SAN LUCAS 17:30 - Chatino Zona Alta Occidental

³⁰ Ngwañaꞌan ka tsan kanꞌ bra nu ñaꞌan neꞌ ꞌñaǎn ndyaǎn xiyaꞌ, naꞌ nu wa mdiyaǎn ska yaꞌ chaꞌ kaǎn nten; ja ka biyaꞌ tiꞌ neꞌ ni tsan ka kanꞌ.

SAN LUCAS 17:30 Iomraidhean Croise

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

SAN MATEO 24:3

Loꞌo kanꞌ ndyaa neꞌ lo kiꞌya nu naan Olivos bra kanꞌ. Nde kwa ndyaa tukwa Jesús. Mnan ti ykwiꞌ neꞌ nu ngiꞌni xaꞌan chaꞌ ꞌin yu loꞌo yu bra kanꞌ, mnichaꞌ neꞌ ꞌin yu: ―Katsaaꞌ ꞌwa, ¿ni ñaꞌan bra ka chaꞌ kuxi kanꞌ ꞌin laa tnun re? Kwiꞌ ngwañaꞌan, ¿ni sa ñaꞌan ka chaꞌ bra nu tyaan xiyaꞌ, xa nu tyii chalyuu? ―ndukwin neꞌ kanꞌ ꞌin yu.

SAN MATEO 24:37

’Sa ñaꞌan ngwa bra nu mdiꞌin ayman Noé chalyuu ti sꞌni, ngwañaꞌan ka tsan nu kaǎn naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten; ja ka biyaꞌ tiꞌ nten ni tsan ka chaꞌ kanꞌ.

SAN MATEO 24:39

Ja mgii ꞌa tiꞌ neꞌ bra nu mdyisnan ngwiꞌya tyoo tlyaa. Loꞌo mdyii chaꞌ ꞌin nchga neꞌ kanꞌ, chaꞌ ja ynan neꞌ chaꞌ nu ykwiꞌ Ndiose. Kwiꞌ ngwañaꞌan ka tsan nu kaǎn naꞌ nu wa msuꞌwa Ndiose ꞌñaǎn chaꞌ ndijyaǎn chaꞌ kaǎn nten, ja kii ꞌa tiꞌ neꞌ ni tsan ka kanꞌ.

SAN MATEO 26:64

―Kwiǐnꞌ lkaǎn, sa ñaꞌan nu ndukwiin chaꞌ lkaǎn ―ndukwin Jesús bra kanꞌ―. Loꞌo xka chaꞌ katsaǎnꞌ ꞌwan ni, chaꞌ nde loo la ñaꞌan wan ꞌñaǎn xa nu tyukwaǎn laꞌa seꞌen kwin seꞌen ndukwa Stiǐn Ndiose, nu nchka ꞌin nchga tñan, naꞌ nu wa msuꞌwa Ni ꞌñaǎn ndijyaǎn chaꞌ kaǎn nten. Loꞌo ñaꞌan wan xa nu kaǎn xiyaꞌ laja ko bra kanꞌ.

SAN MARCOS 13:26

Loꞌo naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten ni, ñaꞌan nten ꞌñaǎn, chaꞌ tyaǎn xiyaꞌ laja koo nu nduwi ꞌa. Lye chinꞌ ñaꞌan ka bra kanꞌ, chaꞌ loꞌo nchga jwersa ꞌñaǎn tyaǎn.

SAN LUCAS 17:24

Suꞌwa ñaꞌan nchka tiꞌ bra nu ndyuwi tyukwi ñaꞌaan niꞌ kwan, ngwañaꞌan ka ꞌñaǎn bra nu tiya tsan chaꞌ ñaꞌan neꞌ ꞌñaǎn ndyaǎn xiyaꞌ, naꞌ nu wa mdiyaǎn chaꞌ lkaǎn nten.

