SAN LUCAS 10:26 - Chatino Zona Alta Occidental

²⁶ Bra kanꞌ mxkwen Jesús ꞌin yu: ―¿Ni sa ñaꞌan tñan ngulo Ndiose ꞌñaan nu ndukwa lo kityi kula? ¿Ni sa ñaꞌan ndyoꞌo chaꞌ kanꞌ, nxkeꞌ tiiꞌ?

SAN LUCAS 10:26 Iomraidhean Croise

SAN LUCAS 10:25

Bra kanꞌ mdiyan ska mstru nu nduꞌu chaꞌ joꞌo chaꞌ chkwiꞌ biyaꞌ yu loꞌo Jesús. Bra kanꞌ mnichaꞌ yu ꞌin Jesús: ―Mstru ―ndukwin―, ¿ni sa ñaꞌan kuꞌniǐn chaꞌ kaja chalyuu nu ja tsaa tii ꞌa ꞌñaǎn?

SAN LUCAS 10:27

Bra kanꞌ ykwiꞌ mstru nu nduꞌu chaꞌ joꞌo kanꞌ: ―Nde ñaꞌan nchkwiꞌ chaꞌ kula kanꞌ ―ndukwin mstru kanꞌ―, chaꞌ tyukwi ti tiyean xuꞌwi chaꞌ ꞌñaan loꞌo Ndiose nu nka Xꞌnaan, loꞌo luwi ti kasiya ꞌñaan tukwaan chaꞌ nu nchkwiꞌ Ni, loꞌo kuꞌni tnuan ꞌin Ni loꞌo nchga chaꞌ tiya nu nda Ni ꞌñaan, sa ñaꞌan yaꞌ nu taloan tyiꞌin chaꞌ ꞌñaan loꞌo Ni. Kwiꞌ ngwañaꞌan, ndiꞌin chaꞌ chka tꞌnan tianꞌ ꞌin taꞌa ntean, sa ñaꞌan nu nchka tianꞌ chaꞌ chka tꞌnan tiꞌ xka la nten ꞌñaan.

ROMANOS 10:5

Nde lka chaꞌ nu ngwaꞌan ayman Moisés lo kityi bra nu nchkwiꞌ yu sa ñaꞌan nu ka suꞌwe kasiya ꞌñaan, si tukwaan nchga chaꞌ kula kanꞌ: “Suꞌwe ti tyiꞌian lo chalyuu, si kuꞌnian nchga tñan nu ngulo Ndiose ꞌñaan.” Ngwañaꞌan nchkwiꞌ kityi kanꞌ.

ROMANOS 3:19

Wa jlyo tianꞌ chaꞌ nchga chaꞌ kula kanꞌ, ndukwa ran chaꞌ ka kuwe tiꞌ neꞌ judío nu wa yten lo chaꞌ nu ndukwa lo kityi kanꞌ. Kwiꞌ ngwañaꞌan, ngwaꞌan ayman kula chaꞌ kanꞌ, chunꞌ nchka tiꞌ Ndiose chaꞌ ka biyaꞌ tiꞌ nchga nten ñaꞌaan chalyuu chaꞌ ja kaja ñaꞌan lyaa neꞌ ti ykwiꞌ ti neꞌ tloo Ndiose, chaꞌ ndiꞌin chaꞌ kuꞌni biyaꞌ Ni ꞌin neꞌ.