SAN LUCAS 2:28 - Chatino Zona Alta Occidental

²⁸ Bra kanꞌ msñi Simeón ꞌin kuwiꞌ kanꞌ, mdyisnan yꞌni tnun yu ꞌin Ndiose chaꞌ ꞌin kuwiꞌ kanꞌ bra kanꞌ. Nde lka chaꞌ nu ykwiꞌ yu loꞌo Ndiose:

SAN LUCAS 2:28 Iomraidhean Croise

SAN MARCOS 10:16

Kanꞌ msñi Jesús ꞌin nu xuwe kanꞌ, nkwan yu ꞌin neꞌ bra nu mstya yaꞌ yu ke neꞌ.

SAN MARCOS 9:36

Loꞌo msiꞌya Jesús ꞌin ska nu xuwe chaꞌ xituun yu ꞌin nu xuwe kanꞌ tloo neꞌ bra kanꞌ. Laja nu ndukwa skun Jesús ꞌin nu xuwe kanꞌ, ykwiꞌ yu loꞌo neꞌ xiyaꞌ:

SAN LUCAS 1:46

Bra kanꞌ yꞌni tnun Liya ꞌin Ndiose: Tyukwi ti tiyeěn kuꞌni tnuǔn ꞌin Ndiose nu lka Xꞌnaǎn, ndukwin Liya.

SAN LUCAS 1:64

Bra ti ngwa ykwiꞌ Zacarías xiyaꞌ bra kanꞌ, mdyisnan yu yꞌni tnun yu ꞌin Ndiose bra kanꞌ.

SAN LUCAS 1:68

Ndiꞌin chaꞌ kuꞌni tnuan ꞌin Ndiose nu lka Xꞌnaan, nu lka Ndiose ꞌñaan neꞌ Israel, ndukwin yu kula kanꞌ bra kanꞌ. Wa xiyaꞌ mdyisnan Ndiose ykwiꞌ Ni loꞌo neꞌ taꞌaan nu lkaan nten ꞌin Ni. Sa bra ni ngiꞌni Ni tñan chaꞌ kulaa Ni ꞌñaan ꞌin nchga chaꞌ kuxi.

SAN LUCAS 2:20

Bra kanꞌ mdoꞌo neꞌ nu ndiꞌin kwan ꞌin slyaꞌ kanꞌ, ndyaa neꞌ; suꞌwe ꞌa yꞌni tnun neꞌ ꞌin Ndiose chaꞌ ꞌin nchga chaꞌ nu wa ynan neꞌ, chaꞌ ꞌin nchga chaꞌ nu wa naꞌan neꞌ. Chañi chaꞌ wa ngwa chaꞌ kanꞌ, nchga chaꞌ nu ykwiꞌ angajle loꞌo neꞌ kanꞌ.

SAN LUCAS 2:27

Tsan kanꞌ ytsaꞌ Tyiꞌi Ndiose ꞌin yu kula kanꞌ chaꞌ tsaa yu niꞌ lyaa tnun, kanꞌ chaꞌ ndyaa ñi yu seꞌen ndiya laa kanꞌ bra kanꞌ. Ndiꞌin yu niꞌ lyaa bra nu ngala Jesús loꞌo sti loꞌo jyaꞌan yu, ndijyan loꞌo neꞌ ꞌin kuwiꞌ kanꞌ, chaꞌ kuꞌni neꞌ loꞌo yu nchga chaꞌ kula nu ndiꞌin chaꞌ kuꞌni neꞌ niꞌ lyaa.

SAN LUCAS 2:29

Ndiose Xꞌnan ba, wa ndaa chabiyaꞌ chaꞌ kajaǎn suꞌwe ti, ndukwin yu ꞌin Ndiose. Wa mdyii yꞌniǐn tñan nu ndukwiin chaꞌ ka ꞌñaǎn, chaꞌ ngiꞌniǐn tñan ꞌiin, ndukwin yu kula kanꞌ.