SAN LUCAS 5:14 - Chatino Zona Alta Occidental

¹⁴ Loꞌo kanꞌ ykwiꞌ Jesús loꞌo yu, chaꞌ ja katsaꞌ yu ꞌin nten sa ñaꞌan ngwa ꞌin yu: ―Yaa lyaa chkwiiꞌ loꞌo sti joꞌo nu ndiꞌin niꞌ lyaa ―ndukwin Jesús ꞌin yu tiꞌí kanꞌ―. Nde kwa taa lomstan nu ndukwin ayman Moisés nu yuꞌwi ti sꞌni chaꞌ taan ꞌin Ndiose bra nu wa nchkaa seꞌen tiꞌí ꞌñaan. Ngwañaꞌan ka biyaꞌ tiꞌ nten bra nu chkwiꞌ sti joꞌo chaꞌ wa ngwa luwi tyukwi ñaꞌaan. Ja ska ꞌa kicha nsuꞌwi ꞌiin ni.

SAN LUCAS 5:14 Iomraidhean Croise

SAN MATEO 10:18

Ndiya nten nu tsaa loꞌo ꞌwan seꞌen ndiꞌin neꞌ nu lka ndloo la chaꞌ tiꞌí ti tiꞌ neꞌ ꞌwan, loꞌo tsaa loꞌo neꞌ ꞌwan tloo ykwiꞌ ree. Xa nu ta neꞌ nu tiꞌí ꞌwan chunꞌ ndyaa ñaꞌan tiꞌ wan ꞌñaǎn, kaja chinꞌ bra ꞌwan chaꞌ chkwiꞌ wan chinꞌ chaꞌ ꞌñaǎn loꞌo neꞌ kanꞌ, loꞌo neꞌ xka laꞌa tsuꞌ bra kanꞌ.

SAN MATEO 12:16

Kanꞌ ngulo yu tñan ꞌin neꞌ nu ngwa tiꞌí kanꞌ, chaꞌ ja katsaꞌ neꞌ ti lka nu yꞌni chaꞌ nchkaa neꞌ.

SAN MATEO 8:4

Xiyaꞌ ykwiꞌ Jesús loꞌo yu bra kanꞌ: ―Yaa lyaa seꞌen ndiꞌin sti joꞌo ―ndukwin―. Nde kwa taa lomstan nu ykwiꞌ ayman Moisés chaꞌ taan ꞌin Ndiose bra nu nchkaan ꞌin ska kicha nu nsuꞌwi ꞌñaan. Ja katsaaꞌ ꞌin xka la nten. Ka biyaꞌ tiꞌ nten chaꞌ wa nchkaa, bra nu kunan neꞌ chaꞌ wa msñi sti joꞌo lomstan nu ndaa.

SAN MATEO 9:30

Bra ti nchkaa kiloo neꞌ, ñaꞌan suꞌwe neꞌ bra kanꞌ. Kwiꞌ lye ykwiꞌ Jesús loꞌo neꞌ kanꞌ: ―Ja siyaꞌ katsaꞌ wan chaꞌ re ꞌin nten, chaꞌ ja ka biyaꞌ tiꞌ neꞌ ni ñaꞌan ngwa chaꞌ nchkaa kiloo wan ―ndukwin Jesús ꞌin neꞌ kanꞌ.

SAN MARCOS 1:44

―Ja katsaaꞌ ꞌa ꞌin nten chaꞌ naꞌ yꞌniǐn joꞌó ꞌiin ―ndukwin Jesús ꞌin yu nu ngwa tiꞌí kanꞌ―. Yaa lyaa seꞌen ndiꞌin sti joꞌo chaꞌ taa lomstan ꞌin Ndiose nu yꞌni chaꞌ nchkaa. Taa lomstan, sa kwa lomstan nu ykwiꞌ ayman Moisés sꞌni chaꞌ taan ꞌin Ndiose bra nu ngwa luwi kunaanꞌ. Ngwañaꞌan ka biyaꞌ tiꞌ nchga nten chaꞌ wa nchkaa, bra nu ñaꞌan neꞌ chaꞌ xñi sti joꞌo lomstan nu taa.

SAN MARCOS 6:11

Si nsuꞌwi ska kichen seꞌen ja xlyaa nten ta neꞌ seꞌen kanun wan, kichen nu ja xlyaa neꞌ kunan neꞌ chaꞌ nu chkwiꞌ wan loꞌo neꞌ, bra ti tyoꞌo wan kichen kanꞌ, tyaa lya wan bra kanꞌ. Tuꞌwa kichen kanꞌ skwin wan kiyaꞌ wan chaꞌ kulo yuu nsuꞌwi snan wan, chaꞌ ngwañaꞌan ka biyaꞌ tiꞌ neꞌ chaꞌ kuxi ꞌa tñan nu yꞌni neꞌ loꞌo wan. Ngwañaꞌan ykwiꞌ Jesús loꞌo nten nu ngiꞌni xaꞌan chaꞌ ꞌin yu.

SAN LUCAS 17:14

Xa wa naꞌan Jesús ꞌin neꞌ, bra kanꞌ ndukwin yu: ―Tyaa lya wan seꞌen ndiꞌin sti joꞌo chaꞌ ñaꞌan yu tyukwi ñaꞌan wan ―ndukwin Jesús ꞌin neꞌ tiꞌí kanꞌ. Mdoꞌo neꞌ ndyaa neꞌ bra kanꞌ. Seꞌen yaa neꞌ tuwiin, ndii tiꞌ neꞌ chaꞌ ngwa luwi kunaꞌ neꞌ xiyaꞌ; wa mdyii chaꞌ tiꞌí neꞌ bra kanꞌ.

SAN LUCAS 5:13

Bra kanꞌ mstya Jesús yaꞌ chunꞌ yu seꞌen ngutsuꞌ kunaꞌ yu: ―Nchka tiǎnꞌ ―ndukwin Jesús ꞌin yu―. Ka luwi tyukwi ñaꞌaan nuꞌwin ni. Laja nu nchkwiꞌ Jesús ngwañaꞌan, bra ti mdoꞌo tsuꞌ kicha nu ngutsuꞌ kunaꞌ yu bra kanꞌ.

SAN LUCAS 9:5

Si ndiya kichen seꞌen nu ja ndiya tiꞌ neꞌ chaꞌ nu nchkwiꞌ wan loꞌo neꞌ, seꞌen nu ja nchka tiꞌ neꞌ chaꞌ kanun wan seꞌen ndiꞌin neꞌ, bra ti tyoꞌo wan tsaa wan xka kichen. Skwin wan kiyaꞌ wan chaꞌ kalu yuu nu msñi snan wan bra nu tyoꞌo wan kichen kanꞌ; chunꞌ chaꞌ kanꞌ, ka biyaꞌ tiꞌ neꞌ kichen kanꞌ chaꞌ kuxi ꞌa tñan nu yꞌni neꞌ loꞌo wan bra kanꞌ.