SAN LUCAS 3:22 - Chatino Zona Alta Occidental

²² Ngwiꞌya Tyiꞌi Ndiose seꞌen ndiꞌin Jesús; sa ñaꞌan ndukwi ska kiñi cha kuun, ngwañaꞌan ngwiꞌya Tyiꞌi Ndiose lo jlyuꞌwe Jesús. Bra kanꞌ ynan neꞌ ykwiꞌ Ndiose nde niꞌ kwan: ―Sñiěnꞌ, suꞌwe ꞌa nka tiyeěn ñaꞌaǎn ꞌiin. Ndiya ꞌa tiǎnꞌ ꞌiin ―ndukwin Ndiose ꞌin Jesús.

SAN LUCAS 3:22 Iomraidhean Croise

SAN MATEO 12:18

Nde ndiya msu ꞌñaǎn nu wa ngulo suwiǐn ꞌin, ndukwin Ndiose. Ndiya ꞌa tiǎnꞌ ꞌin yu, loꞌo suꞌwe ꞌa nka tiyeěn ñaꞌaǎn ꞌin yu kanꞌ. Kuꞌniǐn chaꞌ kiꞌya Tyiꞌiǐn ykwiǐnꞌ chunꞌ yu, chaꞌ chkwiꞌ yu loꞌo nchga nten, loꞌo nten nu ja lka judío. Kwaꞌu yu ꞌin neꞌ sa ñaꞌan nu ñi ꞌa ngiꞌniǐn biyaǎnꞌ ꞌin nten chalyuu, ndukwin Ni.

SAN MATEO 17:5

Bra nu ykwiꞌ Tyu mdoꞌo tukwa ska ko nu ngaten ꞌa, nu nduwi ꞌa, nu ndyuꞌwi ñaꞌaan seꞌen nduun neꞌ. Ynen ykwiꞌ ska nten bra kanꞌ. Bra ti ngwa biyaꞌ tiꞌ neꞌ kanꞌ, chaꞌ nchkwiꞌ Ndiose loꞌo neꞌ laja ko kanꞌ: ―Yu re lka yu Sñiěnꞌ, ndiya ꞌa tiǎnꞌ ꞌin yu ―ndukwin Ni―. Suꞌwe ꞌa nka tiyeěn naꞌaǎn ꞌin yu. Kunan suꞌwe wan nchga chaꞌ nu chkwiꞌ Sñiěnꞌ re loꞌo wan.

SAN MATEO 27:43

Ndiꞌin ta yu ꞌin Ndiose chaꞌ tayaꞌ Ni ꞌin yu, ndukwin yu; suꞌwe la si kulaa Ndiose ꞌin yu ni, si chañi chaꞌ suꞌwe ꞌa nka tiye Ndiose ñaꞌan ꞌin yu, chaꞌ “Sñiꞌ Ndiose lkaǎn” ndukwin yu re.

SAN MATEO 3:13

Ti mdiꞌin Xuwa tuꞌwa chku Jordán, bra kanꞌ mdoꞌo Jesús lo yuu ꞌin Galilea mdiyan seꞌen ndiꞌin Xuwa, chaꞌ loꞌo Jesús nchka tiꞌ chaꞌ tukwatya Xuwa ꞌin.

SAN MATEO 3:16

Xa wa ngwa chaꞌ kanꞌ, mdoꞌo Jesús lo tyiꞌa, kanꞌ ngalaa nde niꞌ kwan. Loꞌo bra kanꞌ naꞌan Jesús chaꞌ ngwiꞌya Tyiꞌi Ndiose chunꞌ yu; sa ñaꞌan ndiꞌya ska kiñi cha kuun lo yuu, ngwañaꞌan ngwiꞌya Tyiꞌi Ndiose chunꞌ Jesús.

SAN MATEO 3:17

Ynen ykwiꞌ Ndiose nde seꞌen ndiꞌin Ni nde niꞌ kwan bra kanꞌ. Nde ñaꞌan ndukwin Ni: ―Nu nde lka Sñiěnꞌ ―ndukwin Ni―. Ndiya ꞌa tiǎnꞌ ꞌin yu, chaꞌ suꞌwe ꞌa nsuꞌwi tiyeěn ñaꞌaǎn ꞌin yu.

SAN MARCOS 1:11

Loꞌo ynen ykwiꞌ Ndiose seꞌen ndiꞌin Ni nde niꞌ kwan bra kanꞌ. Nde lka chaꞌ nu ykwiꞌ Ni: ―Ska ti nu lka Sñiěnꞌ lka yu re, loꞌo suꞌwe ꞌa lka tiyeěn ñaꞌaǎn ꞌin yu ―ndukwin Ndiose chaꞌ ꞌin Jesús. ―Ndiya ꞌa tiǎnꞌ ꞌin yu ―ndukwin Ni.

SAN MARCOS 1:9

Xka tsan la tiyaꞌ la chinꞌ, mdoꞌo Jesús kichen Nazaret nde lo yuu ꞌin Galilea, ndyaa yu seꞌen ndiꞌin Xuwa nde tuꞌwa chku Jordán. Bra kanꞌ mdukwatya Xuwa ꞌin Jesús lo tyiꞌa chku kanꞌ.

