SAN LUCAS 3:23 - Chatino Zona Alta Occidental

²³ Kalatyii yijan nsuꞌwi Jesús bra nu mdyisnan ngiꞌni yu tñan ꞌin Ndiose Sti yu. Mskeꞌ tiꞌ neꞌ chaꞌ Se ngwa sti yu, loꞌo sti Se ngwa ayman Elí;

SAN LUCAS 3:23 Iomraidhean Croise

SAN MATEO 1:1

Nde ndaꞌaǎn sa ñaꞌan nin nchga nten nu ngwa ayman ꞌin Jesucristo, chaꞌ nten taꞌa ayman David lka yu. Kwiꞌ ngwañaꞌan lka yu nten taꞌa ayman Abraham, ni siya sꞌni ꞌa mdiꞌin yu kula kanꞌ.

SAN MATEO 1:16

Loꞌo sñiꞌ ayman Jacob ni, kanꞌ ngwa Se nu ngwa kwilyoꞌo Liya jyaꞌan Jesús bra kanꞌ. Kwiꞌ ngwañaꞌan, Krixtu naan Jesús kanꞌ.

SAN MATEO 1:6

loꞌo ayman Isaí kanꞌ ngwa sti ree David; loꞌo ayman ree David ngwa sti Salomón, loꞌo jyaꞌan Salomón kanꞌ ngwa nu kunaꞌan nu ngwa kwilyoꞌo ayman Urías ti kulo la bra kanꞌ.

SAN MATEO 13:55

Nan sñiꞌ neꞌ kwityi kaꞌ ti lka yu re. Loꞌo Liya lka jyaꞌan yu; loꞌo Santiago, loꞌo Se, loꞌo Simón, loꞌo Juda, neꞌ kanꞌ lka taꞌa yu re.

SAN MATEO 4:17

Loꞌo mdyisnan ykwiꞌ Jesús loꞌo neꞌ nu ndaꞌan seꞌen ndiꞌin yu bra kanꞌ: ―Ka jyuꞌu tiꞌ wan ―ndukwin Jesús ꞌin neꞌ―, kulaa yaꞌ wan nchga chaꞌ kuxi nu ngiꞌni wan, chaꞌ wa tiya ti bra chaꞌ ka Ndiose ndloo niꞌ kasiya ꞌwan.

SAN MARCOS 6:3

Kwityi kaꞌ ti lka yu re ―ndukwin neꞌ―. Ti kwiꞌ sñiꞌ Liya lka yu re; taꞌa Santiago, taꞌa Se, taꞌa Juda, taꞌa Simón lka yu re, loꞌo nde kichen tyian ndiꞌin neꞌ kunaꞌan taꞌa yu re ―ndukwin neꞌ ꞌin taꞌa kichen tyi neꞌ. Chen ngwa tiye neꞌ ñaꞌan neꞌ ꞌin Jesús bra kanꞌ,

SAN LUCAS 2:48

Loꞌo neꞌ kula ꞌin yu, nduwe ꞌa tiꞌ neꞌ kanꞌ, chaꞌ naꞌan neꞌ ꞌin yu chaꞌ suꞌwa ti mdukwa yu loꞌo neꞌ nu tnun nchka. Bra kanꞌ ykwiꞌ jyaꞌan yu loꞌo yu: ―¿Ni chaꞌ ngiꞌnii ra ngwañaꞌan?, sñiěnꞌ ―ndukwin jyaꞌan yu―. Kaꞌan ꞌa chaꞌ mdaꞌan tiye ba loꞌo stii, la nde tsaan naan ba ꞌiin.

SAN LUCAS 3:31

Melea ngwa naan sti Eliaquim kanꞌ; Mainán ngwa naan sti Melea kanꞌ; Matata ngwa naan sti Mainán kanꞌ; Natán ngwa naan sti Matata kanꞌ;

SAN LUCAS 4:22

Yuwe ꞌa tiꞌ neꞌ ñaꞌan neꞌ ꞌin Jesús chaꞌ suꞌwe ꞌa nchkwiꞌ yu, mdiya ꞌa tiꞌ neꞌ chaꞌ nu ykwiꞌ yu loꞌo neꞌ. Kanꞌ ykwiꞌ neꞌ loꞌo taꞌa neꞌ chaꞌ ꞌin yu bra kanꞌ: ―¿Ta siꞌi sñiꞌ Se lka yu re a? ―ndukwin neꞌ.

SAN JUAN 1:45

Chunꞌ ndiꞌin yaa Lpe chaꞌ chkwiꞌ yu loꞌo Natanael taꞌa ndaꞌan yu: ―Wa naꞌan ba ꞌin Krixtu, nten tnun nchka nu ykwiꞌ ayman Moisés chaꞌ ꞌin lo kityi ꞌin Ndiose nu ngwa sꞌni ―ndukwin Lpe―. Ti kwiꞌ chaꞌ ꞌin yu kanꞌ ykwiꞌ nchga ayman nu ykwiꞌ chaꞌ ꞌin Ndiose loꞌo nten nu ngwa sꞌni. Jesús naan yu kanꞌ, sñiꞌ ska nu naan Se. Nazaret lka kichen tyi yu.

SAN JUAN 6:42

―¿Ta siꞌi Jesús sñiꞌ Se lka nu kwa a? ―ndukwin neꞌ―. Wa nsuꞌwi lyoan ꞌin sti yu loꞌo jyaꞌan yu. ¿Ni sa ñaꞌan lka chaꞌ nu nchkwiꞌ yu kwa chaꞌ wa mdoꞌo yu seꞌen ndiꞌin Ndiose?

LOS HECHOS 1:1

Ti ngwa xkanꞌ, wa ngwaꞌaǎn ska kityi nu ndyaa seꞌen ndiꞌin nuꞌwin, Teófilo. Kityi kanꞌ ngitsaꞌ ꞌiin nchga tñan nu yꞌni Jesús, nchga chaꞌ nu ngwaꞌu Jesús bra nu mdyisnan yꞌni yu tñan,