SAN LUCAS 15:3 - Chatino Zona Alta Occidental

³ Bra kanꞌ ngwaꞌu Jesús chaꞌ tiya re ꞌin neꞌ:

SAN LUCAS 15:3 Iomraidhean Croise

SAN MATEO 10:6

Ska ti seꞌen ndiꞌin neꞌ Israel taꞌa kichen tyi wan tsaa wan, chaꞌ tꞌnan ꞌa neꞌ kanꞌ; sa ñaꞌan ngiꞌni slyaꞌ nu wa mnaꞌ, ngwañaꞌan ngiꞌni neꞌ kanꞌ.

SAN MATEO 13:3

Kanꞌ nguaꞌu Jesús tyun chaꞌ tiya ꞌin neꞌ, chaꞌ kuꞌni xaꞌan la neꞌ chaꞌ ꞌin Ndiose. Nde ndiya chaꞌ nu ykwiꞌ yu: ―Ngwa ska tsan ndyaa ska nten kata mta trigu ―ndukwin Jesús―.

SAN MATEO 9:13

Yaa lya wan kunan suꞌwe wan chaꞌ re nu ngwaꞌan ayman lo kityi sꞌni: “Nchka la tiǎnꞌ chaꞌ chka tꞌnan tiꞌ wan ꞌin taꞌa nten wan, ndukwin Ndiose. Kanꞌ nu suꞌwe la, ni siya ja ta wan kaꞌan ꞌa lomstan ꞌñaǎn; kwiꞌ ngwañaꞌan, ja ndiꞌin chaꞌ ta wan ꞌni skunꞌ wan chaꞌ ka lomstan ꞌñaǎn.” Ngwañaꞌan ndukwa chaꞌ lo kityi. Loꞌo naꞌ ni, ja ndijyaǎn lo chalyuu chaꞌ chkwiǐnꞌ loꞌo nten nu suꞌwe ꞌa ti ykwiꞌ ti, nxkeꞌ tiꞌ neꞌ; wa ndijyaǎn lo chalyuu chaꞌ chkwiǐnꞌ loꞌo nten nu jlyo tiꞌ chaꞌ ndiya chaꞌ kuxi tiye neꞌ, chaꞌ ka jyuꞌu tiꞌ neꞌ bra kanꞌ. Kulaa yaꞌ neꞌ chaꞌ kuxi kanꞌ bra kanꞌ.

SAN LUCAS 15:2

Kanꞌ chaꞌ mdyisnan neꞌ fariseo, loꞌo mstru nu nduꞌu chaꞌ joꞌo, mxichaꞌ neꞌ ꞌin Jesús: ―Ndiya tiꞌ yu re ka suꞌwa chaꞌ ꞌin yu loꞌo neꞌ kwa nu ngiꞌni ꞌa chaꞌ kuxi. Suꞌwa ti nchku yu tyaja loꞌo neꞌ kuxi kwa ―ndukwin neꞌ kanꞌ.

SAN LUCAS 15:4

―ꞌWan ni, si ndiya ska siyentu slyaꞌ ꞌwan, loꞌo kanaꞌ ska iꞌ ꞌwan bra kanꞌ ―ndukwin Jesús―, ¿ta ja xnun tiꞌin wan ꞌin kaꞌan la slyaꞌ kanꞌ, chaꞌ kanun iꞌ seꞌen suꞌwe ndiꞌin iꞌ niꞌ kixinꞌ kanꞌ a? Xnun wan ꞌin iꞌ chañi, chaꞌ nu tsaa naan wan ꞌin nu mnaꞌ kanꞌ ꞌwan sa ñaꞌan yaꞌ nu tyija iꞌ ꞌwan.

SAN JUAN 21:16

Loꞌo ykwiꞌ Jesús loꞌo yu xiyaꞌ bra kanꞌ: ―Simón, sñiꞌ Jona ―ndukwin―, ¿ta chañi ꞌiin chaꞌ suꞌwe nsuꞌwi tiyee ñaꞌan ꞌñaǎn a? ―Xꞌnaǎn, wa jlyo tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin ―ndukwin Tyu ꞌin Jesús. ―Ñaꞌansiin ꞌin nten ꞌñaǎn sikwa, ñaꞌan tiꞌ si ñaꞌansiin ꞌin slyaꞌ ꞌñaǎn ―ndukwin Jesús ꞌin yu bra kanꞌ.

LOS HECHOS 21:20

Bra wa ynan neꞌ chaꞌ kanꞌ, yꞌni tnun neꞌ ꞌin Ndiose bra kanꞌ. Kanꞌ ykwiꞌ neꞌ loꞌo Palyu: ―Suꞌwe ꞌa sikwa ―ndukwin neꞌ ꞌin yu―. Loꞌo ni, jlyo tiiꞌ chaꞌ wa ndiya tyun mi neꞌ judío taꞌaan nu wa msñi chaꞌ ꞌin Jesús ti ngwa sꞌni la. Ndukwin neꞌ kanꞌ chaꞌ nchgaan ndiꞌin chaꞌ tukwaan nchga chaꞌ kula nu wa mdatsaa ayman Moisés ꞌñaan nu ngwa sꞌni chaꞌ kuꞌnian ―ndukwin neꞌ―.