SAN LUCAS 2:10 - Chatino Zona Alta Occidental

¹⁰ Ykwiꞌ angajle kanꞌ loꞌo neꞌ: ―Ja kutsen wan ―ndukwin―. Wa ndijyaǎn re chaꞌ katsaǎnꞌ ska chaꞌ nu suꞌwe ꞌa ꞌwan ―ndukwin―. Suꞌwe ꞌa ka tiye nchga nten chunꞌ chaꞌ nu chkwiǐnꞌ loꞌo wan ―ndukwin angajle kanꞌ ꞌin neꞌ kanꞌ―.

SAN LUCAS 2:10 Iomraidhean Croise

SAN MATEO 14:27

Bra ti ykwiꞌ Jesús loꞌo neꞌ: ―¡Kuꞌni tnun tiye wan! ―ndukwin Jesús ꞌin neꞌ―. Naꞌ lkaǎn, ¡ja kutsen ꞌa wan!

SAN MATEO 28:18

Mdiyan Jesús kwiꞌ seꞌen la, ykwiꞌ loꞌo neꞌ bra kanꞌ: ―Wa mda Stiǐn Ndiose nchga chabiyaꞌ ꞌñaǎn chaꞌ lkaǎn ndloo ꞌin nchga nan, ni siya nchga nan nu nsuꞌwi seꞌen ndiꞌin Ni nde niꞌ kwan, ni siya nchga nan nu nsuꞌwi lo chalyuu ―ndukwin Jesús ꞌin neꞌ―.

SAN MATEO 28:5

Ykwiꞌ angajle loꞌo nu kunaꞌan kanꞌ bra kanꞌ: ―Ja kutsen wan ―ndukwin ꞌin nu kunaꞌan―. Jlyo tiǎnꞌ chaꞌ ndaꞌan naan wan ꞌin Jesús nu ngujwi lo wsi.

SAN MARCOS 1:15

―Wa ndiya bra chaꞌ ka Ndiose ndloo niꞌ kasiya ꞌin nten ―ndukwin Jesús―. Ka jyuꞌu tiꞌ wan ꞌin nchga chaꞌ kuxi nu ndiꞌin ꞌwan; kulaa yaꞌ wan chaꞌ kuxi kanꞌ, chaꞌ ka xñi wan chaꞌ suꞌwe ꞌin Ndiose nu kulaa ꞌwan bra kanꞌ.

SAN MARCOS 16:15

―Tsaa wan tyukwi ñaꞌaan lo chalyuu ―ndukwin Jesús ꞌin neꞌ bra kanꞌ―. Katsaꞌ wan chaꞌ ꞌñaǎn ꞌin nchga nten. Chkwiꞌ wan loꞌo nten chaꞌ wa yꞌniǐn tñan lo wsi chaꞌ ka lyaa neꞌ ꞌin nchga chaꞌ kuxi.

SAN LUCAS 1:13

Ykwiꞌ angajle kanꞌ loꞌo yu bra kanꞌ: ―Ja kutseen, Zacarías ―ndukwin―. Wa ynan Ndiose chaꞌ nu tꞌnan ꞌa nchkwiiꞌ loꞌo, kanꞌ chaꞌ kala ska sñiꞌ Sabe nu lka kwilyoꞌoo. Xuwa ka naan yu, ngwañaꞌan xtya wan nin yu.

SAN LUCAS 1:19

―Gabriel naǎn ―ndukwin angajle ꞌin yu bra kanꞌ―. Nduun tiǎn nde seꞌen ndiꞌin Ndiose; kanꞌ lka nu msuꞌwa ꞌñaǎn ndijyaǎn chaꞌ chkwiǐnꞌ loꞌoo, chaꞌ kitsaǎnꞌ chaꞌ suꞌwe re ꞌwan.

SAN LUCAS 1:30

Xiyaꞌ ykwiꞌ angajle kanꞌ loꞌo nu kunaꞌan kuneꞌ kanꞌ bra kanꞌ: ―Liya ―ndukwin―, ja kutseen chaꞌ wa nda Ndiose ska chaꞌ suꞌwe ꞌiin ―ndukwin angajle kanꞌ ꞌin Liya―.

SAN LUCAS 2:11

Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.

