SAN LUCAS 16:8 - Chatino Zona Alta Occidental

⁸ Chunꞌ ndiꞌin la ngwa biyaꞌ tiꞌ ykwiꞌ xꞌnan yu sa ñaꞌan tñan nu yꞌni yu. “Sa ꞌa yꞌni msu nu ndlo tñan kanꞌ ꞌñaǎn bra nu yꞌni yu tñan” ndukwin yu kula kuliyaꞌ kanꞌ. Ti nchkwiꞌ la Jesús loꞌo neꞌ kanꞌ bra kanꞌ: ―Loꞌo ꞌwan ni, nu nchka ꞌa tiꞌ wan tukwa wan nchga chaꞌ nu nchkwiꞌ Ndiose ―ndukwin― ka kuꞌni xaꞌan wan chinꞌ chaꞌ bra nu ñaꞌan wan sa ñaꞌan nu ngiꞌni xka ta nten chalyuu loꞌo taꞌa neꞌ, ni siya kuxi ti tiye neꞌ.

SAN LUCAS 16:8 Iomraidhean Croise

SAN MATEO 12:32

Kuꞌni Ndiose chaꞌ tlyu tiꞌ ꞌin nten nu nchkwiꞌ chaꞌ kuxi ꞌñaǎn nu wa msuꞌwa Ndiose ꞌñaǎn ndijyaǎn chaꞌ kaǎn nten; siyaꞌ ti bra nu chkwiꞌ neꞌ chaꞌ kuxi ꞌin tñan nu ngiꞌni Tyiꞌi Ndiose, kanꞌ ja kuꞌni Ndiose chaꞌ tlyu tiꞌ ꞌin neꞌ kanꞌ nchga tsan nu tyiꞌin neꞌ lo chalyuu, nchga bra nde loo la bra kanꞌ.

SAN MATEO 17:26

―Ndlo neꞌ kanꞌ tñi ꞌin xka ta nten, ja ndlo neꞌ ran ꞌin sñiꞌ neꞌ ―ndukwin Tyu bra kanꞌ. ―Chañi chaꞌ ꞌiin. Ja loꞌo sñiꞌ neꞌ nda liyaꞌ ꞌin chaꞌ kanꞌ sikwa ―ndukwin Jesús ꞌin Tyu―.

SAN LUCAS 16:10

’Nten nu suꞌwe ꞌa yꞌni ji ska tñan xuwe ti, ngwañaꞌan suꞌwe kuꞌni neꞌ ska tñan nu wa tlyu la; loꞌo nten nu kwiñi lyoꞌo ꞌin xꞌnan, laja nu ngiꞌni neꞌ ska tñan xuwe ti, ja chan ja ka kuꞌni neꞌ ska tñan nu wa tlyu la.

SAN LUCAS 16:4

Kanꞌ chaꞌ ni, wa jlyo tiǎnꞌ sa ñaꞌan nu kuꞌniǐn chaꞌ kaja seꞌen tyiꞌiǐn naꞌan tyi nten, si ja ta ꞌa xꞌnaǎn tñan nu kuꞌniǐn.” Kanꞌ lka chaꞌ nu mdaꞌan chaꞌ tiye msu kanꞌ, loꞌo kuxi ti tiye yu.

SAN LUCAS 16:7

Bra kanꞌ mnichaꞌ yu ꞌin xka yu: “Nuꞌwin ni, ¿ni lkwa nan ndukwii ꞌin xꞌnaǎn a?” “Ska siyentu kwijin nskwaꞌ trigu” ndukwin yu kanꞌ bra kanꞌ. “Jaan” ndukwin yu, “nde ndiya kityi seꞌen nu ndukwa kwenta ꞌiin” ndukwin msu kanꞌ. “Tyukwaa chinꞌ nde re chaꞌ kuꞌnii xka kityi nu ndukwin chaꞌ jakwa yla ti kwijin, sa kanꞌ ti ndukwii ꞌin yu kula kanꞌ.”

SAN LUCAS 18:6

Ti nchkwiꞌ la Jesús loꞌo neꞌ bra kanꞌ: ―Ngwañaꞌan ykwiꞌ wse xaꞌan kanꞌ, bra kanꞌ mdayaꞌ yu ꞌin nu kunaꞌan kanꞌ, ni siya ja suꞌwe nka tiye yu ―ndukwin Jesús ꞌin neꞌ―.

SAN LUCAS 20:34

Bra kanꞌ mxkwen Jesús ꞌin neꞌ kanꞌ: ―Lo chalyuu re, xkwiꞌ nan kaja kwilyoꞌo yu kiꞌyu loꞌo neꞌ kunaꞌan.

