SAN LUCAS 12:17 - Chatino Zona Alta Occidental

¹⁷ Loꞌo kanꞌ mdyisnan yu kuliyaꞌ kanꞌ, kaꞌan ꞌa chaꞌ mdaꞌan tiye yu: “¿Nan ka kuꞌniǐn ni a? Ja tyoꞌo skwa ꞌa seꞌen xuꞌwi tya ꞌñaǎn.

SAN LUCAS 12:17 Iomraidhean Croise

SAN MATEO 16:7

Ykwiꞌ neꞌ nu ngiꞌni xaꞌan chaꞌ ꞌin yu loꞌo taꞌa neꞌ bra kanꞌ: ―Chaꞌ ja ngwiꞌyaan jaxlya tejeꞌ ndaꞌaan, kanꞌ chaꞌ nchkwiꞌ yu kula kwa loꞌoan, chaꞌ ꞌin skwan tiyeꞌ kanꞌ ―ndukwin neꞌ.

SAN MATEO 5:42

Bra nu jñan ska nten ya ñaꞌan ti nan ꞌwan, ta wan nan kanꞌ ꞌin yu; kwiꞌ ngwañaꞌan, si jñan neꞌ ska nan jñiꞌ ti ꞌwan, suꞌwe ti chkwiꞌ wan loꞌo neꞌ bra kanꞌ.

SAN LUCAS 10:25

Bra kanꞌ mdiyan ska mstru nu nduꞌu chaꞌ joꞌo chaꞌ chkwiꞌ biyaꞌ yu loꞌo Jesús. Bra kanꞌ mnichaꞌ yu ꞌin Jesús: ―Mstru ―ndukwin―, ¿ni sa ñaꞌan kuꞌniǐn chaꞌ kaja chalyuu nu ja tsaa tii ꞌa ꞌñaǎn?

SAN LUCAS 11:41

Si tyukwi ti tiye wan ta wan nchga chaꞌ suꞌwe nu nsuꞌwi ꞌwan chaꞌ tayaꞌ wan ꞌin neꞌ tiꞌi, bra kanꞌ tukwa Ndiose tñan nu ngiꞌni wan chaꞌ luwi kasiya ꞌwan.

SAN LUCAS 12:16

Bra kanꞌ ykwiꞌ Jesús ska chaꞌ tiya loꞌo neꞌ: ―Ndiya ska yu kuliyaꞌ. Suꞌwe ꞌa yuu nu ndiya ꞌin yu, kaꞌan ꞌa tya mjwi ꞌin yu ska yijan bra kanꞌ.

SAN LUCAS 12:18

Nde tñan kuꞌniǐn sikwa, suꞌwe la kuꞌni tyiǐn nchga juꞌwa ꞌñaǎn chaꞌ tyaꞌ xka naꞌan nu tlyu la ti. La kanꞌ xuꞌwi tya ꞌñaǎn, loꞌo nchga lo yuꞌwa ꞌñaǎn.

SAN LUCAS 12:22

Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Nde lka chaꞌ nu chkwiǐnꞌ loꞌo wan ni: Ja kaꞌan ꞌa chaꞌ tyaꞌan tiye wan nan lka nu lyiji ꞌwan chaꞌ ku wan seꞌen ndiꞌin wan lo chalyuu, loꞌo ja tyaꞌan ꞌa chaꞌ tiye wan chaꞌ ꞌin steꞌ wan.

SAN LUCAS 12:29

Kanꞌ chaꞌ ni, ja kaꞌan ꞌa chaꞌ tyaꞌan tiye wan: “¿Nan ka kuan ni a? ¿Nan ka koꞌoan ni a?” Siꞌi xkwiꞌ tyaꞌan luwe wan chaꞌ tsaa naan wan nan ku wan, nan koꞌo wan,

SAN LUCAS 12:33

Ja kuwe tiꞌ wan, kujwiꞌ wan nan nu nsuꞌwi ꞌwan chaꞌ ta wan tñi ꞌin nten nu tiꞌi. Loꞌo kanꞌ ja ka kasun kwijin seꞌen nsuꞌwi tñi ꞌwan, ja ka tyii nan nu mstya seꞌen wan seꞌen ndiꞌin Ndiose nde niꞌ kwan; nde kanꞌ ja ka ꞌa kuꞌni neꞌ kunan tñi ꞌwan, ja ka ku kwisunꞌ ꞌin ran.

SAN LUCAS 16:3

Lye ꞌa mdaꞌan chaꞌ tiye msu nu ndlo tñan kanꞌ bra kanꞌ: “¿Nan lka kuꞌniǐn ni, si ja ta ꞌa xꞌnaǎn tñan nu kuꞌniǐn a? Ja jlyo ꞌa tiǎnꞌ sa ñaꞌan tñan kuꞌniǐn bra kanꞌ. Ja taloǔn kuꞌniǐn tñan niꞌ kixinꞌ; si tsaꞌaǎn lo kiyaꞌ chaꞌ jñaǎn lomstan, ka jyuꞌu ꞌa tiǎnꞌ bra kanꞌ.

SAN LUCAS 16:9

’Nde lka chaꞌ nu chkwiǐnꞌ loꞌo wan sikwa. Suꞌwe ti kuꞌni wan loꞌo nchga chaꞌ suꞌwe nu nsuꞌwi ꞌwan lo chalyuu re; tayaꞌ wan ꞌin xka la nten loꞌo chaꞌ suꞌwe nu nsuꞌwi ꞌwan sa ñaꞌan yaꞌ tsaa tii chalyuu ꞌwan, chaꞌ ngwañaꞌan kaja taꞌa suꞌwe nsuꞌwi ꞌwan lo chalyuu re. Loꞌo bra kanꞌ ta Ndiose seꞌen tyiꞌin wan nde seꞌen ndiꞌin Ni, xka chalyuu nu ja tsaa tii ꞌa kaja ꞌwan bra kanꞌ.

