SAN LUCAS 10:27 - Chatino Zona Alta Occidental

²⁷ Bra kanꞌ ykwiꞌ mstru nu nduꞌu chaꞌ joꞌo kanꞌ: ―Nde ñaꞌan nchkwiꞌ chaꞌ kula kanꞌ ―ndukwin mstru kanꞌ―, chaꞌ tyukwi ti tiyean xuꞌwi chaꞌ ꞌñaan loꞌo Ndiose nu nka Xꞌnaan, loꞌo luwi ti kasiya ꞌñaan tukwaan chaꞌ nu nchkwiꞌ Ni, loꞌo kuꞌni tnuan ꞌin Ni loꞌo nchga chaꞌ tiya nu nda Ni ꞌñaan, sa ñaꞌan yaꞌ nu taloan tyiꞌin chaꞌ ꞌñaan loꞌo Ni. Kwiꞌ ngwañaꞌan, ndiꞌin chaꞌ chka tꞌnan tianꞌ ꞌin taꞌa ntean, sa ñaꞌan nu nchka tianꞌ chaꞌ chka tꞌnan tiꞌ xka la nten ꞌñaan.

SAN LUCAS 10:27 Iomraidhean Croise

SAN MATEO 19:19

kwiꞌ ngwañaꞌan, kuꞌni tnun wan ꞌin sti jyaꞌan wan; chka tꞌnan tiꞌ wan ꞌin taꞌa nten wan, sa ñaꞌan lka bra nu nchka tꞌnan tiꞌ wan ꞌwan, ti ykwiꞌ ti wan.

SAN LUCAS 10:26

Bra kanꞌ mxkwen Jesús ꞌin yu: ―¿Ni sa ñaꞌan tñan ngulo Ndiose ꞌñaan nu ndukwa lo kityi kula? ¿Ni sa ñaꞌan ndyoꞌo chaꞌ kanꞌ, nxkeꞌ tiiꞌ?

ROMANOS 13:9

Tyun lo tñan ngulo Ndiose ꞌin nten bra nu ykwiꞌ Ni chaꞌ re loꞌo Moisés nu ngwa sꞌni: “Ja xuꞌwi chaꞌ ꞌwan loꞌo kwilyoꞌo xka nten” ndukwin Ni. “Ja kujwi wan ꞌin taꞌa nten wan. Ja kuꞌni wan kunan nan nu nsuꞌwi ꞌin taꞌa nten wan. Ja xitukwi tiꞌ wan nan nu nsuꞌwi ꞌin taꞌa nten wan” ndukwin Ni. Ska ti biyaꞌ ndyoꞌo nchga chaꞌ kanꞌ loꞌo xka chaꞌ nu nchkwiꞌ kityi kanꞌ: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan nu nchka tꞌnan tiꞌ wan ꞌwan, ti ykwiꞌ ti wan” ndukwin Ni.

GÁLATAS 5:13

Wa ngulo suwi Ndiose ꞌwan chaꞌ ka tyiꞌin suꞌwe wan lo chalyuu. Sa kanꞌ ti chaꞌ, chaꞌ tiya ti tiꞌ wan xuꞌwi wan chalyuu; ja tyaꞌan naan wan chaꞌ kuxi nu kuꞌni wan laja nu ndiꞌin suꞌwe wan, chaꞌ siꞌi nan ndiꞌiin suꞌwean chaꞌ kuꞌniin ñuꞌuan ya ñaꞌan ti ꞌñaan, ti ykwiinꞌ tian. Ndiꞌin chaꞌ tayaanꞌ ꞌin taꞌa ntean bra nu suꞌwe nsuꞌwi tiyean loꞌo taꞌaan, kanꞌ chaꞌ ndiꞌiin suꞌwean lo chalyuu.

HEBREOS 8:10

Loꞌo ni, nde lka chaꞌ nu kwi nu skaǎnꞌ loꞌo neꞌ Israel, ndukwin Ni. Xa nu tiya bra, kanꞌ kuꞌniǐn chaꞌ kanun suꞌwe nchga chaꞌ nu chkwiǐnꞌ niꞌ kasiya ꞌin neꞌ bra kanꞌ. Tyukwi ti tiye neꞌ kuꞌni neꞌ tñan ꞌñaǎn bra kanꞌ; naꞌ kaǎn Ndiose Xꞌnan neꞌ, loꞌo neꞌ kanꞌ ka neꞌ nten ꞌñaǎn bra kanꞌ.

SANTIAGO 2:8

Suꞌwe ꞌa si chañi chaꞌ ndukwa wan tñan nu ngulo Ndiose ti kulo, ti kwiꞌ chaꞌ nu ndukwa lo kityi kula re: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka si chka tꞌnan tiꞌ wan ꞌwan, ti ykwiꞌ ti wan” ndukwin kityi.

1 SAN JUAN 3:18

ꞌWan sñiěnꞌ, bra nu suꞌwe ꞌa nka tiyean ni siya ñaꞌaan ꞌin Ndiose, ni siya ñaꞌaan ꞌin taꞌa ntean, siꞌi ska chaꞌ nu chkwianꞌ tian loꞌo neꞌ kanꞌ; tyukwi ti tiyean ndiꞌin chaꞌ tayaanꞌ ꞌin taꞌa ntean bra kanꞌ.