SAN LUCAS 4:24 - Chatino Zona Alta Occidental

²⁴ Katsaǎnꞌ ska chaꞌ nu ñi ꞌwan sikwa ―ndukwin Jesús―. Bra nu chkwiꞌ ska nten chaꞌ ꞌin Ndiose loꞌo neꞌ taꞌa kichen tyi yu, ja kunan neꞌ chaꞌ nu nchkwiꞌ yu, chaꞌ taꞌa kichen tyi ti neꞌ lka yu.

SAN LUCAS 4:24 Iomraidhean Croise

SAN MATEO 13:57

Ngwañaꞌan ngwa chaꞌ chen nka tiye neꞌ ñaꞌan neꞌ ꞌin Jesús, kanꞌ chaꞌ ykwiꞌ Jesús loꞌo neꞌ xiyaꞌ bra kanꞌ: ―Nchga seꞌen ngiꞌni tnun neꞌ ꞌin ska nten nu nchkwiꞌ chaꞌ ꞌin Ndiose loꞌo nten ―ndukwin Jesús ꞌin neꞌ―. Ska ti kichen tyi yu, ja nnan neꞌ chaꞌ nu nchkwiꞌ yu siyaꞌ ti; loꞌo taꞌa yu, ja ndukwa ꞌa neꞌ chaꞌ nu nchkwiꞌ yu.

SAN JUAN 4:41

Bra wa ynan la neꞌ chaꞌ nu ngwaꞌu Jesús ꞌin neꞌ, kaꞌan la nten msñi chaꞌ nu nchkwiꞌ yu bra kanꞌ.

SAN JUAN 4:44

Wa ndukwin yu chaꞌ ja nnan nten chaꞌ nu nchkwiꞌ ska nten nu lka taꞌa kichen tyi neꞌ, xa nu nchkwiꞌ neꞌ kanꞌ chaꞌ ꞌin Ndiose loꞌo neꞌ.

LOS HECHOS 22:3

―Neꞌ judío taꞌa wan lkaǎn ―ndukwin Palyu ꞌin neꞌ―. Kichen Tarso ngulaǎn la lo yuu ꞌin Cilicia; chunꞌ ndiꞌin la mdiyaǎn kichen Jerusalén re, chaꞌ nu yꞌni xaꞌaǎn nde xla ꞌin mstru Gamaliel bra kanꞌ. Suꞌwe ꞌa yꞌni xaꞌaǎn nchga chaꞌ nu ykwiꞌ Ndiose loꞌo ayman kula ꞌñaan, chaꞌ nu ngwaꞌan neꞌ lo kityi. Tyukwi ti tiyeěn ndukwaǎn nchga chaꞌ nu ykwiꞌ Ndiose, ti kwiꞌ sa ñaꞌan nu ngiꞌni wan sa bra ni ―ndukwin Palyu ꞌin neꞌ judío―.