lyo ꞌa wan chaꞌ ꞌñaǎn” ndukwin Ni. “Loꞌo ngwañaꞌan, jlyo tiǎnꞌ chaꞌ kuxi ꞌa nchkwiꞌ nten ꞌwan. Nchkwiꞌ neꞌ chaꞌ sñiꞌ Ndiose lka ykwiꞌ neꞌ; loꞌo ska chaꞌ kwiñi nu ngiꞌni ti neꞌ lka chaꞌ kanꞌ, chaꞌ suꞌwa ndiꞌin chaꞌ ꞌin neꞌ kanꞌ loꞌo Satanás” ndukwin Ni.
Sanasan