SAN LUCAS 21:4 - Chatino Zona Alta Occidental

⁴ Neꞌ kuliyaꞌ kwa ni, mda neꞌ chinꞌ tñi nu wa ngunun ti ꞌin neꞌ; loꞌo nu kunaꞌan tiꞌi kwa ni, tiꞌi ꞌa, wa mda nchga nu nsuꞌwi ꞌin chaꞌ tyijin yuꞌwi ꞌin lo chalyuu.

SAN LUCAS 21:4 Iomraidhean Croise

SAN MARCOS 12:44

Xka ta nten ni, mda neꞌ tñi nu nganun ti ꞌin neꞌ. Loꞌo nu kunaꞌan tiꞌi kwa mda nchga nan nu nsuꞌwi ti chinꞌ ꞌin; nchga nan nu ndiya ꞌin chaꞌ kaja chinꞌ nan ku, wa mda nu kunaꞌan kanꞌ ni.

SAN LUCAS 15:12

Loꞌo nu kuneꞌ ni, ykwiꞌ yu loꞌo sti yu: “Stiǐn” ndukwin, “tyaa lyaa nchga chaꞌ suꞌwe nu ndiꞌin chaꞌ kaja ꞌñaǎn.” Kanꞌ chaꞌ bra ti msuꞌwe sti yu nchga chaꞌ suꞌwe nu mdiꞌin ꞌin yu chaꞌ kaja ꞌin taꞌa tyukwaa sñiꞌ yu.

SAN LUCAS 21:3

Bra kanꞌ ykwiꞌ Jesús loꞌo taꞌa ndaꞌan yu: ―Chañi chaꞌ nu nchkwiǐnꞌ loꞌo wan ni, chaꞌ kaꞌan la nsuꞌwi lyo lomstan nu mda nu kunaꞌan tiꞌi kwa ke lomstan nu mda nchga nten.

SAN LUCAS 8:43

Laja nten kanꞌ ndyaa ska nu kunaꞌan nu tiꞌí ꞌa. Wa mdyii tii tyukwa yijan tiꞌí nu kunaꞌan kanꞌ, xkwiꞌ kicha nu ndiꞌya tnen nsuꞌwi ꞌin nu kunaꞌan kanꞌ. Wa mdyii tñi ꞌin nu kunaꞌan kanꞌ ngwiji, siyaꞌ neꞌ joꞌó, ja ska nten ngwa ꞌin kuꞌni joꞌó ꞌin nu kunaꞌan kanꞌ.

LOS HECHOS 4:34

Suꞌwe ꞌa nka tiye nchga neꞌ nu ndiꞌin chaꞌ ꞌin loꞌo Jesucristo, kanꞌ chaꞌ ja ska ꞌa taꞌa neꞌ lyiji nan ꞌin, chaꞌ nchga neꞌ kanꞌ nu nsuꞌwi naꞌan ꞌin, nchga neꞌ nu nsuꞌwi chinꞌ yuu ꞌin, yjwiꞌ neꞌ ꞌin ran chaꞌ kaja nan nu tyijin yuꞌwi ꞌin neꞌ loꞌo taꞌa neꞌ.

2 CORINTIOS 8:12

Si chañi chaꞌ suꞌwe nka tiye ska nten ta yu ni siya chinꞌ ti nan nu nsuꞌwi ꞌin yu, suꞌwe ti xñi Ndiose lomstan kanꞌ ꞌin yu, sa kwa ti nu nchka ꞌin yu bra kanꞌ; ja nchka tiꞌ Ni chaꞌ ta yu ska lomstan si ja ska nan nsuꞌwi ꞌin yu.