SAN LUCAS 4:35 - Chatino Zona Alta Occidental

³⁵ Ja mda ꞌa Jesús chabiyaꞌ chkwiꞌ yu tiꞌí bra kanꞌ; ngulo yu tñan ꞌin kwiꞌin kuxi kanꞌ, chaꞌ ja kuꞌni ꞌa chaꞌ kuxi loꞌo yu tiꞌí kanꞌ. ―Seen tyukwaa ―ndukwin Jesús―. Ja kuꞌnii ꞌa chaꞌ kuxi loꞌo yu re ni. Bra kanꞌ mxlyuu kwiꞌin kuxi kanꞌ ꞌin yu tiꞌí tloo nten kaꞌan kanꞌ. Loꞌo kanꞌ mdoꞌo kwiꞌin kuxi kanꞌ ndyaa, ja yꞌni ꞌa ran chaꞌ kuxi loꞌo yu tiꞌí kanꞌ bra kanꞌ.

SAN LUCAS 4:35 Iomraidhean Croise

SAN MATEO 17:18

Kanꞌ ngulo Jesús tñan ꞌin kwiꞌin kuxi, chaꞌ tyoꞌo tsuꞌ siyaꞌ ti ꞌin yu tiꞌí kanꞌ.

SAN MATEO 8:26

Loꞌo mxkwen Jesús ꞌin neꞌ kanꞌ bra kanꞌ: ―¿Ni chaꞌ ngitsen ꞌa wan? ―ndukwin ꞌin neꞌ―. ¡Chinꞌ ꞌa ndyuꞌwi tiꞌ wan ꞌin Ndiose, chunꞌ ja ndyaa ñaꞌan tiꞌ wan ꞌin Ni chaꞌ ka kulaa Ni ꞌñaan! Kanꞌ mdyituun Jesús, ykwiꞌ loꞌo kwiꞌin loꞌo kulooꞌ chaꞌ ka tiin ran; bra ti ngwa tiin ran bra kanꞌ.

SAN MARCOS 1:26

Bra ti mxlyuu kwiꞌin kuxi kanꞌ ꞌin yu tiꞌí. Kwen msiꞌya yu xa mdoꞌo kwiꞌin kanꞌ, ndyaa bra kanꞌ.

SAN MARCOS 4:39

Bra kanꞌ mdyituun Jesús, ngulo yu tñan ꞌin kwiꞌin, ykwiꞌ yu loꞌo kwiꞌin chaꞌ ja ka kulooꞌ lo tyiꞌa tiyuꞌ kanꞌ. ―¡Ka tiin lo tyiꞌa re! ―ndukwin yu. Bra ti ngwa tiin kwiꞌin, ngwa tiin kulooꞌ; tiin ti nganun tiyuꞌ bra kanꞌ.

SAN MARCOS 9:26

Loꞌo yꞌni kwiꞌin chaꞌ kwen msiꞌya yu tiꞌí, xiyaꞌ lye ꞌa mxlyuu ran ꞌin yu bra nu mdoꞌo ran ꞌin yu bra kanꞌ. Mlyuu yu tiꞌí kanꞌ, msu yu lyuu, mdsoꞌo ꞌin yu. Wa kaꞌan ꞌa nten naꞌan chaꞌ kanꞌ. ―Wa ngujwi yu ni ―ndukwin neꞌ bra kanꞌ.

SAN LUCAS 11:22

Ska ti si tiyan xka ta nten nu xaꞌan la, kuꞌni neꞌ kanꞌ kanan ꞌin yu bra kanꞌ; kulaa neꞌ nchga chkwan nu nsuꞌwi ꞌin yu seꞌen nduun yu kwan, kuꞌni neꞌ kunan yuꞌwa ꞌin yu kanꞌ, chaꞌ kaja chinꞌ ꞌin nchga neꞌ bra kanꞌ. Loꞌo ykwiꞌ Jesús chaꞌ re bra kanꞌ:

SAN LUCAS 4:23

Bra kanꞌ mxkwen Jesús ꞌin neꞌ kanꞌ: ―Ja chan, chunꞌ ndiꞌin la chinꞌ chkwiꞌ wan chaꞌ re loꞌoǔn: “Si nchka ꞌiin kuꞌnii joꞌó ꞌin nten, kuꞌnii joꞌó ꞌiin, ti ykwiiꞌ ti sikwa.” Kwiꞌ ngwañaꞌan, ja chan chkwiꞌ wan loꞌoǔn: “Wa ynan ba chaꞌ ꞌin nchga chaꞌ tnun nu wa yꞌnii nde kichen Capernaum kanꞌ” nchkwin wan. “Kwiꞌ ngwañaꞌan kuꞌnii chaꞌ tnun kanꞌ nde kichen tyian sikwa, chaꞌ ñaꞌan kwiꞌya ba chinꞌ” nchkwin wan ꞌñaǎn bra kanꞌ.