SAN LUCAS 24:47

Bra kanꞌ ndiꞌin chaꞌ chkwiꞌ wan chaꞌ ꞌñaǎn loꞌo nten tyukwi ñaꞌaan chalyuu. Nde Jerusalén tyisnan wan katsaꞌ wan chaꞌ kanꞌ ꞌin nten kulo ndukwa la. Ndiꞌin chaꞌ chkwiꞌ wan loꞌo nten chaꞌ ka wjyuꞌu tiꞌ neꞌ ꞌin chaꞌ kuxi nu ndiꞌin ꞌin neꞌ, chaꞌ kulaa yaꞌ neꞌ ꞌin nchga chaꞌ kuxi nu ngiꞌni neꞌ; bra kanꞌ kuꞌni Ndiose chaꞌ tlyu tiꞌ ꞌin nchga kiꞌya nu ndukwi neꞌ.

SAN LUCAS 8:1

Chunꞌ ndiꞌin la, mdoꞌo Jesús ndyaa yu tyun kichen, loꞌo kichen tnun, loꞌo kichen xuwe ti. Ykwiꞌ ꞌa yu chaꞌ suꞌwe ꞌin Ndiose loꞌo neꞌ kichen kanꞌ; ykwiꞌ yu chaꞌ wa ndijyan Ndiose chaꞌ ka Ni ndloo niꞌ kasiya ꞌin nten. Suꞌwa mdaꞌan Jesús loꞌo tii tyukwa neꞌ nu ngiꞌni xaꞌan chaꞌ ꞌin yu.

LOS HECHOS 13:32

’Loꞌo ni, wa mdiyan ba nde re chaꞌ kwaꞌu ba chaꞌ suꞌwe ꞌin Ndiose kanꞌ ꞌwan. Ti sꞌni wa mskanꞌ Ndiose chaꞌ loꞌo ayman kula ꞌñaan, chaꞌ suꞌwa Ni ska nu kan chaꞌ kulaa ꞌñaan,

ROMANOS 10:15

loꞌo ja tukwin ka tsaa ytsaꞌ chaꞌ kanꞌ ꞌin xka ta nten si ja ya kulo Ndiose tñan ꞌin neꞌ chaꞌ tsaa neꞌ. Nde ndiya ska chaꞌ nu nchkwiꞌ kityi kula: “¡Suꞌwe ꞌa nka tiyean bra nu kala nten seꞌen ndiꞌian, chaꞌ chkwiꞌ neꞌ chaꞌ suꞌwe ꞌin Ndiose loꞌoan, chaꞌ kwaꞌu neꞌ ꞌñaan sa ñaꞌan ka nu tiin ti tyiꞌian!” Ngwañaꞌan nchkwiꞌ kityi.

EFESIOS 3:8

ni siya ja suꞌweěn siyaꞌ ti. Suꞌwe la ya ñaꞌan ti nten nu msñi chaꞌ ꞌin Ndiose ti kulo la, nxkeꞌ tiǎnꞌ, loꞌo nda Ni chabiyaꞌ ꞌñaǎn chaꞌ tsaꞌaǎn seꞌen ndiꞌin nten nu ndiꞌin xka laꞌa tsuꞌ. Suꞌwe ꞌa tñan nda Ni ꞌñaǎn, chaꞌ katsaǎnꞌ chaꞌ suꞌwe kanꞌ ꞌin nten, ni siya ti ji ꞌa ka jlyo suꞌwe tiǎnꞌ nchga chaꞌ suꞌwe nu ngiꞌni Krixtu loꞌo nten.

COLOSENSES 1:23

Ñaꞌan ti ndloo ꞌa chaꞌ ꞌwan chaꞌ lye la kanun tsaa chaꞌ ꞌin Krixtu niꞌ kasiya ꞌwan, chaꞌ Krixtu lka seꞌen ndukwa kiyaꞌ nchga chaꞌ kanꞌ. Ja ta wan chabiyaꞌ chaꞌ kwiñi lyoꞌo nten ꞌwan. Si xñi wan chaꞌ nu nchkwiꞌ neꞌ kanꞌ, ja ka ꞌa tyaꞌan chaꞌ tiye wan ꞌin chaꞌ suꞌwe nu kaja ꞌwan nde loo la, ti kwiꞌ chaꞌ nu wa ynan wan ti kulo. Chunꞌ chaꞌ suꞌwe ꞌin Krixtu kanꞌ, kanꞌ chaꞌ ndaꞌan nten tyukwi ñaꞌaan chalyuu nchkwiꞌ neꞌ chaꞌ kanꞌ loꞌo xka ta nten. Loꞌo ngwañaꞌan naꞌ, Palyu, ndaꞌaǎn ꞌaǎn lo tñan kanꞌ.