SAN LUCAS 10:28 - Chatino Zona Alta Occidental

²⁸ Bra kanꞌ ykwiꞌ Jesús loꞌo yu kanꞌ: ―Suꞌwe ꞌa chaꞌ nu mxkween ꞌñaǎn. Si ngwañaꞌan kuꞌnii, kaja chalyuu kwi kanꞌ ꞌiin bra kanꞌ.

SAN LUCAS 10:28 Iomraidhean Croise

SAN MATEO 19:17

Ykwiꞌ Jesús loꞌo yu bra kanꞌ: ―¿Ni chaꞌ nchkwiiꞌ chaꞌ suꞌwe ꞌa ngiꞌniǐn? ―ndukwin Jesús ꞌin yu kanꞌ―. Ska ti Ndiose nu chañi chaꞌ suꞌwe ꞌa ngiꞌni. Kunaan nchga tñan nu ngulo Ndiose ꞌin nten, si nchka tiiꞌ kaja chalyuu nu ja tsaa tii ꞌa ꞌiin.

SAN MARCOS 12:34

Ngwa biyaꞌ suꞌwe tiꞌ yu kiꞌyu kanꞌ, mskeꞌ tiꞌ Jesús. ―Chinꞌ ti chaꞌ ti ji ꞌiin chaꞌ nu steen chaꞌ ꞌin Ndiose, chaꞌ ka Ni ndloo niꞌ kasiya ꞌiin ―ndukwin Jesús ꞌin mstru kanꞌ. Bra nu mdyii ykwiꞌ Jesús chaꞌ kanꞌ, ja ykwiꞌ ꞌa nten xka la chaꞌ loꞌo yu, chaꞌ ntsen chinꞌ neꞌ ꞌin yu bra kanꞌ.

SAN LUCAS 7:43

Bra kanꞌ mxkwen Simón ꞌin Jesús: ―Nu ndukwi kaꞌan la, kanꞌ lka; chunꞌ lye la yꞌni nu kuliyaꞌ kanꞌ chaꞌ tlyu tiꞌ ꞌin. Ngwañaꞌan lka kanꞌ ―ndukwin Simón. ―Chañi chaꞌ nchkwiiꞌ ―ndukwin Jesús bra kanꞌ.

ROMANOS 10:4

Wa yan Jesús lo chalyuu ni, wa ytean chaꞌ ꞌin yu, kanꞌ chaꞌ ka suꞌwe kasiya ꞌñaan loꞌo Ndiose; loꞌo ja ndiꞌin chaꞌ lye ꞌa tukwaan chaꞌ kula nu ngwaꞌan ayman Moisés kanꞌ, chaꞌ ka suꞌwe kasiya ꞌñaan loꞌo Ndiose.

ROMANOS 3:19

Wa jlyo tianꞌ chaꞌ nchga chaꞌ kula kanꞌ, ndukwa ran chaꞌ ka kuwe tiꞌ neꞌ judío nu wa yten lo chaꞌ nu ndukwa lo kityi kanꞌ. Kwiꞌ ngwañaꞌan, ngwaꞌan ayman kula chaꞌ kanꞌ, chunꞌ nchka tiꞌ Ndiose chaꞌ ka biyaꞌ tiꞌ nchga nten ñaꞌaan chalyuu chaꞌ ja kaja ñaꞌan lyaa neꞌ ti ykwiꞌ ti neꞌ tloo Ndiose, chaꞌ ndiꞌin chaꞌ kuꞌni biyaꞌ Ni ꞌin neꞌ.

ROMANOS 7:10

Ngwa tiꞌ Ndiose chaꞌ kaja chalyuu ꞌñaǎn, chaꞌ tukwaǎn nchga tñan nu ngulo Ni ꞌñaǎn ti kulo. Loꞌo siꞌi ngwañaꞌan ngwa ꞌñaǎn, wa kanaꞌ ti chalyuu ꞌñaǎn bra kanꞌ, chunꞌ mgii tiǎnꞌ chaꞌ kaꞌan ꞌa kiꞌya mdiꞌin ꞌñaǎn bra kanꞌ.

GÁLATAS 3:12

Loꞌo ja suꞌwe ꞌa lee kula kanꞌ ni, chunꞌ nu ndiya ska chaꞌ nu nchkwiꞌ lee kula kanꞌ: “Ska ti si kuꞌnian ñian nchga tñan nu kulo Ndiose ꞌñaan siyaꞌ ti, ka tyiꞌiin suꞌwean lo chalyuu bra kanꞌ” ndukwin kityi kanꞌ. Loꞌo ja nchka ꞌñaan kuꞌnian ñian tñan kanꞌ.