SAN LUCAS 23:34 - Chatino Zona Alta Occidental

³⁴ Xa nu ti ndiꞌin sndaru nu mjiꞌin kaꞌan ꞌin neꞌ lo wsi, bra kanꞌ ykwiꞌ Jesús loꞌo Ndiose Sti yu: ―Stiǐn ―ndukwin yu―, kuꞌnii chaꞌ tlyu tiꞌ ꞌin neꞌ re, ja jlyo ꞌa tiꞌ neꞌ ni chaꞌ lka ngiꞌni neꞌ ngwañaꞌan. Bra kanꞌ ngutsaa sndaru kanꞌ steꞌ Jesús xa nu ndiꞌin jya ti neꞌ loꞌo taꞌa neꞌ.

SAN LUCAS 23:34 Iomraidhean Croise

SAN MATEO 11:25

Chunꞌ ndiꞌin la ykwiꞌ Jesús loꞌo Ndiose Sti yu: ―Kuꞌni tnuǔn ꞌiin, Stiǐn; nuꞌwin lkaa Xꞌnan ba, loꞌo nde niꞌ kwan, loꞌo lo chalyuu ―ndukwin Jesús ꞌin Ndiose―. Ngwa xuꞌwe ꞌiin chaꞌ wa yꞌnii chaꞌ ngwa biyaꞌ tiꞌ nten nu ja jlyo suꞌwe tiꞌ nu ngwa sꞌni la. Xka ta nten nu tiya la tiꞌ, loꞌo nten nu nchka ꞌa ꞌin, loꞌo nten nu jlyo ꞌa tiꞌ nchga chaꞌ ꞌiin, nxkeꞌ tiꞌ neꞌ, loꞌo neꞌ kanꞌ ja nchka biyaꞌ la tiꞌ neꞌ kanꞌ.

SAN MATEO 11:26

Chañi chaꞌ ngwañaꞌan nchka tiꞌ nuꞌwin, chaꞌ ka biyaꞌ tiꞌ nten nu ja jlyo tiꞌ siyaꞌ ti.

SAN MATEO 5:44

Loꞌo ni, kaꞌan la chaꞌ chkwiǐnꞌ loꞌo wan: Suꞌwe ꞌa xuꞌwi tiye wan ñaꞌan wan ꞌin nu tiꞌí tiꞌ ꞌwan; kwiꞌ ngwañaꞌan, suꞌwe chkwiꞌ wan loꞌo nten nu suꞌwa kwentu ꞌwan, suꞌwe kuꞌni wan loꞌo nten nu liyeꞌ tiꞌ ꞌwan; chkwiꞌ wan loꞌo Ndiose chaꞌ ꞌin neꞌ kanꞌ, ni siya naꞌan tiꞌí neꞌ ꞌwan, ni siya nxtyi lyoꞌo neꞌ ꞌwan.

SAN MARCOS 15:24

Bra kanꞌ mjiꞌin kaꞌan neꞌ ꞌin yu lo wsi, loꞌo kanꞌ mdiꞌin jya sndaru loꞌo taꞌa neꞌ, yꞌni neꞌ kanan loꞌo taꞌa neꞌ ti ka nu ka kaja steꞌ Jesús. Ngwañaꞌan ngwa chaꞌ mdyii mtsaa neꞌ steꞌ Jesús loꞌo taꞌa neꞌ.

SAN LUCAS 22:42

―Stiǐn ―ndukwin yu―, ¿ja nsuꞌwi chinꞌ xka ñaꞌan nu ka kuꞌniǐn tñan tnun re, chaꞌ ja kaja la nu tiꞌí ꞌñaǎn? ―ndukwin Jesús ꞌin Ndiose Sti yu―. Ni siya ngwañaꞌan, nchka tiǎnꞌ kuꞌniǐn nchga tñan sa ñaꞌan nu nchka tiiꞌ chaꞌ kuꞌniǐn.

SAN JUAN 17:9

’Stiǐn, chkwiǐnꞌ loꞌoo ni ―ndukwin Jesús―, chaꞌ suꞌwaa yaaꞌ ꞌin neꞌ kanꞌ. Ja chkwiǐnꞌ chaꞌ ꞌin ya ñaꞌan ti nten chalyuu, ska ti chaꞌ ꞌin nten nu mdaa ꞌñaǎn chaꞌ ka nten ꞌñaǎn nchkwiǐnꞌ loꞌoo, chaꞌ lka neꞌ kanꞌ nten ꞌiin.

SAN JUAN 19:11

―Ja ndiya chabiyaꞌ ꞌiin siyaꞌ ti chaꞌ kaa ndloo ꞌñaǎn ―ndukwin Jesús ꞌin Pilato―. Ndiose nu lka ndloo la ti, kanꞌ lka nu ta chabiyaꞌ ꞌñaan; kanꞌ chaꞌ tnun la kiꞌya ndukwi yu nu wa yjwiꞌ xuꞌwa ꞌñaǎn yaaꞌ.

