SAN LUCAS 15:18 - Chatino Zona Alta Occidental

¹⁸ Suꞌwe la tyaꞌaǎn nde naꞌan tyi stiǐn chaꞌ chkwiǐnꞌ loꞌo: Stiǐn, chkwiǐnꞌ loꞌo yu, wa kaꞌan ꞌa kiꞌya ndukwiǐn chaꞌ ꞌin Ndiose loꞌo chaꞌ ꞌiin, chaꞌ mdaꞌaǎn yuꞌwiǐn tiǎn.

SAN LUCAS 15:18 Iomraidhean Croise

SAN MATEO 3:6

Mdukwatya Xuwa ꞌin neꞌ kanꞌ lo tyiꞌa chku Jordán bra kanꞌ, mdukwatya yu ꞌin nchga nten nu nchkwiꞌ chaꞌ ngwa jyuꞌu tiꞌ ꞌin chaꞌ kuxi nu ngiꞌni.

SAN MATEO 6:14

’Bra nu kuꞌni wan chaꞌ tlyu tiꞌ ꞌin xka la nten nu wa yꞌni chaꞌ kuxi loꞌo wan, loꞌo Stian nu ndiꞌin nde niꞌ kwan, kuꞌni Ni chaꞌ tlyu tiꞌ ꞌwan bra kanꞌ;

SAN MATEO 6:9

Nde lka sa ñaꞌan nu suꞌwe la chkwiꞌ wan loꞌo Ndiose sikwa: Ndiose Sti ba nu ndiꞌin nde niꞌ kwan, ska ti nuꞌwin ngiꞌni tnun nten chalyuu ꞌiin.

SAN MATEO 7:11

Kanꞌ chaꞌ sikwa, chaꞌ nu jlyo tiꞌ wan sa ñaꞌan ta wan nan suꞌwe ꞌin sñiꞌ wan, ni siya xaꞌan tiye wan, kwiꞌ ngwañaꞌan jlyo la tiꞌ Stian Ndiose nu ndiꞌin nde niꞌ kwan sa ñaꞌan nu ta Ni nan suꞌwe ꞌin nten nu njñan ska chaꞌ ꞌin Ni.

SAN LUCAS 11:2

Bra kanꞌ ngwaꞌu Jesús ꞌin neꞌ: ―Bra nu chkwiꞌ wan loꞌo Ndiose, nde ñaꞌan chkwiꞌ wan: Ndiose Sti ba nu ndiꞌin nde niꞌ kwan, ska ti nuꞌwin ngiꞌni tnun nten chalyuu ꞌiin. Kaan lo chalyuu re chaꞌ ka ndloo la ꞌwa. Nchka tiꞌ ba chaꞌ ka nchga chaꞌ nu nchka tiiꞌ chaꞌ ka lo chalyuu re, sa ñaꞌan nu nchka nde niꞌ kwan seꞌen ndiꞌiin.

SAN LUCAS 15:17

Chunꞌ ndiꞌin la nduwe suꞌwe tiꞌ yu: “¿Ni a? ¿Ni lkwa msu ndiꞌin naꞌan tyi stiǐn ngiꞌni tñan a? ¡Loꞌo ja ndyiji jwiꞌñan neꞌ kanꞌ, ti nganun la nan nchku neꞌ kanꞌ! ¡Loꞌo naꞌ ni, nde re ndiꞌiǐn ndijiǐn jwiꞌñan chaꞌ ja ndyiji nan kuǔn siyaꞌ ti!

SAN LUCAS 15:19

Ja ndiꞌin ꞌa chaꞌ chkwiiꞌ chaꞌ sñiiꞌ lkaǎn; sa ñaꞌan nu ngiꞌnii loꞌo msu ꞌiin, kwiꞌ ngwañaꞌan kuꞌnii loꞌoǔn ni.” Ngwañaꞌan mdaꞌan chaꞌ tiye yu chaꞌ chkwiꞌ yu loꞌo sti yu.

SAN LUCAS 15:21

Bra kanꞌ ykwiꞌ yu loꞌo sti yu: “Stiǐn” ndukwin yu, “wa kaꞌan ꞌa kiꞌya ndukwiǐn chaꞌ ꞌin Ndiose loꞌo chaꞌ ꞌiin. Ja ndiꞌin ꞌa chaꞌ chkwiiꞌ loꞌoǔn chaꞌ lkaǎn sñiiꞌ.”

SAN LUCAS 18:13

Loꞌo yu kiꞌyu nu njñan tñi chaꞌ ꞌin neꞌ xka laꞌa tsuꞌ ni, tijyuꞌ ti mdyituun yu; ja ngwa tiye yu chaꞌ skwen kiloo yu chinꞌ, chaꞌ xiꞌin ꞌa tiꞌ yu mduun yu mjiꞌin ti yu ndukunꞌ tijyan tiye yu bra nu ykwiꞌ yu loꞌo Ndiose: “¡Chka tꞌnan tiiꞌ ꞌñaǎn, Ndiose Stiǐn, chaꞌ ndiꞌin ꞌa kiꞌya ꞌñaǎn!” ndukwin yu kiꞌyu kanꞌ. Sa kanꞌ ti chaꞌ ykwiꞌ yu.