SAN LUCAS 15:13 - Chatino Zona Alta Occidental

¹³ Xa wa mdijin chinꞌ ti tsan, bra kanꞌ yjwiꞌ yu kuneꞌ kanꞌ nchga chaꞌ suꞌwe nu wa mda sti yu ꞌin yu. Bra wa mjwi tñi kanꞌ ꞌin yu, mdoꞌo yu ndyaa yu tijyuꞌ loꞌo tñi kanꞌ bra kanꞌ. Nde xka laꞌa tsuꞌ seꞌen ndyaa yu, xkwiꞌ ya ñaꞌan ti ñaꞌan ngwiji yu tñi kanꞌ.

SAN LUCAS 15:13 Iomraidhean Croise

SAN LUCAS 15:12

Loꞌo nu kuneꞌ ni, ykwiꞌ yu loꞌo sti yu: “Stiǐn” ndukwin, “tyaa lyaa nchga chaꞌ suꞌwe nu ndiꞌin chaꞌ kaja ꞌñaǎn.” Kanꞌ chaꞌ bra ti msuꞌwe sti yu nchga chaꞌ suꞌwe nu mdiꞌin ꞌin yu chaꞌ kaja ꞌin taꞌa tyukwaa sñiꞌ yu.

SAN LUCAS 15:14

Xa wa mdyii tñi ꞌin yu, bra kanꞌ ngwa ska jwiꞌñan tlyu nde lo yuu seꞌen ndiꞌin yu; ja yuꞌwi ꞌa nan ku yu, lye ꞌa mteꞌ tiꞌ yu bra kanꞌ.

SAN LUCAS 15:30

Loꞌo ni, xiyaꞌ ngala sñiiꞌ nu wa yꞌni tyii tñi ꞌiin, ngwiji ya ñaꞌan ti, chaꞌ lye ꞌa yuꞌwi nu kunaꞌan ꞌin yu. Chaꞌ ngala ti yu kanꞌ, bra ti yjwi wan kuta kuneꞌ nu taan la chaꞌ ka taꞌa ꞌin yu” ndukwin sñiꞌ nu wa kula la.

SAN LUCAS 16:1

Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Mdiya ska yu kuliyaꞌ, loꞌo yuꞌwi ska nten nu ndlo tñan ꞌin msu ꞌin yu kuliyaꞌ kanꞌ. Wa mdiya ska tsan ytsaꞌ neꞌ ꞌin yu kuliyaꞌ kanꞌ, chaꞌ wa tyii ti chaꞌ suꞌwe nu nsuꞌwi ꞌin yu, chaꞌ ya ñaꞌan ti ngwiji msu nu ndlo tñan kanꞌ chaꞌ suꞌwe nu ndiya ꞌin yu kuliyaꞌ kanꞌ.

SAN LUCAS 16:19

’Ndiya ska yu kuliyaꞌ, nu xkwiꞌ teꞌ kaꞌan ꞌa ngaꞌan, xkwiꞌ teꞌ suꞌwe ꞌa ñaꞌan nchkuꞌ yu. Lye ꞌa ngiꞌni yu la ndiꞌin yu lo chalyuu, nchga tsan nchka taꞌa naꞌan tyi yu.

EFESIOS 2:13

Loꞌo xka ñaꞌan lka wan ni, ti bra nu ngwa suꞌwa chaꞌ ꞌwan loꞌo Jesucristo. Nu ngwa sꞌni la, ja yuꞌwi lyo wan ꞌin Ndiose siyaꞌ ti; tijyuꞌ ꞌa mdiꞌin Ndiose seꞌen ndiꞌin wan, mskeꞌ tiꞌ wan. Loꞌo ni, kwiꞌ seꞌen ti ndiꞌin Ndiose loꞌo wan; wa ndyija ꞌwan ti ka nu lka Ndiose, chunꞌ chaꞌ ngujwi Krixtu lo wsi.

EFESIOS 2:17

Wa yan Krixtu ni, ykwiꞌ yu ska chaꞌ nu suꞌwe ꞌa loꞌo nchgaan, chaꞌ suꞌwe ti tyiꞌian loꞌo Ndiose, kwiꞌ ngwañaꞌan loꞌo nchga taꞌa ntean; wa ykwiꞌ Krixtu loꞌo wan neꞌ ndiꞌin tijyuꞌ, kwiꞌ ngwañaꞌan ykwiꞌ yu loꞌo neꞌ judío taꞌa ba nu ndiꞌin kwiꞌ seꞌen ti.

2 SAN PEDRO 2:13

tyijin neꞌ kanꞌ nu tiꞌí sa ñaꞌan nu tiꞌí nu nda ykwiꞌ neꞌ ꞌin xka ta nten. Tsan loꞌo tla ngiꞌni neꞌ chaꞌ kuxi kanꞌ, chaꞌ ja nchka ndaja tiꞌ neꞌ ꞌin chaꞌ kuxi kanꞌ; ja nchka jyuꞌu tiꞌ neꞌ kanꞌ siyaꞌ ti, ni siya kuxi ꞌa tñan nu ngiꞌni neꞌ. Sa ñaꞌan si chañi chaꞌ taꞌaan lka neꞌ kanꞌ, kwiꞌ ngwañaꞌan suꞌwa ti ndyoꞌ tiꞌin neꞌ kanꞌ loꞌo wan bra nu ngiꞌni tnun wan taꞌa.