SAN LUCAS 20:35

Bra kanꞌ nten nu kaja xka chalyuu kwi nu ja tsaa tii ꞌa ꞌin neꞌ seꞌen ndiꞌin Ndiose, bra nu tyuꞌu neꞌ kanꞌ xiyaꞌ, ja kaja ꞌa kwilyoꞌo neꞌ; ti kwiꞌ ti chaꞌ, ja ta ꞌa neꞌ ꞌin sñiꞌ neꞌ chaꞌ ka kwilyoꞌo,

SAN JUAN 12:36

Loꞌo ꞌwan ―ndukwin Jesús ꞌin neꞌ―, suꞌwe la sten wan chaꞌ ꞌñaǎn laja nu ti ndiꞌiǐn lo chalyuu, naꞌ nu taǎn xaa nu xuꞌwi niꞌ kasiya ꞌwan, nten chalyuu. Loꞌo tyukwi ti tiye wan ka wan nten ꞌin Ndiose bra kanꞌ. Mdyii ykwiꞌ Jesús ngwañaꞌan loꞌo neꞌ, mdoꞌo yu ndyaa yu ska seꞌen nu ja tyija lyo yu ꞌin neꞌ bra kanꞌ.

1 CORINTIOS 3:18

Wa msñian chaꞌ ꞌin Krixtu ni, kanꞌ chaꞌ suꞌwe la si ja chkwianꞌ chaꞌ nsuꞌwi ꞌa chaꞌ tiya ꞌñaan, ti ykwiinꞌ tian, sa ñaꞌan ngiꞌni nten chalyuu nu tiya ꞌa. Ja suꞌwe si tyaꞌan chaꞌ tiyean ngwañaꞌan. Ndiꞌin chaꞌ tyaꞌan chaꞌ tiyean chaꞌ ja nsuꞌwi chaꞌ tiya ꞌñaan siyaꞌ ti, loꞌo kanꞌ ka kuꞌni Ndiose chaꞌ kiꞌya ska chaꞌ nu ñi kean.

EFESIOS 5:8

Nu ngwa sꞌni, siyaꞌ ti tla chalyuu ꞌwan; loꞌo ni, wa ndiya xka chalyuu ꞌwan, ti bra nu msñi wan chaꞌ ꞌin Xꞌnaan Jesús. Sa ñaꞌan ngiꞌni nten nu ndiꞌin lo xaa ꞌin Krixtu, ngwañaꞌan ndiꞌin chaꞌ kuꞌni wan seꞌen ndiꞌin wan lo chalyuu ni.

FILIPENSES 3:19

Ndiꞌin chaꞌ tyaa neꞌ kanꞌ la chalyuu tla bra nu kaja neꞌ, chaꞌ nsuꞌwi ska ndiose kwiñi ꞌin neꞌ kanꞌ; nchga nan nu nxitukwi ꞌa tiꞌ neꞌ chaꞌ kaja ꞌin neꞌ lo chalyuu, kanꞌ lka ndiose ꞌin neꞌ kanꞌ. Loꞌo ngwañaꞌan, siyeꞌ ꞌa ngiꞌni neꞌ loꞌo taꞌa neꞌ, ni siya ndiꞌin chaꞌ ka jyuꞌu ꞌa tiꞌ neꞌ; xkwiꞌ nsuꞌwi tiye neꞌ ꞌin nchga nan nu nsuꞌwi lo chalyuu.

1 TESALONICENSES 5:5

Wa nsuꞌwi xaa nu nda Ndiose niꞌ kasiya ꞌwan; kanꞌ chaꞌ ndiꞌin wan seꞌen ndiꞌin xaa, loꞌo luwi kasiya ꞌwan. Ja ndiꞌian seꞌen tla, loꞌo ja mnaꞌ kasiya ꞌñaan siꞌya chaꞌ kuxi.

1 SAN PEDRO 2:9

ꞌWan ni, wa ngulo suwi Ndiose ꞌwan chaꞌ ka wan ska ta nten nu ngiꞌni tnun ꞌin Ni. Lka wan ñaꞌan tiꞌ ska ta sti joꞌo nu chaꞌ ꞌin Ndiose nu nka ndloo siyaꞌ ti; ñaꞌan tiꞌ ska ta nten luwi, ngwañaꞌan lka wan, chaꞌ ka kuꞌni tnun wan ꞌin Ndiose nchga tsan. Nchkwiꞌ Ni loꞌo wan: “Nten ꞌñaǎn lka wan” ndukwin Ni. Kanꞌ chaꞌ nchka ꞌa tiꞌ Ni chaꞌ chkwiꞌ wan loꞌo nchga nten nchga chaꞌ suꞌwe nu ngiꞌni Ndiose loꞌo wan; wa ngulaa Ni ꞌwan ꞌin chalyuu kuxi seꞌen tla ꞌa, chaꞌ kaja chalyuu kwi ꞌwan nu xaa ꞌa chaꞌ ꞌin Ndiose.

1 SAN JUAN 3:10

Kanꞌ chaꞌ nchka biyaꞌ tiꞌ wan ni, sa ñaꞌan nu lka sñiꞌ Ndiose; kwiꞌ ngwañaꞌan nchka biyaꞌ tiꞌ wan sa ñaꞌan ngiꞌni nten nu lka sñiꞌ kuneꞌ xaꞌan. Siꞌi sñiꞌ Ndiose lka nten nu ngiꞌni chaꞌ kuxi nchga tsan, loꞌo siꞌi sñiꞌ Ndiose lka nten nu ja suꞌwe nka tiye ñaꞌan ꞌin taꞌa nten.