SAN LUCAS 18:22

Bra wa ynan Jesús chaꞌ kanꞌ, bra kanꞌ ndukwin ꞌin yu: ―Xka ti chaꞌ ti ji kuꞌnii. Yaa kujwiiꞌ nchga chaꞌ suꞌwe nu nsuꞌwi ꞌiin, chaꞌ kaja tñi nu taa ꞌin nten nu tiꞌi; kaꞌan la chaꞌ suꞌwe kaja ꞌiin nde loo la nde seꞌen ndiꞌin Ndiose bra kanꞌ. Bra wa yꞌnii tñan kanꞌ, bra kanꞌ ka tyaꞌaan loꞌoǔn.

SAN LUCAS 19:17

Bra kanꞌ mxkwen ree ꞌin msu kanꞌ: “Suꞌwe ꞌa sikwa. Ska msu suꞌwe ꞌa lkaa. Ngwañaꞌan yꞌnii loꞌo ska tñan xuwe ti; kanꞌ chaꞌ taǎn chabiyaꞌ chaꞌ kaa ndloo la ꞌin tii kichen chabiyaꞌ ꞌñaǎn.”

SAN LUCAS 3:11

Bra kanꞌ ngwaꞌu Xuwa ꞌin neꞌ: ―Nde lka tñan nu kuꞌni wan ―ndukwin Xuwa―. Si nsuꞌwi tukwa ykanꞌ ꞌin ska wan, ta wan ska ꞌin ska nten tiꞌi nu ja nsuꞌwi ꞌin siyaꞌ ti; si nsuꞌwi nan nchku wan, bra kanꞌ suꞌwe wan chinꞌ chaꞌ ta wan ku nten nu ja nsuꞌwi ꞌa nan ku ―ndukwin Xuwa ꞌin neꞌ.

LOS HECHOS 16:30

Loꞌo ngulo yu ꞌin neꞌ niꞌ ñaꞌan chkwan bra kanꞌ. ―ꞌWan, neꞌ kula ―ndukwin yu ꞌin Palyu loꞌo Sila―, neꞌ xaꞌan ꞌa lkaǎn. ¿Ni sa ñaꞌan kuꞌniǐn chaꞌ lyaǎn ꞌin chaꞌ kuxi a? ―ndukwin nu nka ndloo kanꞌ.

LOS HECHOS 2:37

Xa wa ynan neꞌ chaꞌ nu ykwiꞌ Tyu, mjyuꞌu ꞌa tiꞌ neꞌ bra kanꞌ. Mnichaꞌ neꞌ ꞌin Tyu loꞌo ꞌin nchga neꞌ nu yꞌni xaꞌan chaꞌ ꞌin Jesús ti kulo: ―¿Ni sa ñaꞌan kuꞌni ba ni a? ―ndukwin neꞌ ꞌin neꞌ kanꞌ.

ROMANOS 12:13

Bra nu lyiji ska nan ꞌin ska taꞌa msñi wan chaꞌ ꞌin Krixtu, ndiꞌin chaꞌ kutsaa wan chaꞌ suꞌwe nu ndiꞌin ꞌwan, chaꞌ ta wan nan ꞌin neꞌ kanꞌ, nan nu lyiji ꞌin neꞌ. Nchga bra ta wan naꞌan tyi wan chaꞌ tyiꞌin nten nu mdiyan kichen tyi wan.

1 TIMOTEO 6:17

Ndiꞌin chaꞌ kuloo tñan ꞌin nu kuliyaꞌ taꞌa msñi wan chaꞌ ꞌin Jesús, chaꞌ ja kuꞌni siyeꞌ neꞌ loꞌo taꞌa nten neꞌ. Ja suꞌwe si xkwiꞌ chaꞌ ꞌin tñi tyaꞌan ꞌa chaꞌ tiye neꞌ; ti kwiꞌ ti chaꞌ ja nꞌni chaꞌ tyaꞌan ꞌa chaꞌ tiye neꞌ chaꞌ ꞌin nchga chaꞌ suꞌwe nu nsuꞌwi ꞌin neꞌ, chaꞌ bra ti tyii tñi ꞌñaan. Suꞌwe la si ska ti ꞌin Ndiose nu luꞌu kuwe tiꞌ neꞌ; kanꞌ lka nu wa nda nchga loo nan nu nsuꞌwi ꞌñaan chaꞌ kunanjoꞌo ꞌñaan lo chalyuu.

1 SAN JUAN 3:16

Bra nu kuwe tianꞌ chaꞌ siꞌyaan mslyaa Krixtu ngujwi Ni lo wsi, chaꞌ suꞌwe ꞌa nka tiye Ni ñaꞌan Ni ꞌñaan, bra kanꞌ ka biyaꞌ tianꞌ nchga chaꞌ nu suꞌwe la kuꞌnian, si suꞌwe nka tiyean ñaꞌaan ꞌin taꞌa msñian chaꞌ ꞌin Ni. Suꞌwe si xlyaan tayaanꞌ ꞌin taꞌa ntean ngwañaꞌan, ni siya kajaan ti ykwiinꞌ tian chaꞌ ꞌin taꞌa ntean.