LOS HECHOS 16:28

Kwen ꞌa ykwiꞌ Palyu loꞌo yu bra kanꞌ: ―Ja kuꞌnii ngwañaꞌan ―ndukwin Palyu ꞌin yu―. Nde ti ndiꞌin taꞌa ba re.

LOS HECHOS 3:17

’ꞌWan, neꞌ taꞌa kichen tyian, jlyo tiǎnꞌ chaꞌ ja ngwa biyaꞌ tiꞌ wan ti lka nu ngwa Jesús bra nu mjñan wan chabiyaꞌ chaꞌ kujwi sndaru ꞌin yu. Loꞌo neꞌ nu nka ndloo ꞌwan, ja ngwa biyaꞌ tiꞌ neꞌ ni sa ñaꞌan tñan nu yꞌni neꞌ, ta chaꞌ suꞌwe, o ta chaꞌ kuxi yꞌni neꞌ bra kanꞌ.

LOS HECHOS 7:60

Mduun xtyinꞌ yu lyuu loꞌo tꞌnan ꞌa msiꞌya yu xiyaꞌ bra kanꞌ: ―Xꞌnaǎn ―ndukwin yu―, ja xtyaa kiꞌya ꞌin nten re chunꞌ nu yjwi neꞌ ꞌñaǎn ―ndukwin Steba ꞌin Jesús. Ska bra ti ngujwi yu bra kanꞌ.

ROMANOS 12:14

Chkwiꞌ wan loꞌo Ndiose chaꞌ ꞌin nten nu ngiꞌni liyeꞌ tiꞌ ꞌwan; ja xtya wan kiꞌya ꞌin neꞌ kanꞌ yaꞌ Ndiose, xkwiꞌ chaꞌ suꞌwe ti jñan wan ꞌin Ndiose chaꞌ ꞌin neꞌ kanꞌ.

1 CORINTIOS 2:8

Ja ngwa biyaꞌ tiꞌ nten nu nka ndloo chalyuu chaꞌ kanꞌ. Si ngwa jlyo tiꞌ neꞌ chaꞌ kanꞌ, sa ñaꞌan nu mdaꞌan chaꞌ tiye Ndiose chaꞌ kuꞌni Ni, ja mjiꞌin kaꞌan neꞌ kanꞌ ꞌin Jesús lo wsi bra kanꞌ, ti kwiꞌ Xꞌnaan Jesús, nu tlyu ꞌa chaꞌ suꞌwe nsuꞌwi ꞌin Ni.

1 CORINTIOS 4:12

Tiꞌin ꞌa tñan nu ngiꞌni ba chaꞌ kaja ñaꞌan nu tyijin yuꞌwi ꞌwa chalyuu. Bra nu tiꞌí ꞌa nchkwiꞌ nten loꞌo ba, ja nchkwiꞌ ba chaꞌ tiꞌí loꞌo neꞌ; suꞌwe ti nchkwiꞌ ba loꞌo neꞌ bra kanꞌ. Bra nu tiꞌí ꞌa tiꞌ nten ꞌwa, ndalo ꞌa ba bra kanꞌ; ja nskwen yaꞌ ba ꞌin neꞌ siyaꞌ ti.

1 TIMOTEO 1:13

Wa ngulo suwi Ni ꞌñaǎn, ni siya kuxi ꞌa ykwiǐnꞌ chaꞌ ꞌin Ni nu ngwa sꞌni, bra nu lye ꞌa ndaǎn nu tiꞌí ꞌin nten ꞌin Jesucristo; tláǎn ꞌaǎn nu ngwa bra kanꞌ. Sa kanꞌ ti chaꞌ, ja ska chaꞌ jlyo tiǎnꞌ bra kanꞌ, chaꞌ ja ya sñiǐn chaꞌ suꞌwe ꞌin Ndiose, kanꞌ chaꞌ ngwa tꞌnan ꞌa tiꞌ Ni ꞌñaǎn.

1 SAN PEDRO 3:9

Ja kuꞌni wan chaꞌ kuxi loꞌo taꞌa nten wan, ni siya ti kulo wa yꞌni neꞌ chaꞌ kuxi loꞌo wan; kwiꞌ ngwañaꞌan, ja kuꞌni tlá wan ꞌin neꞌ, ni siya tlá ꞌa ykwiꞌ neꞌ ꞌwan ti kulo. Wa ngulo suwi Ndiose ꞌwan chaꞌ tayaꞌ Ni ꞌwan, kanꞌ chaꞌ suꞌwe la si chkwiꞌ wan loꞌo Ni chaꞌ tayaꞌ Ni ꞌin neꞌ kanꞌ, ni siya tlá ꞌa neꞌ.