SAN LUCAS 6:2 - Chatino Zona Alta Occidental

² Loꞌo kanꞌ mdiya chinꞌ neꞌ fariseo nu ndaꞌan ñaꞌan ꞌin neꞌ kanꞌ, nu lye ꞌa ykwiꞌ neꞌ loꞌo taꞌa ndaꞌan Jesús: ―¿Ni chaꞌ lka ngiꞌni wan tñan ngwañaꞌan, chaꞌ mcha wan loo trigu kwa a? ¿Ja jlyo tiꞌ wan chaꞌ tsan kti ꞌa lka ni a? Ja nsuꞌwi chabiyaꞌ ꞌñaan kuꞌnian tñan tsan nu kti ꞌa ―ndukwin neꞌ fariseo kanꞌ.

SAN LUCAS 6:2 Iomraidhean Croise

SAN MATEO 12:2

Naꞌan neꞌ fariseo chaꞌ ngiꞌni neꞌ ngwañaꞌan, ykwiꞌ neꞌ fariseo kanꞌ loꞌo Jesús bra kanꞌ: ―¿Ja jlyo tiꞌ wan chaꞌ ja ndiya chabiyaꞌ kuꞌnian tñan ni, chaꞌ tsan nu nxitñaanꞌ lka a? ―ndukwin neꞌ fariseo ꞌin Jesús―. Neꞌ kwa nu ngiꞌni xaꞌan chaꞌ ꞌiin ni, ¿ni chaꞌ lka ngiꞌni neꞌ tñan kanꞌ ni sikwa?

SAN MATEO 15:2

―¿Ni chaꞌ ja suꞌwe ngiꞌni neꞌ nu ngiꞌni xaꞌan chaꞌ ꞌiin? ―ndukwin neꞌ kanꞌ ꞌin Jesús―. Ja suꞌwa ngiꞌni neꞌ kwa loꞌo chaꞌ nu wa ykwiꞌ ayman kula loꞌoan nu ngwa sꞌni, chaꞌ katen suꞌwe yaanꞌ bra nu tiya yaꞌ kuan. Loꞌo neꞌ nu ngiꞌni xaꞌan chaꞌ ꞌiin ni, ja ngiꞌni neꞌ ngwañaꞌan ―ndukwin neꞌ bra kanꞌ.

SAN MARCOS 2:24

Loꞌo naꞌan neꞌ fariseo sa ñaꞌan nu yꞌni neꞌ kanꞌ. Bra ti ykwiꞌ neꞌ fariseo kanꞌ loꞌo Jesús: ―Tsan taꞌa, tsan nxitñaanꞌ lka ni ―ndukwin neꞌ fariseo ꞌin Jesús―. Tsan kti lka. ¿Ni chaꞌ ngiꞌni neꞌ kanꞌ tñan nu ja nsuꞌwi chabiyaꞌ kuꞌnian tsan ni? ―ndukwin neꞌ ꞌin Jesús.

SAN LUCAS 5:33

Bra kanꞌ mnichaꞌ neꞌ ꞌin Jesús: ―Loꞌo neꞌ nu ngiꞌni xaꞌan ꞌin Xuwa, loꞌo neꞌ nu ngiꞌni xaꞌan ꞌin neꞌ fariseo, ¿ni chaꞌ lye ꞌa nchkwiꞌ neꞌ kanꞌ loꞌo Ndiose? Kwiꞌ ngwañaꞌan, ja nchku neꞌ tsan nu nchkwiꞌ neꞌ loꞌo Ndiose. Loꞌo neꞌ nu ngiꞌni xaꞌan ꞌiin, xka ñaꞌan ngiꞌni neꞌ kanꞌ; xkwiꞌ suꞌwe ꞌa nchku neꞌ, xkwiꞌ suꞌwe ꞌa ndiꞌyo neꞌ ―ndukwin neꞌ ꞌin Jesús.

SAN JUAN 5:16

Kanꞌ chaꞌ msinꞌ ꞌa tiꞌ neꞌ judío kanꞌ ꞌin Jesús, chaꞌ yꞌni Jesús chaꞌ tnun loꞌo nu tiꞌí kanꞌ tsan taꞌa nu nxitñaꞌ neꞌ. Mdyisnan neꞌ kanꞌ yꞌni liyeꞌ tiꞌ neꞌ ꞌin yu, ngwa tiꞌ neꞌ kujwi neꞌ ꞌin yu.