SAN LUCAS 20:24 - Chatino Zona Alta Occidental

²⁴ Kwaꞌu wan ska tñi plata ꞌñaǎn. Bra kanꞌ ngwaꞌu neꞌ tñi plata kanꞌ ꞌin yu. ―¿Ti nkwin lka nu ngaꞌan loo tñi re a? ¿Ti lka nin nu ndukwa lo tñi re a? ―ndukwin Jesús ꞌin neꞌ kwiñi kanꞌ bra kanꞌ.

SAN LUCAS 20:24 Iomraidhean Croise

SAN MATEO 18:28

Tuwiin seꞌen ndyaa yu, mdyukwa taꞌa yu loꞌo taꞌa msu yu nu ndukwi chinꞌ ti tñi ꞌin yu bra kanꞌ. Bra ti msñi yu ynin taꞌa yu, tlá ꞌa yu ꞌin taꞌa msu yu. “¿Ni bra tyaa tñi nu ndukwii ꞌñaǎn?” ndukwin yu ꞌin taꞌa msu yu.

SAN MATEO 20:2

Ta yu siyaꞌ msu sa ñaꞌan nu nda ti neꞌ ska tsan bra kanꞌ, ndukwin xꞌnan msu kanꞌ ꞌin neꞌ; suꞌwe ꞌa mskeꞌ tiꞌ neꞌ nu ka msu, si kaja sa kwa liyaꞌ ꞌin neꞌ. Mdoꞌo neꞌ kanꞌ ndyaa neꞌ tñan niꞌ lyoꞌoo ꞌin yu bra kanꞌ.

SAN MATEO 22:20

―¿Ti lka nkwin ngaꞌan chunꞌ tñi re? ―ndukwin Jesús ꞌin neꞌ kanꞌ―. ¿Ti lka ra nu ndukwa nin re? ―ndukwin.

SAN MARCOS 12:16

Kanꞌ mda neꞌ ska tñi ꞌin yu, loꞌo mnichaꞌ Jesús ꞌin neꞌ bra kanꞌ: ―¿Ti ka nu lka nkwin nu ngaꞌan chunꞌ tñi re a? ¿Ni sa ñaꞌan nin yu nu ngwaꞌan chunꞌ tñi re a? ―ndukwin Jesús ꞌin neꞌ. ―Nin ree tlyu nu ndiꞌin xka laꞌa tsuꞌ, kanꞌ ngwaꞌan chunꞌ tñi kwa ―ndukwin neꞌ bra kanꞌ.

SAN LUCAS 2:1

Tyempu kanꞌ, nten nu lka ndloo la tyukwi ñaꞌaan chalyuu, kanꞌ nu ngwa emperador; Augusto naan yu. Bra kanꞌ ngulo yu tñan chaꞌ tyaꞌan nin neꞌ lo kityi sa ñaꞌan naan neꞌ nchga kichen.

SAN LUCAS 20:22

Kuꞌnii chaꞌ tlyu tiꞌ ꞌwa, katsaaꞌ ñi ꞌwa: ¿Ta nsuꞌwi chabiyaꞌ ꞌñaan chaꞌ taan tñi nu njñan ree tlyu nu ndiꞌin xka laꞌa tsuꞌ a? ¿O ta suꞌwe la si ja taan tñi kanꞌ ꞌin ree kanꞌ a? ―ndukwin nten kanꞌ ꞌin Jesús.

SAN LUCAS 20:23

Mgii ꞌa tiꞌ Jesús sa ñaꞌan chaꞌ kwiñi nu nka tiye neꞌ chaꞌ nu mnichaꞌ neꞌ ꞌin yu ngwañaꞌan. Bra kanꞌ ykwiꞌ yu loꞌo neꞌ kanꞌ: ―¿Ni chaꞌ lka nchkwiꞌ biyaꞌ wan ngwañaꞌan loꞌoǔn a? ―ndukwin yu ꞌin neꞌ―.

SAN LUCAS 20:25

Mxkwen neꞌ ꞌin yu bra kanꞌ: ―Nin ree tlyu nu ndiꞌin xka laꞌa tsuꞌ, kanꞌ ndukwa lo tñi kwa ―ndukwin neꞌ bra kanꞌ. ―Suꞌwe ―ndukwin Jesús bra kanꞌ―, ta wan nchga nan nu ndiꞌin chaꞌ ta wan ꞌin ree tlyu kanꞌ sikwa; kwiꞌ ngwañaꞌan, ta wan ꞌin Ndiose nchga nan nu ndiꞌin chaꞌ ta wan ꞌin Ni.

SAN LUCAS 23:2

Mdyisnan neꞌ mstya neꞌ kiꞌya ꞌin Jesús bra kanꞌ: ―Wa msñi ba ꞌin yu kiꞌyu re, chaꞌ ndatsaa ꞌa yu ꞌin neꞌ judío taꞌa kichen tyi ba. Ndukwin yu chaꞌ ja nsuꞌwi chabiyaꞌ ta ba tñi nu ndlo neꞌ nu lka tñan ꞌwan, neꞌ romano; loꞌo lye ꞌa nchkwiꞌ yu chaꞌ ykwiꞌ yu lka yu Krixtu, sa ñaꞌan si lka yu ree nu lka ndloo la ꞌwa ―ndukwin neꞌ ꞌin Pilato.

SAN LUCAS 3:1

Wa nsuꞌwi tiꞌyun yijan chaꞌ lka Tiberio emperador nu lka ndloo la ꞌin nten tyukwi ñaꞌaan chalyuu, Poncio Pilato lka ndloo nde lo yuu ꞌin Judea, tñan ꞌin Tiberio kanꞌ bra kanꞌ; loꞌo nu naan Herodes kanꞌ, lka yu ndloo lo yuu ꞌin Galilea tyempu kanꞌ; loꞌo Felipe, taꞌa ngula Herodes kanꞌ, lka yu ndloo lo yuu ꞌin Iturea loꞌo lo yuu ꞌin Traconite ti kwiꞌ tyempu kanꞌ; loꞌo xka nu naan Lisanias, lka yu ndloo lo yuu ꞌin Abilinia bra kanꞌ.

LOS HECHOS 11:28

Agabo naan ska nten kanꞌ. Wa ytsaꞌ Tyiꞌi Ndiose ꞌin Agabo, chaꞌ chkwiꞌ yu loꞌo neꞌ. Kanꞌ ykwiꞌ Agabo loꞌo neꞌ chaꞌ wa kan ti ska jwiꞌñan tlyu ꞌa ñaꞌaan chalyuu. Loꞌo chañi chaꞌ kanꞌ, ngwañaꞌan ngwa chaꞌ nu ykwiꞌ Agabo kanꞌ; nde loo la ngwa chaꞌ kanꞌ, xa nu ngwa Claudio ree nu nka ndloo la ti.

LOS HECHOS 26:32

―Ka kulaǎn ꞌin yu re, ska ti chaꞌ wa mjñan yu chaꞌ ka biyaꞌ ꞌin yu la seꞌen ndiꞌin ree nu nka ndloo la ti nde kichen Roma ―ndukwin Agripa ꞌin Festo.

FILIPENSES 4:22

Loꞌo nchga neꞌ nu msñi chaꞌ ꞌin Ndiose kichen re, loꞌo neꞌ nu ndiꞌin ngiꞌni tñan niꞌ ñaꞌan tlyu chaꞌ ꞌin xꞌnaan nu nka ndloo la nu nka emperador, nchka ꞌa tiꞌ neꞌ chkwiꞌ neꞌ suꞌwe loꞌo wan.