SAN LUCAS 12:31 - Chatino Zona Alta Occidental

³¹ Siꞌi xkwiꞌ chaꞌ ꞌwan, ti ykwiꞌ ti wan tyaꞌan chaꞌ tiye wan sikwa. Nde lka tñan nu ndiꞌin chaꞌ kuꞌni wan. Tukwa wan nchga chaꞌ nu nchkwiꞌ Ndiose, chaꞌ ka Ni ndloo niꞌ kasiya ꞌwan seꞌen ndiꞌin wan lo chalyuu; bra kanꞌ ta Ndiose nchga nan nu lyiji ꞌwan.

SAN LUCAS 12:31 Iomraidhean Croise

SAN MATEO 6:33

kanꞌ chaꞌ siꞌi chaꞌ kanꞌ tsaa naan wan. Suꞌwe la si ta wan chabiyaꞌ ꞌin Ndiose chaꞌ ka Ni ndloo niꞌ kasiya ꞌwan, suꞌwe la si kuꞌni wan nchga chaꞌ nu nchka tiꞌ Ndiose chaꞌ kuꞌni wan lo chalyuu re; bra kanꞌ ta Ni nchga nan nu lyiji chinꞌ ꞌwan.

SAN LUCAS 10:42

Loꞌo ni, ti ndiya xka tñan nu suꞌwe la kuꞌnii, ska chaꞌ nu nꞌni la chaꞌ ꞌiin; kanꞌ lka chaꞌ nu nchka tiꞌ Liya kuꞌni ni. Ngiꞌni Liya ska tñan nu ndloo la, kanꞌ chaꞌ ja ndiꞌin chaꞌ kulaa xka nten tñan kanꞌ ꞌin Liya.

SAN LUCAS 12:30

chaꞌ xkwiꞌ chaꞌ kanꞌ nduwe ꞌa tiꞌ ya ñaꞌan ti nten chalyuu. Nu ꞌwan ni, ja kuwe tiꞌ wan, jlyo tiꞌ Ndiose Sti wan sa ñaꞌan ka kaja nchga nan nu lyiji ꞌwan chaꞌ tyijin yuꞌwi ꞌwan lo chalyuu.

SAN JUAN 6:27

Suꞌwe la kuꞌni wan tñan chaꞌ kaja ska chaꞌ nu talo la ꞌwan ―ndukwin Jesús bra kanꞌ―. Chañi chaꞌ kalaꞌ tiꞌ wan, bra nu kaja chalyuu nu ja tsaa tii ꞌa ꞌwan. Ska nan nu nchkuan ni, chinꞌ ti bra ngalaꞌ tianꞌ loꞌo ran, bra ti ngiteꞌ tianꞌ xiyaꞌ. Loꞌo ni, naꞌ nu ndijyaǎn chaꞌ kaǎn nten, taǎn ska chaꞌ suꞌwe ꞌwan nu kuꞌni chaꞌ kalaꞌ tiꞌ wan, loꞌo ja tsaa tii ꞌa chaꞌ kanꞌ ꞌwan ―ndukwin yu―. Nan wa nda Stiǐn Ndiose chabiyaꞌ ꞌñaǎn chaꞌ taǎn chaꞌ suꞌwe kanꞌ ꞌwan.

ROMANOS 8:31

Xa wa ynaan nchga chaꞌ suꞌwe kanꞌ, bra kanꞌ ka chkwianꞌ chaꞌ ja ndiya ꞌa nu ka xuun loꞌoan, chaꞌ Ndiose lka nu ndiꞌin loꞌoan.

1 TIMOTEO 4:8

Suꞌwe ꞌa si tyoꞌo taꞌaan chinꞌ chaꞌ xñaan tyukwin kiyaanꞌ, suꞌwe si kuꞌnian chinꞌ tñan chaꞌ xñaan chinꞌ tyukwin yaanꞌ; loꞌo suꞌwe la si tyaꞌan tiꞌ niꞌ kasiya ꞌñaan chaꞌ kunaan chaꞌ nu nchkwiꞌ Ndiose nchga bra. Suꞌwe ti tyiꞌian lo chalyuu re, si kuꞌnian nchga tñan nu nchka tiꞌ Xꞌnaan chaꞌ kuꞌnian; ti kwiꞌ ti chaꞌ, suꞌwe ti tyiꞌian seꞌen ndiꞌin Ndiose, si kuꞌnian sa ñaꞌan tñan nu nchka tiꞌ Ni chaꞌ kuꞌnian.

HEBREOS 13:5

Ja xuꞌwi tiye wan xkwiꞌ chaꞌ ꞌin tñi; suꞌwe si kalaꞌ tiꞌ wan loꞌo sa kwa ti nan nu nsuꞌwi chinꞌ ꞌwan. Nan wa ykwiꞌ Ndiose chaꞌ re loꞌoan: “Ja kulaa yaǎnꞌ ꞌaǎn ꞌwan” ndukwin Ni, “ja xnuǔn ꞌaǎn ꞌwan ngwa ti ñaꞌan.”