SAN LUCAS 1:29 - Chatino Zona Alta Occidental

²⁹ Wa naꞌan Liya ꞌin angajle kanꞌ. Bra kanꞌ ynan Liya chaꞌ nu ykwiꞌ, loꞌo nduwe ꞌa tiꞌ ni chaꞌ lka nchkwiꞌ angajle kanꞌ ngwañaꞌan. Ytsen ꞌa bra kanꞌ.

SAN LUCAS 1:29 Iomraidhean Croise

SAN MATEO 16:7

Ykwiꞌ neꞌ nu ngiꞌni xaꞌan chaꞌ ꞌin yu loꞌo taꞌa neꞌ bra kanꞌ: ―Chaꞌ ja ngwiꞌyaan jaxlya tejeꞌ ndaꞌaan, kanꞌ chaꞌ nchkwiꞌ yu kula kwa loꞌoan, chaꞌ ꞌin skwan tiyeꞌ kanꞌ ―ndukwin neꞌ.

SAN LUCAS 1:12

Bra nu naꞌan Zacarías angajle kanꞌ, ja jlyo ꞌa tiꞌ yu sa ñaꞌan kuꞌni yu, chaꞌ ytsen ꞌa yu ꞌin angajle kanꞌ.

SAN LUCAS 1:28

Wa mdiya angajle seꞌen ndiꞌin nu kunaꞌan kanꞌ, ykwiꞌ loꞌo bra kanꞌ: ―Ndiya ska chaꞌ nu suꞌwe ꞌa nu ndijyaǎn chkwiǐnꞌ loꞌoo ―ndukwin angajle kanꞌ ꞌin Liya―. ¡Suꞌwe ꞌa nka tiye Ndiose loꞌo nuꞌwin! ¡Suꞌwe ꞌa ndiꞌiin loꞌo Ni! ―ndukwin―. Kaꞌan ꞌa chaꞌ suꞌwe nda Ndiose ꞌiin, ja ngiꞌni Ni ngwañaꞌan loꞌo xka la nu kunaꞌan.

SAN LUCAS 1:66

Mdaꞌan ꞌa chaꞌ tiye nchga nten nu ynan chaꞌ kanꞌ: ―¿Sa ñaꞌan tñan ka ꞌin kuwiꞌ kanꞌ a? ―ndukwin neꞌ ꞌin taꞌa neꞌ. Chañi chaꞌ suꞌwe ꞌa ngiꞌni Ndiose loꞌo kuwiꞌ kanꞌ.

SAN LUCAS 2:19

Tiye ti Liya nganun chaꞌ kanꞌ, kaꞌan ꞌa chaꞌ mdaꞌan tiye chaꞌ ngwa ngwañaꞌan.

SAN LUCAS 2:51

Bra kanꞌ mdoꞌo yu ndyaa yu nde Nazaret xiyaꞌ loꞌo neꞌ kula ꞌin yu. Ñaꞌan ti ndukwa ꞌa yu chaꞌ nu nchkwiꞌ neꞌ kanꞌ. Suꞌwe ꞌa nganun nchga chaꞌ kanꞌ niꞌ kasiya ꞌin jyaꞌan yu.

LOS HECHOS 10:17

Laja nu nduwe ꞌa tiꞌ Tyu, chaꞌ ja ngwa biyaꞌ tiꞌ yu ni chaꞌ lka ykwiꞌ sla yu ngwañaꞌan, bra kanꞌ mdiyan neꞌ kanꞌ tuꞌ naꞌan; ti kwiꞌ taꞌa snan nten nu wa ngulo Cornelio tñan ꞌin neꞌ chaꞌ tsaa neꞌ. Mnichaꞌ neꞌ ꞌin neꞌ kichen la nde yaꞌ ndukwa naꞌan tyi Simón nu nka kwityi kijin, kanꞌ chaꞌ mjwi tuwiin ꞌin neꞌ mdiyan neꞌ tuꞌ naꞌan tyi yu.

LOS HECHOS 10:4

Ytsen ꞌa Cornelio chaꞌ naꞌan yu ꞌin angajle kanꞌ. ―Xꞌnaǎn ―ndukwin yu―, ¿ni sa ñaꞌan tñan nchka tiiꞌ chaꞌ kuꞌniǐn a? ―Wa ynan Ndiose chaꞌ nu wa ykwiiꞌ loꞌo Ni ―ndukwin angajle kanꞌ―. Kwiꞌ ngwañaꞌan, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi, kanꞌ chaꞌ ndyuꞌwi tiꞌ Ndiose ꞌiin.