SAN LUCAS 17:29

sa ñaꞌan bra nu ngulo Ndiose ꞌin Lot kanꞌ nde kichen Sodoma kanꞌ. Bra kanꞌ mslu Ndiose kiiꞌ loꞌo kata sufri nchkin lo yuu. Mdyii chaꞌ ꞌin nchga neꞌ Sodoma kanꞌ; taꞌa suꞌwa Lot ni, ngujwi nchga neꞌ.

SAN LUCAS 21:22

Tsan nu tyijin wan nu tiꞌí ka tsan kanꞌ, kwiꞌ tsan kanꞌ tyoꞌo tukwa nchga chaꞌ nu ndukwa lo kityi kula chaꞌ ka.

SAN LUCAS 21:27

Bra kanꞌ ñaꞌan neꞌ ꞌñaǎn ykwiǐnꞌ, chaꞌ wa msuꞌwa Ndiose ꞌñaǎn ndijyaǎn chaꞌ kaǎn nten, ñaꞌan neꞌ ꞌñaǎn bra nu kaǎn xiyaꞌ laja koo nu luwi ꞌa. Tlyu ꞌa chabiyaꞌ kaja ꞌñaǎn bra nu kaǎn bra kanꞌ; kwiꞌ ngwañaꞌan, lye ꞌa xuꞌwi xaa seꞌen kaǎn bra kanꞌ, chaꞌ kaǎn ndloo la.

1 CORINTIOS 1:7

Ja ska chaꞌ lyiji niꞌ kasiya ꞌwan sikwa; nchga tñan nchka ꞌwan ni, bra nu ndiꞌin ta ꞌa wan ñaꞌan bra nu kan Jesucristo nu nka Xꞌnaan xiyaꞌ.

1 CORINTIOS 1:8

Ti kwiꞌ Jesús lka nu kuꞌni chaꞌ kanun tsaa chaꞌ ꞌin Ndiose niꞌ kasiya ꞌwan sa bra nu tyii chalyuu ꞌwan. Kanꞌ chaꞌ ja kaja ꞌa kiꞌya nu xtya Ndiose ꞌwan xa nu kan Jesucristo nu nka Xꞌnaan chaꞌ kuꞌni biyaꞌ Ni ꞌin nten chalyuu.

COLOSENSES 3:4

Xka chalyuu kwi nu mjwi ꞌwan chunꞌ Krixtu ni, kanꞌ lka chaꞌ nu ndloo la ꞌwan. Suꞌwa ti tyituun wan loꞌo Krixtu tsan kanꞌ, bra nu tyoꞌo tukwa Ni tyaan Ni xiyaꞌ; bra kanꞌ ka suꞌwa chaꞌ ꞌwan loꞌo Krixtu bra nu ka tlyu la chaꞌ ꞌin Ni, nde seꞌen ndiꞌin Ndiose Sti Ni.

2 TESALONICENSES 1:7

Bra kanꞌ, loꞌo ꞌwan loꞌo bare tyii nu tiꞌí ꞌñaan bra nu tyoꞌo tukwa Jesús nu nka Xꞌnaan nde niꞌ kwan. Kan Jesús loꞌo xaa nu tnun bra kanꞌ; suꞌwa ti kan Ni loꞌo kaꞌan ꞌa nten ꞌin Ni, chaꞌ tnun ꞌa tñan ngiꞌni angajle kanꞌ chabiyaꞌ ꞌin Ndiose.

1 SAN PEDRO 1:13

Kanꞌ chaꞌ kuwe chinꞌ tiꞌ wan, chaꞌ tiya ti tiꞌ wan tyiꞌin wan lo chalyuu, chaꞌ nchga tsan tyiꞌin ta wan ꞌin chaꞌ suꞌwe tnun nu kuꞌni Ni loꞌo wan bra nu kulaa ji Ni ꞌwan; ngwañaꞌan ka bra nu tyoꞌo tukwa Jesucristo tyaan Ni xiyaꞌ.

