SAN LUCAS 21:33 - Chatino Zona Alta Occidental

³³ Tyii chaꞌ ꞌin nchga nan nu nsuꞌwi nde niꞌ kwan, tyii chaꞌ ꞌin nchga nan nu nsuꞌwi lo yuu, loꞌo ja tyii chaꞌ nu wa ykwiǐnꞌ loꞌo wan; ndiꞌin chaꞌ ka nchga chaꞌ kanꞌ.

SAN LUCAS 21:33 Iomraidhean Croise

SAN MATEO 24:35

Tyii nchga nan nu nsuꞌwi niꞌ kwan, tyii chalyuu re, loꞌo ja tyii siyaꞌ ti chaꞌ nu nchkwiǐnꞌ re, chaꞌ xkwiꞌ chañi lka chaꞌ nchkwiǐnꞌ ―ndukwin Jesús ꞌin neꞌ.

SAN MATEO 5:18

Chañi chaꞌ nchkwiǐnꞌ loꞌo wan ni, chaꞌ ja ska chaꞌ nu ngwaꞌan ayman sꞌni chaꞌ ꞌin Ndiose, ja ka kuꞌni tyii nten chaꞌ kanꞌ sa ñaꞌan bra nu tsaa tii chalyuu; chañi chaꞌ ka nchga chaꞌ nu ndukwa lo kityi ꞌin Ndiose nu ngwa sꞌni.

SAN MARCOS 13:31

Tyii chaꞌ ꞌin nchga nan nu nsuꞌwi niꞌ kwan, tyii chaꞌ ꞌin nchga nan nu nsuꞌwi lo chalyuu, ni siya ja tyii siyaꞌ ti chaꞌ nu nchkwiǐnꞌ loꞌo wan, chaꞌ xkwiꞌ chaꞌ nu ñi lka chaꞌ nu nchkwiǐnꞌ.

SAN LUCAS 16:17

’Ja tlyu tñan tsaa tii nchga nan nu nsuꞌwi nde niꞌ kwan, kwiꞌ ngwañaꞌan, tsaa tii tyukwi ñaꞌaan lo chalyuu; loꞌo ja tsaa tii ꞌa nchga chaꞌ nu wa ykwiꞌ Ndiose loꞌo nten sꞌni, ni siya ska chaꞌ nu chinꞌ la.

SAN LUCAS 21:32

’Chañi chaꞌ nu nchkwiǐnꞌ loꞌo wan ―ndukwin Jesús―, ka nchga chaꞌ kanꞌ bra nu ja ya tyii chaꞌ ꞌin nten nu ndiꞌin lo chalyuu ni.

1 SAN PEDRO 1:25

Loꞌo skaa chaꞌ nu nchkwiꞌ Ndiose ni, kanun chaꞌ kanꞌ nchga bra, ja tsaa tii chaꞌ kanꞌ siyaꞌ ti. Ngwañaꞌan ndukwin kityi kanꞌ. Kwiꞌ ngwañaꞌan chaꞌ suꞌwe nu ꞌin Ndiose nu ngwaꞌu ba ꞌwan, ja wñuꞌun chaꞌ kanꞌ siyaꞌ ti.

EL APOCALIPSIS 20:11

Loꞌo kanꞌ naꞌaǎn chaꞌ ndukwa ska nten tnun lo ska yka xlya tnun nu xaa ꞌa bra kanꞌ. Loꞌo ni, chaꞌ nde kwa ndiꞌin Ndiose nu tlyu la ti, kanꞌ chaꞌ ngutin nchga chalyuu, ngutin nchga nan nu nsuꞌwi nde niꞌ kwan; ja la ꞌa chkanꞌ ran siyaꞌ ti, ja mjwi ꞌa seꞌen xuꞌwi ran nde kwa bra kanꞌ.