SAN LUCAS 10:40 - Chatino Zona Alta Occidental

⁴⁰ Bra kanꞌ Marta ni, kaꞌan ꞌa tñan sñan ndiꞌin chaꞌ kuꞌni. Kanꞌ nu ykwiꞌ loꞌo Jesús: ―Neꞌ kula ―ndukwin Marta ꞌin yu―, ¿ja nduwe tiiꞌ chaꞌ kaꞌan ꞌa tñan sñan mxnun Liya taꞌaǎn chaꞌ kuꞌniǐn xkaǎn tiǎn a? Kanꞌ chaꞌ suꞌwe la si chkwiiꞌ loꞌo nu kwa, chaꞌ kan tayaꞌ chinꞌ ꞌñaǎn.

SAN LUCAS 10:40 Iomraidhean Croise

SAN MATEO 14:15

Tyukwi tsan mdiꞌin neꞌ. Bra wa msiin ykwiꞌ neꞌ nu ngiꞌni xaꞌan chaꞌ ꞌin Jesús loꞌo yu: ―Niꞌ kixinꞌ ꞌa ndiꞌian re. Ja tukwin ndiꞌin kwiꞌ seꞌen ti nde ―ndukwin neꞌ ꞌin Jesús―. Kwiꞌ ngwañaꞌan msiin ꞌa ni. Suꞌwe la kuloo tñan ꞌin nten kaꞌan kwa chaꞌ tsaa neꞌ nchga kichen nu ndiꞌin lo yuu kwa, chaꞌ xiꞌi neꞌ nan ku neꞌ.

SAN MATEO 16:22

Loꞌo msñi Tyu yaꞌ Jesús chaꞌ chkwiꞌ yu loꞌo: ―Ja kulaa yaꞌ Ndiose ꞌiin chaꞌ ka ngwañaꞌan, Xꞌnaǎn ―ndukwin Tyu ꞌin yu.

SAN MARCOS 3:21

Xa nu ynan taꞌa Jesús chaꞌ kanꞌ, mdaꞌan ꞌa chaꞌ tiye neꞌ bra kanꞌ. Bra ti mdoꞌo neꞌ ndyaa neꞌ seꞌen ndiꞌin Jesús, chaꞌ ndiya nten nu ndukwin chaꞌ wa mnaꞌ chaꞌ tiya ꞌin yu.

SAN LUCAS 10:38

Msñi Jesús tuwiin, ndyaa yu loꞌo taꞌa ndaꞌan yu. Loꞌo kanꞌ mdiyan neꞌ ska kichen xuwe ti seꞌen ndiꞌin ska nu kunaꞌan nu naan Marta. Suꞌwe ꞌa nka tiye Marta chaꞌ ndiya Jesús seꞌen ndiꞌin.

SAN LUCAS 10:41

Bra kanꞌ mxkwen Jesús ꞌin Marta: ―Marta, Marta, ndiꞌin ꞌa tñan ꞌiin ―ndukwin Jesús―. Kaꞌan ꞌa chaꞌ ndaꞌan tiyee chaꞌ ꞌin nchga tñan xuwe nu ndiꞌin ꞌiin.

SAN LUCAS 12:29

Kanꞌ chaꞌ ni, ja kaꞌan ꞌa chaꞌ tyaꞌan tiye wan: “¿Nan ka kuan ni a? ¿Nan ka koꞌoan ni a?” Siꞌi xkwiꞌ tyaꞌan luwe wan chaꞌ tsaa naan wan nan ku wan, nan koꞌo wan,

SAN LUCAS 9:55

Bra kanꞌ naꞌan ꞌa Jesús ꞌin neꞌ kanꞌ, ykwiꞌ yu loꞌo neꞌ bra kanꞌ: ―Ja ndiꞌya wan kwenta siyaꞌ ti sa ñaꞌan ndyoꞌo chaꞌ nu nchkwiꞌ wan ―ndukwin Jesús―. Siꞌi Tyiꞌi Ndiose lka nu ngwaꞌu ꞌwan chaꞌ chkwiꞌ wan chaꞌ kuxi ngwañaꞌan; kuneꞌ xaꞌan lka nu ngwaꞌu ꞌwan chaꞌ chkwiꞌ wan ngwañaꞌan.

SAN JUAN 11:1

Ndiya ska yu kiꞌyu nu naan Lázaro. Tiꞌí ꞌa yu kanꞌ. Neꞌ kichen Betania lka yu, loꞌo Liya loꞌo Marta lka taꞌa ngula yu kanꞌ.

SAN JUAN 11:5

Xa wa ynan Jesús chaꞌ tiꞌí Lázaro, ti nganun yu tyukwa tsan seꞌen ndiꞌin yu bra kanꞌ, ni siya nsuꞌwi ꞌa tiye yu ꞌin taꞌa snan neꞌ kanꞌ, loꞌo Marta, loꞌo nu kunaꞌan taꞌa ngula, loꞌo ti kwiꞌ Lázaro.

SAN JUAN 12:2

Yꞌni neꞌ kanꞌ ska siin chaꞌ kuꞌni tnun neꞌ ꞌin Jesús bra kanꞌ, chaꞌ suꞌwe ꞌa nka tiye neꞌ chaꞌ mdiyan yu seꞌen ndiꞌin neꞌ. Marta yꞌni xuꞌwe nan nchku neꞌ bra kanꞌ, loꞌo suꞌwa ndukwa Lázaro loꞌo neꞌ seꞌen nchku siin neꞌ loꞌo Jesús.

SAN JUAN 6:27

Suꞌwe la kuꞌni wan tñan chaꞌ kaja ska chaꞌ nu talo la ꞌwan ―ndukwin Jesús bra kanꞌ―. Chañi chaꞌ kalaꞌ tiꞌ wan, bra nu kaja chalyuu nu ja tsaa tii ꞌa ꞌwan. Ska nan nu nchkuan ni, chinꞌ ti bra ngalaꞌ tianꞌ loꞌo ran, bra ti ngiteꞌ tianꞌ xiyaꞌ. Loꞌo ni, naꞌ nu ndijyaǎn chaꞌ kaǎn nten, taǎn ska chaꞌ suꞌwe ꞌwan nu kuꞌni chaꞌ kalaꞌ tiꞌ wan, loꞌo ja tsaa tii ꞌa chaꞌ kanꞌ ꞌwan ―ndukwin yu―. Nan wa nda Stiǐn Ndiose chabiyaꞌ ꞌñaǎn chaꞌ taǎn chaꞌ suꞌwe kanꞌ ꞌwan.