SAN LUCAS 22:60 - Chatino Zona Alta Occidental

⁶⁰ ―Che ―ndukwin Tyu bra kanꞌ―, ja jlyo tiǎnꞌ ni chaꞌ lka nchkwiꞌ wan ngwañaꞌan. Ti kwiꞌ bra nu ti nduun Tyu nchkwiꞌ, bra kanꞌ msiꞌya ska la kwiꞌe.

SAN LUCAS 22:60 Iomraidhean Croise

SAN MATEO 26:34

Mxkwen Jesús ꞌin Tyu bra kanꞌ: ―Chañi katsaǎnꞌ ꞌiin ni ―ndukwin yu―, chaꞌ bra nu ti ji xiꞌya la kweꞌe tla ndaꞌa, snan yaꞌ chkwiiꞌ loꞌo nten chaꞌ ja nsuꞌwi lyoo ꞌñaǎn; jlyo tiǎnꞌ chaꞌ ngwañaꞌan chkwiiꞌ loꞌo neꞌ.

SAN LUCAS 22:34

―Nde lka chaꞌ nu nchkwiǐnꞌ loꞌoo ni, Tyu ―ndukwin Jesús ꞌin yu―, chaꞌ bra nu ti ji xiꞌya la kwiꞌe tla ndaꞌa, bra kanꞌ snan yaꞌ chkwiiꞌ chaꞌ ja nsuꞌwi lyoo ꞌñaǎn.

SAN LUCAS 22:59

Chunꞌ ndiꞌin la, bra kanꞌ ykwiꞌ xka nten loꞌo taꞌa ndaꞌan yu: ―Chañi chaꞌ loꞌo yu kiꞌyu re ndaꞌan loꞌo presu kwa, chaꞌ loꞌo yu re lka yu neꞌ Galilea ―ndukwin yu bra kanꞌ.

SAN LUCAS 22:61

Bra kanꞌ mxinaꞌan Jesús seꞌen nduun yu niꞌ ñaꞌan, chaꞌ ñaꞌan yu ꞌin Tyu. Bra ti ndyaa yuꞌwi tiꞌ Tyu chaꞌ nu wa ykwiꞌ Jesús loꞌo yu ti kulo la. Nde ñaꞌan ngwa chaꞌ kanꞌ: “Bra nu ti ji xiꞌya la kwiꞌe tla ndiꞌa, bra kanꞌ snan yaꞌ chkwiiꞌ chaꞌ ja nsuꞌwi lyoo ꞌñaǎn” ndukwin Jesús ti bra kanꞌ.

SAN JUAN 18:27

Xiyaꞌ ykwiꞌ Tyu chaꞌ ja loꞌo mduun, loꞌo ti kwiꞌ bra kanꞌ msiꞌya ska la kweꞌe.