1 SAN PEDRO 1:7

Ndijin wan nu tiꞌí ngwañaꞌan, chunꞌ chaꞌ nu ñaꞌan biyaꞌ Ni ꞌwan, si chañi chaꞌ msñi wan chaꞌ ꞌin Ni. Jlyo tiꞌ wan chaꞌ kaꞌan ꞌa ndyuꞌwi lyo chkwan oro; ñaꞌan biyaꞌ nten ꞌin oro lo kiiꞌ chaꞌ kala ran, chaꞌ ñaꞌan neꞌ si chañi chaꞌ xkwiꞌ oro lka ran. Nde loo la wñuꞌun chkwan oro, tyii chaꞌ ꞌin ran, ni siya kaꞌan ꞌa tñan yꞌni neꞌ chaꞌ tyuwi ran ti kulo. Loꞌo chaꞌ nu ꞌin Jesús nu wa msñi wan ni, ndloo la chaꞌ kanꞌ chaꞌ ꞌin Ndiose. Ni siya kaꞌan ꞌa chkwan oro kaja ꞌñaan, ja suꞌwa ran siyaꞌ ti loꞌo ykwiꞌ Jesús. Xa wa mdyii ndalo wan ꞌin nchga chaꞌ tiꞌí nu ndijin wan, chaꞌ msñi wan chaꞌ ꞌin Ni, bra kanꞌ tnun ꞌa chaꞌ suꞌwe nu kaja ꞌwan bra nu tyoꞌo tukwa Jesucristo tyaan Ni xiyaꞌ; ta Ni ska seꞌen suꞌwe seꞌen tyiꞌin wan loꞌo Ndiose Sti Ni, laja xaa nu luwi ꞌa nde seꞌen ndiꞌin Ni.

1 SAN PEDRO 4:13

Tyaa yuꞌwi tiꞌ wan sa ñaꞌan nu tiꞌí tiꞌ nten ꞌin Krixtu, loꞌo bra kanꞌ ka suꞌwe tiye wan chaꞌ ngwañaꞌan tiꞌí tiꞌ nten ꞌwan ni. Tnun ꞌa nchka Krixtu kwenta ꞌin Ndiose, loꞌo lye ꞌa xuꞌwi xaa ꞌin Ni bra nu kan Krixtu xiyaꞌ chunꞌ ndiꞌin la; bra kanꞌ ka suꞌwe la tiye wan.

1 SAN JUAN 2:28

ꞌWan sñiěnꞌ, xñi suꞌwe wan chaꞌ ꞌin Jesucristo ni. Loꞌo bra kanꞌ, xa nu kan Jesucristo lo chalyuu xiyaꞌ, ja ndiꞌin chaꞌ ka jyuꞌu tianꞌ bra nu ñaꞌaan ꞌin Ni chaꞌ ndijyan Ni; tyukwi ti tiyean tyukwa taꞌaan loꞌo Ni bra kanꞌ.

1 SAN JUAN 3:2

ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.

EL APOCALIPSIS 1:7

¡Xñi wan kwenta! Ti tyaan Jesucristo lo chalyuu re xiyaꞌ ska lo koo ngaten. Ñaꞌan nchga nten ꞌin Ni bra kanꞌ; loꞌo nten nu tiꞌí ꞌa tiꞌ ꞌin Ni xa nu yan Ni lo chalyuu, loꞌo nten nu yojoꞌ chkwan cha yaꞌ Ni siꞌ Ni, loꞌo neꞌ kanꞌ ñaꞌan neꞌ ꞌin Ni xiyaꞌ bra kanꞌ. Loꞌo lye ꞌa xiꞌya yija nten tyukwi ñaꞌaan chalyuu chaꞌ xiꞌin tiꞌ neꞌ bra nu tyaan Jesús xiyaꞌ, chaꞌ wa jlyo tiꞌ neꞌ chaꞌ ndukwi neꞌ kiꞌya. Kwiꞌ ngwañaꞌan ka chaꞌ kanꞌ sikwa.