SAN LUCAS 4:39

Mduun ti Jesús seꞌen nskwa neꞌ kula kanꞌ ñaꞌan ꞌa yu ꞌin neꞌ kula kanꞌ. Bra kanꞌ ykwiꞌ yu loꞌo tikeeꞌ kanꞌ, chaꞌ tyoꞌo ran ꞌin neꞌ kula kanꞌ. Bra ti mdyituun neꞌ kula jyaꞌan laa Simón, yꞌni kuwe tiꞌ chaꞌ kaja chinꞌ nan ku neꞌ.

SAN LUCAS 4:41

Loꞌo mdoꞌo kwiꞌin kuxi ꞌin tyun neꞌ tiꞌí kanꞌ bra kanꞌ. Kwen ꞌa msiꞌya kwiꞌin kanꞌ bra nu mdoꞌo ꞌin neꞌ: ―Ska ti nuꞌwin lkaa Sñiꞌ Ndiose ―ndukwin kwiꞌin kanꞌ ꞌin Jesús. Bra kanꞌ ja mda ꞌa Jesús chabiyaꞌ chkwiꞌ kwiꞌin kuxi kanꞌ siyaꞌ ti. Wa yuꞌwi lyo kwiꞌin kanꞌ ꞌin Jesús, chaꞌ ti kwiꞌ Krixtu nu wa msuꞌwa Ndiose ꞌin ndijyan lo chalyuu lka yu.

SAN LUCAS 8:24

Bra kanꞌ ndyaa mlyo neꞌ sla Jesús nde seꞌen nskwa yu lajaꞌ yu. Ykwiꞌ neꞌ loꞌo yu bra kanꞌ: ―¡Yu kula, yu kula! ―ndukwin neꞌ ꞌin yu―, ¡xaa tiiꞌ! ¡Wa sten ti yka naꞌan re niꞌ tyiꞌa, kajaan bra kanꞌ! Mdyituun Jesús bra kanꞌ, ngulo yu tñan ꞌin kwiꞌin loꞌo kulooꞌ kanꞌ. Bra ti ngwa tiin ran bra kanꞌ; ja mskwa ꞌa kwiꞌin, ja ngutsa ꞌa kulooꞌ.

SAN LUCAS 9:39

Ndiya tsan nxlyuu kwiꞌin ꞌin yu, ngiꞌni kwiꞌin kanꞌ chaꞌ kwen ꞌa nxiꞌya yu bra kanꞌ; nxlyuu kwiꞌin kanꞌ ꞌin yu sa ñaꞌan yaꞌ ndyoꞌo ngoꞌ tuꞌwa yu. Kuxi ꞌa ngiꞌni kwiꞌin kanꞌ loꞌo yu, chaꞌ ja xlyaa kulaa ran ꞌin yu.

SAN LUCAS 9:42

Bra nu mdiyan yu tiꞌí kanꞌ seꞌen nduun Jesús, bra ti mxlyuu kwiꞌin kuxi kanꞌ ꞌin yu lyuu. Bra kanꞌ lye ꞌa mxlyuu kiꞌin kwiꞌin ꞌin yu. Bra kanꞌ ngulo Jesús tñan ꞌin kwiꞌin kuxi nu nsuꞌwi ꞌin yu chaꞌ tyoꞌo ran tyaa ran, nchkaa yu tiꞌí kanꞌ bra kanꞌ. Kanꞌ ykwiꞌ Jesús loꞌo sti yu tiꞌí kanꞌ chaꞌ tyan yꞌya ꞌin sñiꞌ, loꞌo kanꞌ ndya Jesús ꞌin yu nu yuꞌwi kwiꞌin kanꞌ ꞌin sti yu xiyaꞌ.

EL APOCALIPSIS 12:12

Kanꞌ chaꞌ ka suꞌwe ꞌa ka tiye wan ni, ꞌwan nu ndiꞌin seꞌen nka Ndiose ndloo; loꞌo tꞌnan ꞌa wan, ꞌwan nu ndiꞌin wan lo chalyuu re, ꞌwan nu ndiꞌin wan lo tujoꞌo bra kanꞌ. Wa mbiꞌya kuneꞌ xaꞌan seꞌen ndiꞌin wan, loꞌo ni, msinꞌ ꞌa tiꞌ yu ndaꞌan yu, chaꞌ wa jlyo tiꞌ yu chaꞌ chinꞌ ti tsan ti kanun yu chaꞌ ka tiꞌí tiꞌ yu ꞌin nten chalyuu ―ndukwin nu ykwiꞌ niꞌ kwan kanꞌ bra kanꞌ.