SAN LUCAS 20:23 - Chatino Zona Alta Occidental

²³ Mgii ꞌa tiꞌ Jesús sa ñaꞌan chaꞌ kwiñi nu nka tiye neꞌ chaꞌ nu mnichaꞌ neꞌ ꞌin yu ngwañaꞌan. Bra kanꞌ ykwiꞌ yu loꞌo neꞌ kanꞌ: ―¿Ni chaꞌ lka nchkwiꞌ biyaꞌ wan ngwañaꞌan loꞌoǔn a? ―ndukwin yu ꞌin neꞌ―.

SAN LUCAS 20:23 Iomraidhean Croise

SAN MATEO 16:1

Loꞌo mdiyan ska ta neꞌ fariseo loꞌo neꞌ saduceo seꞌen ndiꞌin Jesús, chaꞌ chkwiꞌ biyaꞌ neꞌ loꞌo yu, si ka kuxi la chaꞌ ꞌin yu, nka tiye neꞌ. Nchkwiꞌ neꞌ loꞌo Jesús chaꞌ kwaꞌu ska chaꞌ tnun ꞌin neꞌ, ska chaꞌ tnun nu tyoꞌo tukwa niꞌ kwan chabiyaꞌ ꞌin Ndiose.

SAN MATEO 22:18

Ngwa biyaꞌ tiꞌ Jesús sa ñaꞌan chaꞌ kuxi ndaꞌan tiye neꞌ kanꞌ, kanꞌ chaꞌ mxkwen yu ꞌin neꞌ: ―Kwiñi ꞌa wan ni. ¿Ni chaꞌ lka nchkwiꞌ biyaꞌ wan loꞌoǔn a? ―ndukwin Jesús ꞌin neꞌ kanꞌ―.

SAN LUCAS 20:20

kanꞌ chaꞌ mstya neꞌ ꞌin nten chaꞌ tyuun kwan ꞌin Jesús, chaꞌ kiꞌya neꞌ kwenta ni chaꞌ chkwiꞌ yu; mnan ti yꞌni neꞌ ngwañaꞌan, chaꞌ tyaꞌan chaꞌ tiye Jesús chaꞌ nten suꞌwe lka neꞌ. Nchka ꞌa tiꞌ neꞌ chaꞌ kunan neꞌ ska chaꞌ nu tyoꞌo tuꞌwa Jesús, chaꞌ bra kanꞌ ka xtya neꞌ kiꞌya ꞌin yu siꞌya chaꞌ kanꞌ. Bra kanꞌ tyaa loꞌo neꞌ ꞌin yu yaꞌ gobierno, chaꞌ kuꞌni biyaꞌ neꞌ ꞌin yu.

SAN LUCAS 20:22

Kuꞌnii chaꞌ tlyu tiꞌ ꞌwa, katsaaꞌ ñi ꞌwa: ¿Ta nsuꞌwi chabiyaꞌ ꞌñaan chaꞌ taan tñi nu njñan ree tlyu nu ndiꞌin xka laꞌa tsuꞌ a? ¿O ta suꞌwe la si ja taan tñi kanꞌ ꞌin ree kanꞌ a? ―ndukwin nten kanꞌ ꞌin Jesús.

SAN LUCAS 20:24

Kwaꞌu wan ska tñi plata ꞌñaǎn. Bra kanꞌ ngwaꞌu neꞌ tñi plata kanꞌ ꞌin yu. ―¿Ti nkwin lka nu ngaꞌan loo tñi re a? ¿Ti lka nin nu ndukwa lo tñi re a? ―ndukwin Jesús ꞌin neꞌ kwiñi kanꞌ bra kanꞌ.

SAN LUCAS 5:22

Wa jlyo tiꞌ Jesús sa ñaꞌan chaꞌ ndaꞌan tiye neꞌ. Bra kanꞌ mnichaꞌ yu ꞌin neꞌ kanꞌ: ―¿Ni chaꞌ ndaꞌan chaꞌ tiye wan ngwañaꞌan a? ¿Ta nxkeꞌ tiꞌ wan chaꞌ tukwi la lka si chkwiǐnꞌ loꞌo yu tiꞌí kwa chaꞌ kuꞌni Ndiose chaꞌ tlyu tiꞌ kiꞌya nu ndiꞌin ꞌin yu a? ¿Ta nxkeꞌ tiꞌ wan chaꞌ sa la ka chaꞌ chkwiǐnꞌ loꞌo yu tiꞌí: “Tyituun lyaa, tyaꞌaan” nxkeꞌ tiꞌ wan a? ¿Ni sa ñaꞌan tñan nu sa la kuꞌniǐn chaꞌ ꞌin yu kwa sikwa a?

