SAN LUCAS 23:19 - Chatino Zona Alta Occidental

¹⁹ Nan wa msuꞌwa neꞌ ꞌin Barrabás kanꞌ niꞌ ñaꞌan chkwan siꞌya chaꞌ mdatsaa ꞌa yu ꞌin nten kichen chaꞌ xuun neꞌ loꞌo neꞌ xka laꞌa tsuꞌ nu lka ndloo. Bra kanꞌ yjwi ꞌa Barrabás ꞌin nten.

SAN LUCAS 23:19 Iomraidhean Croise

SAN MARCOS 15:7

Loꞌo nsuꞌwi tyun nten niꞌ ñaꞌan chkwan yijan kanꞌ, neꞌ nu wa yjwi ꞌin neꞌ romano, neꞌ xka laꞌa tsuꞌ nu ngwa ndloo kanꞌ bra nu msuun neꞌ loꞌo. Ska presu kanꞌ lka Barrabás.

SAN LUCAS 23:18

kanꞌ chaꞌ mdyisnan nchga nten kichen, kwen ꞌa msiꞌya neꞌ suꞌwa ti, mjñan neꞌ xka presu ꞌin Pilato: ―¡Ja kulaa ꞌin yu kiꞌyu re! ―ndukwin neꞌ―. ¡Yaa loꞌoo ꞌin yu re! ¡Kulaa ꞌin Barrabás kanꞌ, chaꞌ tyoꞌo yu ngwa ti ñaꞌan!

SAN LUCAS 23:2

Mdyisnan neꞌ mstya neꞌ kiꞌya ꞌin Jesús bra kanꞌ: ―Wa msñi ba ꞌin yu kiꞌyu re, chaꞌ ndatsaa ꞌa yu ꞌin neꞌ judío taꞌa kichen tyi ba. Ndukwin yu chaꞌ ja nsuꞌwi chabiyaꞌ ta ba tñi nu ndlo neꞌ nu lka tñan ꞌwan, neꞌ romano; loꞌo lye ꞌa nchkwiꞌ yu chaꞌ ykwiꞌ yu lka yu Krixtu, sa ñaꞌan si lka yu ree nu lka ndloo la ꞌwa ―ndukwin neꞌ ꞌin Pilato.

SAN LUCAS 23:20

Ngwa tiꞌ Pilato kulaa ꞌin Jesús, kanꞌ chaꞌ xiyaꞌ ykwiꞌ yu loꞌo neꞌ.

SAN LUCAS 23:5

Loꞌo xiyaꞌ lye la ykwiꞌ neꞌ kanꞌ, kwen ꞌa msiꞌya loꞌo neꞌ ꞌin Pilato bra kanꞌ: ―Nda yu re chaꞌ msinꞌ tiꞌ ꞌin nchga nten nde Judea re siꞌya chaꞌ nu nduꞌu yu ꞌin neꞌ ―ndukwin neꞌ―. Nde Galilea mdyisnan yu re, loꞌo ni, loꞌo nde re nduꞌu yu chaꞌ kuxi kanꞌ ꞌin neꞌ.

LOS HECHOS 21:38

―¿Ta siꞌi nuꞌwin lkaa neꞌ Egipto kanꞌ nu ngwa ndloo ꞌin neꞌ nu msuun loꞌo gobierno nu ngwa xkanꞌ a? ―ndukwin xꞌnan sndaru ꞌin Palyu―. ¿O ta siꞌi nuꞌwin yaa loꞌo ꞌin jakwa mi nten kuxi lo ntenꞌ wtyi a?

LOS HECHOS 3:14

Xkwiꞌ chaꞌ suꞌwe yꞌni Jesús kanꞌ, xkwiꞌ luwi kasiya ꞌin yu, loꞌo ja mda wan chabiyaꞌ tyoꞌo yu laja ti bra kanꞌ. Mjñan wan chabiyaꞌ ꞌin gobernador kanꞌ, chaꞌ tyoꞌo laja ti xka nu lka presu, nu wa yjwi ꞌin tyun nten.