SAN LUCAS 18:11 - Chatino Zona Alta Occidental

¹¹ Yu fariseo kanꞌ ni, nduun yu jluꞌwe laa, nde ñaꞌan ykwiꞌ yu loꞌo Ndiose bra kanꞌ: “Ndiose” ndukwin, “ngwa xuꞌwe ꞌiin chaꞌ ja ngiꞌniǐn sa ñaꞌan nu ngiꞌni xka la nten; xaꞌan ꞌa ngiꞌni neꞌ, ngiꞌni ꞌa neꞌ kunan, kuxi ꞌa ngiꞌni neꞌ loꞌo kwilyoꞌo xka nten. Naꞌ ni, ja ngiꞌniǐn ngwañaꞌan, ja ngiꞌniǐn sa ñaꞌan ngiꞌni yu kuxi kwa nu kwiñi ti njñan kaꞌan ꞌa tñi chaꞌ ꞌin neꞌ xka laꞌa tsuꞌ nu lka ndloo la” ndukwin yu fariseo kanꞌ ꞌin Ndiose.

SAN LUCAS 18:11 Iomraidhean Croise

SAN MATEO 10:3

loꞌo ngulo suwi yu ꞌin Lpe, loꞌo Bartolomé, loꞌo Toma, loꞌo Mateo nu ngulo tñi ꞌin nten chaꞌ ꞌin neꞌ xka laꞌa tsuꞌ ti kulo; loꞌo ngulo suwi yu ꞌin Santiago sñiꞌ Alfeo, loꞌo Tadeo;

SAN MATEO 5:20

Nde ndiya chaꞌ nu chkwiǐnꞌ loꞌo wan ni: Chaꞌ kaja chalyuu nu ja tsaa tii ꞌa ꞌwan, ndiꞌin chaꞌ ka suꞌwe la tñan nu kuꞌni wan, siꞌi sa ñaꞌan nu ngiꞌni neꞌ kti kwa, neꞌ fariseo kwa loꞌo mstru nu nduꞌu chaꞌ joꞌo kwa.

SAN MATEO 6:5

’Xka chaꞌ ni: Bra nu chkwiꞌ wan loꞌo Ndiose, ja kuꞌni wan sa ñaꞌan nu ngiꞌni nten nu tukwa chaꞌ nsuꞌwi tiye. Nduun neꞌ kwiñi kanꞌ seꞌen ndiꞌin nten niꞌ lyaa ꞌin neꞌ judío taꞌaan, chaꞌ nchka tiꞌ neꞌ chkwiꞌ neꞌ loꞌo Ndiose bra nu ñaꞌan nten ꞌin neꞌ; ti kwiꞌ ti chaꞌ, nduun neꞌ jluꞌwe tuwiin chaꞌ chkwiꞌ neꞌ loꞌo Ndiose. Chañi chaꞌ nchkwiǐnꞌ loꞌo wan: Nchga chaꞌ suꞌwe nu kaja ꞌin neꞌ kanꞌ nde loo la seꞌen ndiꞌin Ndiose, wa lka mjwi chaꞌ kanꞌ ꞌin neꞌ lo chalyuu ni, chaꞌ wa naꞌan nten chalyuu ꞌin neꞌ.

SAN MARCOS 11:25

Nchga yaꞌ nu nduun wan chaꞌ chkwiꞌ wan loꞌo Ndiose, ndiꞌin chaꞌ kuꞌni wan chaꞌ tlyu tiꞌ ꞌin taꞌa nten wan, bra nu ndiya ska chaꞌ nu msuꞌwa neꞌ chaꞌ msinꞌ tiꞌ wan. Bra kanꞌ Ndiose Sti wan nu ndukwa nde niꞌ kwan, kwiꞌ nu kuꞌni chaꞌ tlyu tiꞌ ꞌwan ꞌin chaꞌ kuxi nu ndiꞌin ꞌwan.

SAN LUCAS 20:47

Loꞌo ndlaa neꞌ kanꞌ naꞌan tyi nu kunaꞌan nu nganun ska ti. Nñilyoꞌo ti neꞌ kanꞌ ꞌin nten chaꞌ nten suꞌwe lka neꞌ kanꞌ; kanꞌ chaꞌ kaꞌan ꞌa chaꞌ joꞌo nchkwiꞌ neꞌ, chan ꞌa nchkwiꞌ neꞌ loꞌo Ndiose bra kanꞌ. Chaꞌ nu tukwa chaꞌ nsuꞌwi tiye neꞌ kanꞌ, kanꞌ chaꞌ kaꞌan la nu tiꞌí tyijin neꞌ bra kanꞌ.

SAN LUCAS 22:41

Bra kanꞌ mdoꞌo tsuꞌ Jesús nde seꞌen ndiꞌin neꞌ sa ñaꞌan yaꞌ nu tiya ska kee kuun neꞌ, la kanꞌ mduun xtyinꞌ Jesús chaꞌ chkwiꞌ yu loꞌo Ndiose.

GÁLATAS 3:10

Nchga nten nu nchka tiꞌ chaꞌ ska ti chunꞌ ndukwa ñi neꞌ nchga lee kula nu ngwaꞌan ayman Moisés ka suꞌwe neꞌ tloo Ndiose, kanun yuweꞌ chunꞌ nten kanꞌ, chaꞌ nde lka chaꞌ nu nchkwiꞌ kityi ꞌin Ndiose: “Kanun yuweꞌ chunꞌ nchga nten nu ja kuꞌni ñi nchga chaꞌ nu ndukwa lo kityi kanꞌ.”

FILIPENSES 3:6

chunꞌ chaꞌ nu yaa ñaꞌan ꞌa tiǎnꞌ ꞌin chaꞌ kula kanꞌ, kanꞌ chaꞌ lye ꞌa mdaǎn nu tiꞌí ꞌin ya ñaꞌan ti nten nu msñi chaꞌ ꞌin Jesucristo, yꞌniǐn liyeꞌ ꞌa tiǎnꞌ ꞌin neꞌ kanꞌ. Loꞌo ngwañaꞌan, ja ndiꞌin ꞌa kiꞌya ꞌñaǎn loꞌo neꞌ judío chaꞌ ꞌin chaꞌ kula kanꞌ, chaꞌ mdukwaǎn ꞌaǎn nchga chaꞌ kula kanꞌ; ti sꞌni wa ngwa luwi kasiya ꞌñaǎn, si chañi chaꞌ ka suꞌwe kasiya ꞌñaan chaꞌ ꞌin Ndiose ngwañaꞌan ti.

EL APOCALIPSIS 3:17

Kaꞌan ꞌa chaꞌ ndiꞌin ꞌwa, ndukwin wan. Suꞌwe ꞌa seꞌen ndiꞌin ba mjwi ꞌwa, kanꞌ chaꞌ ja ska nan lyiji ꞌwa, ndukwin wan. Loꞌo ja ndiꞌya wan kwenta chaꞌ tꞌnan ꞌa wan chaꞌ ꞌñaǎn. Suꞌwe la si ka jyuꞌu tiꞌ wan, nka tiyeěn, chaꞌ ja ska chaꞌ ndiꞌin ꞌwan siyaꞌ ti. Jlyo tiǎnꞌ chaꞌ ndiꞌin ꞌa chaꞌ nu lyiji ꞌwan, kanꞌ chaꞌ ja nchka tyaꞌan suꞌwe chaꞌ tiye wan siyaꞌ ti.