SAN LUCAS 10:29 - Chatino Zona Alta Occidental

²⁹ Loꞌo mstru nu nduꞌu chaꞌ joꞌo kanꞌ ni, ngwa tiꞌ yu chaꞌ tyoꞌo suꞌwe la chaꞌ nu wa ykwiꞌ yu, kanꞌ chaꞌ ndukwin yu ꞌin Jesús: ―¿Ti ka nu lka taꞌa nteěn sikwa a?

SAN LUCAS 10:29 Iomraidhean Croise

SAN MARCOS 8:34

Kanꞌ msiꞌya Jesús ꞌin neꞌ nu ngiꞌni xaꞌan chaꞌ ꞌin yu, loꞌo ꞌin nten kaꞌan nu mdoꞌo ñaꞌan ꞌin yu, msiꞌya yu ꞌin neꞌ chaꞌ kan neꞌ seꞌen ndiꞌin yu. Ykwiꞌ yu loꞌo neꞌ bra kanꞌ: ―Nten nu tyukwi ti tiye nchka tiꞌ tyaꞌan loꞌoǔn ―ndukwin yu ꞌin neꞌ―, ndiꞌin chaꞌ xnun neꞌ kanꞌ nchga chaꞌ nu nsuꞌwi ꞌa tiye neꞌ, chaꞌ tyaꞌan neꞌ loꞌoǔn nchga tsan, ni siya kujwi nten ꞌin neꞌ kanꞌ chunꞌ ndyaa ñaꞌan tiꞌ neꞌ ꞌñaǎn.

SAN LUCAS 10:36

―Suꞌwe sikwa. Snan nten nu mdijin tuwiin seꞌen mdiꞌin yu tiꞌí kanꞌ ni, ¿ti ka nu mnaꞌansiin suꞌwe la ꞌin yu tiꞌí kanꞌ? ¿Ti ka nu chañi chaꞌ lka taꞌa nten ꞌin yu tiꞌí kanꞌ?

SAN LUCAS 16:15

Bra kanꞌ ykwiꞌ Jesús loꞌo neꞌ kanꞌ: ―ꞌWan ―ndukwin yu― suꞌwe ꞌa ngiꞌni wan chaꞌ ñaꞌan nten ꞌwan, loꞌo wa jlyo suꞌwe tiꞌ Ndiose nchga chaꞌ kuxi nu ndaꞌan chaꞌ tiye wan. Nten nu ngiꞌni tnun ꞌin ti ykwiꞌ ti, kulaa yaꞌ Ndiose ꞌin neꞌ kanꞌ.

ROMANOS 10:3

loꞌo ja nchka biyaꞌ tiꞌ neꞌ kanꞌ sa ñaꞌan kuꞌni neꞌ chaꞌ ka suꞌwe kasiya ꞌin neꞌ loꞌo Ndiose. Xka ñaꞌan ndaꞌan chaꞌ tiye neꞌ kanꞌ; ti ykwiꞌ ti neꞌ ndaꞌan naan neꞌ sa ñaꞌan nu ka suꞌwe kasiya ꞌin neꞌ, chaꞌ ja xlyaa neꞌ tsaa ñaꞌan tiꞌ neꞌ tñan nu ngiꞌni Ndiose.

ROMANOS 4:2

Ykwiꞌ Abraham ni, ja ska tñan ngwa kuꞌni yu ti ykwiꞌ ti yu chaꞌ ka suꞌwe ka kasiya ꞌin yu loꞌo Ndiose; kwiꞌ ngwañaꞌan, ja ngwa chkwiꞌ yu loꞌo Ndiose chaꞌ ngwa ꞌin yu.

GÁLATAS 3:11

Kanꞌ chaꞌ ka jlyo tianꞌ chaꞌ ja ka luwi kasiya ꞌñaan chaꞌ ꞌin Ndiose xa nu ngiꞌniin tian tñan nu ndlo lee kula kanꞌ ꞌñaan. Loꞌo nchkwiꞌ kityi kanꞌ: “Ka suꞌwe kasiya ꞌñaan tloo Ndiose chunꞌ nu xñian chaꞌ ꞌin Ni; bra kanꞌ ka kaja ska chalyuu nu ja tsaa tii ꞌa ꞌñaan bra kanꞌ.”

SANTIAGO 2:24

Ngwañaꞌan ka biyaꞌ tiꞌ wan sikwa, chaꞌ xlyaa Ndiose tukwa chaꞌ nu nchkwiꞌ nten nu ngiꞌni chaꞌ suꞌwe, siꞌi chaꞌ nchkwiꞌ ti neꞌ chaꞌ ndyaa ñaꞌan tiꞌ neꞌ ꞌin Ni.