SAN LUCAS 6:8

Bra ti ngwa biyaꞌ tiꞌ Jesús nchga chaꞌ nu mdaꞌan tiye neꞌ. Bra kanꞌ ykwiꞌ Jesús loꞌo yu nu nchkunꞌ yaꞌ kanꞌ: ―Tyituun lyaa, yaa tuun jluꞌwe laja neꞌ kwa ―ndukwin Jesús ꞌin yu tiꞌí kanꞌ. Bra kanꞌ mdyituun yu tiꞌí kanꞌ, ndyaa yu nde seꞌen ndukwin Jesús ꞌin yu chaꞌ tsaa yu.

LOS HECHOS 13:10

kanꞌ chaꞌ ykwiꞌ yu loꞌo yu taꞌá kanꞌ: ―¡Lye ꞌa nñilyoꞌoo ꞌin nten! ―ndukwin Palyu ꞌin yu taꞌá kanꞌ―. ¡Kwiꞌ ngwañaꞌan liyeꞌ ꞌa tiiꞌ ꞌware; nuꞌwin ndukwiin chaꞌ msu ꞌin kuneꞌ xaꞌan lka ba ―ndukwin Palyu ꞌin yu―, loꞌo ja ndaa ꞌa chabiyaꞌ ꞌin nten chaꞌ kuꞌni neꞌ chaꞌ suꞌwe! Kanꞌ chaꞌ ni, kuloǔn tñan ꞌiin chaꞌ ja ska chaꞌ kuxi kuꞌni lyoꞌoo ꞌin nten nu nchka tiꞌ sten chaꞌ ꞌin Ndiose nu nka Xꞌnan ba.

1 CORINTIOS 10:9

Kwiꞌ ngwañaꞌan, ja suꞌwe xtyi lyoꞌoun tian ꞌin Ndiose nu nka Xꞌnaan, chaꞌ kaꞌan ꞌa chaꞌ tlyu tiꞌ ngiꞌni Ni ꞌñaan. Ngwañaꞌan yꞌni neꞌ kanꞌ nu ngwa sꞌni, bra kanꞌ msuꞌwa Ni kunan tlá yaa yjwi iꞌ ꞌin neꞌ kanꞌ.

1 CORINTIOS 3:19

Ni siya nchkwiꞌ nten chalyuu chaꞌ nchka ꞌa ꞌin neꞌ, chaꞌ suꞌwe ꞌa chaꞌ nu ndaꞌan tiye neꞌ, siꞌi ngwañaꞌan nxkeꞌ tiꞌ Ndiose ñaꞌan Ni ꞌin neꞌ; ja suꞌwe siyaꞌ ti chaꞌ nu nchkwiꞌ nten chalyuu, nxkeꞌ tiꞌ Ni. Ndukwa ska chaꞌ lo kityi kula nu nchkwiꞌ chaꞌ: “Ngiꞌni Ndiose chaꞌ xtiyaaꞌ chaꞌ tiya nsuꞌwi ke nten chalyuu, ni siya tiya ꞌa neꞌ, nxkeꞌ tiꞌ neꞌ” ndukwin lo kityi kula kanꞌ.

EFESIOS 4:14

Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.

HEBREOS 4:13

Ja ka xuꞌwi kutsiꞌ ska chaꞌ nu ndaꞌan tiyean, ska chaꞌ nu ndiꞌin ꞌñaan ꞌin Ndiose. Ndiose jlyo tiꞌ nchga chaꞌ kanꞌ. Ñaꞌan Ni nchga nten nu wa ngwiñan Ni, nu wa msuꞌwa Ni lo chalyuu; jlyo tiꞌ Ni nchga chaꞌ nu ndiꞌin ꞌñaan. Ja ska tñan ka kuꞌnian mnan tloo Ndiose, chaꞌ ndiꞌin chaꞌ taan kwenta ꞌin Ndiose chaꞌ ꞌin nchga tñan nu yꞌnian kwenta skaan lo chalyuu, bra nu tsaa tii chalyuu ꞌñaan.