SAN MARCOS 9:7

Loꞌo mdoꞌo tukwa ska koo nu yuꞌwi nchga seꞌen nduun neꞌ bra kanꞌ, kwiꞌ ynen laja koo kanꞌ nchkwiꞌ Ndiose loꞌo neꞌ: ―Ti kwiꞌ yu re lka ska ti nu lka Sñiěnꞌ ―ndukwin Ndiose―, ndiya ꞌa tiǎnꞌ ꞌin yu re. Kunan suꞌwe wan ꞌin yu re bra nu chkwiꞌ yu loꞌo wan.

SAN LUCAS 2:14

¡Lye ꞌa kuꞌni tnuan ꞌin Ndiose, loꞌo nde niꞌ kwan seꞌen ndiꞌin Ni, loꞌo lo chalyuu! ¡Tlyu ꞌa chaꞌ ndiꞌin ꞌin Ni!, ndukwin angajle kanꞌ bra kanꞌ. Kuꞌni chaꞌ tiin ti tyiꞌin nten chalyuu chaꞌ nu ka biyaꞌ tiꞌ neꞌ chaꞌ suꞌwe ꞌa nka tiye Ndiose ñaꞌan Ni ꞌin nten, ndukwin angajle bra kanꞌ.

SAN LUCAS 4:21

Bra kanꞌ mdyisnan Jesús ngwaꞌu yu ꞌin neꞌ: ―Loꞌo ni, wa mdoꞌo tukwa chaꞌ kanꞌ la seꞌen ndiꞌin wan, ti kwiꞌ chaꞌ nu wa ynan wan lo kityi re ―ndukwin Jesús.

SAN JUAN 1:32

Chunꞌ ndiꞌin la ykwiꞌ Xuwa chaꞌ ꞌin Jesús loꞌo neꞌ: ―Wa naꞌaǎn bra nu mdoꞌo Tyiꞌi Ndiose niꞌ kwan yan ngwiꞌya ke Jesús; sa ñaꞌan ndiꞌya ska kiñi cha kun, ngwañaꞌan nganun ndukwa ke yu ―ndukwin―.

SAN JUAN 12:28

Kanꞌ ykwiꞌ Jesús loꞌo Ndiose Sti yu: ―Stiǐn, suꞌwe la ka tnun la nuꞌwin. Ynen ykwiꞌ Ndiose niꞌ kwan bra kanꞌ. Nde lka chaꞌ nu ykwiꞌ Ni: ―Wa lka ngiꞌni tnun nten chalyuu ꞌñaǎn ykwiǐnꞌ, kwiꞌ ngwañaꞌan ti kuꞌni tnun la neꞌ ꞌñaǎn xiyaꞌ chunꞌ tñan nu ngiꞌni nuꞌwin ―ndukwin Ndiose ꞌin Jesús.

SAN JUAN 5:37

Kwiꞌ ngwañaꞌan, ngwaꞌu ñi Stiǐn chaꞌ ꞌñaǎn ꞌwan, chaꞌ ti kwiꞌ Stiǐn lka nu ngwaꞌan tñan ꞌñaǎn chaꞌ mdiyaǎn. Loꞌo ꞌwan ni, ja ya kunan wan chaꞌ nu nchkwiꞌ Ndiose, ja ya ñaꞌan wan ꞌin Ni.

LOS HECHOS 10:38

Jlyo tiꞌ wan sa ñaꞌan mdiꞌin Jesús lo chalyuu, ti kwiꞌ Jesús Nazaret. Wa ngulo suwi Ndiose Sti yu ꞌin yu, loꞌo ti mda la Ni jwersa ꞌin Jesús bra nu mdiyan Tyiꞌi Ndiose ñaꞌaan chunꞌ yu. Nchga seꞌen mdaꞌan yu yꞌni yu chaꞌ suꞌwe loꞌo nten; kwiꞌ ngwañaꞌan, yꞌni yu chaꞌ nchkaa neꞌ nu tiꞌí ꞌa, ni siya nten nu msñi kwiꞌin kuxi ꞌin. Ngwañaꞌan yꞌni Jesús tñan, chaꞌ mdayaꞌ ꞌa Ndiose ꞌin yu.

COLOSENSES 1:13

Nan wa ngulaa Ni ꞌñaan, wa yꞌni tyii Ni chalyuu tla seꞌen mdaꞌaan sꞌni, loꞌo ni, wa ngwaꞌu Ni xka tuwiin ꞌñaan nu tsaan chalyuu kwi seꞌen nka Krixtu ndloo la ꞌñaan. Sñiꞌ Ndiose lka Krixtu, loꞌo ndiya ꞌa tiꞌ Ndiose ꞌin yu;

1 SAN PEDRO 2:4

Ti kwiꞌ Krixtu nu nka Xꞌnaan ni, ñaꞌan tiꞌ ska kee nu nsuꞌwi kiyaꞌ naꞌan, ngwañaꞌan lka yu, ni siya luꞌu ykwiꞌ yu. Ndukwin nten chalyuu nu nchka tiꞌ kwiñan naꞌan chaꞌ ja suꞌwe kee kanꞌ; ja ka kuꞌni neꞌ tñan suꞌwe loꞌo ran, ndukwin neꞌ. Loꞌo ti kwiꞌ Jesús lka nu wa ngulo suwi Ndiose ꞌin chaꞌ ka tñan ꞌin Ni, chaꞌ tyukwa yu nde seꞌen ndukwa kiyaꞌ chaꞌ, nchga chaꞌ nu ndiꞌin ꞌin Ndiose. Kanꞌ chaꞌ ndiꞌin chaꞌ sten suꞌwe tiye wan chaꞌ ꞌin Krixtu kanꞌ,