SAN LUCAS 22:11 - Chatino Zona Alta Occidental

¹¹ Bra kanꞌ chkwiꞌ wan loꞌo neꞌ nu lka naꞌan tyi kanꞌ: “Nde lka chaꞌ nu ndukwin mstru chaꞌ jñan ba ꞌiin: ¿La nde yaꞌ ndukwa kwartu seꞌen kaǎn chaꞌ ku siinǎn loꞌo neꞌ nu ngiꞌni xaꞌan chaꞌ ꞌñaǎn, chaꞌ kuꞌni ba taꞌa pascua re a?” nchkwin wan ꞌin yu.

SAN LUCAS 22:11 Iomraidhean Croise

SAN MATEO 21:3

Si kunichaꞌ neꞌ kichen kwa ꞌwan: “¿Ni sa ñaꞌan tñan kuꞌni wan loꞌo buru kwa?”, katsaꞌ wan chaꞌ re ꞌin neꞌ bra kanꞌ: “Ndiya tñan kuꞌni buru re chaꞌ ꞌin ti kwiꞌ nu nka Xꞌnaan.” Bra ti ta neꞌ chabiyaꞌ ꞌwan chaꞌ kan loꞌo wan ꞌin iꞌ bra kanꞌ.

SAN MARCOS 14:14

Seꞌen sten yu niꞌ ñaꞌan, chkwiꞌ wan loꞌo nu lka xꞌnan naꞌan kanꞌ: “Nde lka tñan nu ndukwin mstru ꞌñaan ꞌiin. Kuꞌnii chaꞌ suꞌwe katsaaꞌ ꞌñaǎn, ¿la nde yaꞌ kaja seꞌen nu kuǔn siinǎnꞌ loꞌo neꞌ nu ngiꞌni xaꞌan chaꞌ ꞌñaǎn, chaꞌ kuꞌni ba taꞌa pascua?” Ngwañaꞌan chkwiꞌ wan loꞌo nten nu nka tyi kanꞌ.

SAN LUCAS 19:31

Si ndiya nu chkwiꞌ loꞌo wan: “¿Ni chaꞌ nxtiꞌ wan buru kwa a?”, bra kanꞌ xkwen wan ꞌin neꞌ kanꞌ: “Jesús nu lka Xꞌnan wan nchka tiꞌ ꞌin iꞌ”.

SAN LUCAS 19:34

Bra kanꞌ mxkwen neꞌ ꞌin nten kanꞌ: ―Ndiya tñan kunanjoꞌo iꞌ ꞌin Xꞌnaan.

SAN LUCAS 19:5

Xa nu ndijin ti Jesús, bra kanꞌ naꞌan Jesús nde kwan, ykwiꞌ loꞌo Zaqueo kanꞌ: ―Zaqueo ―ndukwin Jesús ꞌin yu―, kiꞌyaa lyaa lyuu, chaꞌ ndiꞌin chaꞌ tsaꞌaǎn naꞌan tyii ni.

SAN LUCAS 22:10

Mxkwen Jesús ꞌin neꞌ bra kanꞌ: ―Bra nu sten wan tuꞌwa kichen ni, bra kanꞌ tyukwa taꞌa wan loꞌo ska yu kiꞌyu nu ndukwa ska teꞌén tyiꞌa skun yu ―ndukwin Jesús―. Tsaa ñaꞌan wan ꞌin yu sa ñaꞌan yaꞌ nu kala wan ska tunaꞌan seꞌen sten yu.

SAN LUCAS 22:12

Bra kanꞌ kwaꞌu yu ska kwartu ꞌwan, ska kwartu tlyu nde kwan la nu wa lka ngwa suꞌwe. La kanꞌ kuꞌni xuꞌwe wan siin kanꞌ ―ndukwin Jesús ꞌin neꞌ.

SAN JUAN 11:28

Mdyii ykwiꞌ Marta ndyaa bra kanꞌ, mnan ti msiꞌya ꞌin Liya taꞌa ngula: ―Wa kala ti Mstru ꞌñaan nde re ―ndukwin―. Nxiꞌya yu ꞌiin chaꞌ tsaa seꞌen ndiꞌin yu.

EL APOCALIPSIS 3:20

Kunan suꞌwe wan: Wa ndiyaǎn seꞌen ndiꞌin wan; nduǔn nchkwiǐnꞌ loꞌo wan ni, chaꞌ nchga nten nu kunan chaꞌ nchkwiǐnꞌ, kanuǔn seꞌen ndiꞌin neꞌ kanꞌ bra kanꞌ; tyiꞌiǐn seꞌen ndiꞌin neꞌ kanꞌ, suꞌwe ꞌa tyiꞌin chaꞌ ꞌñaǎn loꞌo neꞌ kanꞌ bra kanꞌ.