SAN JUAN 9:24 - Chatino Zona Alta Occidental

²⁴ Ti msiꞌya neꞌ fariseo kanꞌ ꞌin nu ngwa kwityiinꞌ kanꞌ xiyaꞌ. Kanꞌ lye ykwiꞌ neꞌ loꞌo: ―Chabiyaꞌ ꞌin Ndiose, chkwiiꞌ ska chaꞌ nu ñi loꞌo ba ni ―ndukwin neꞌ ꞌin yu―. Wa jlyo tiꞌ ba chaꞌ ndukwi ꞌa Jesús kanꞌ kiꞌya.

SAN JUAN 9:24 Iomraidhean Croise

SAN MARCOS 15:27

Ti kwiꞌ tsan kanꞌ, mjiꞌin kaꞌan neꞌ ꞌin tukwa nten nu yꞌni kunan lo wsi kwiꞌ seꞌen ti loꞌo Jesús. Wsi ꞌin ska yu kunan, kanꞌ mduun laꞌa seꞌen kwin ꞌin Jesús, wsi ꞌin xka yu mduun laꞌa seꞌen kaa kanꞌ.

SAN LUCAS 15:2

Kanꞌ chaꞌ mdyisnan neꞌ fariseo, loꞌo mstru nu nduꞌu chaꞌ joꞌo, mxichaꞌ neꞌ ꞌin Jesús: ―Ndiya tiꞌ yu re ka suꞌwa chaꞌ ꞌin yu loꞌo neꞌ kwa nu ngiꞌni ꞌa chaꞌ kuxi. Suꞌwa ti nchku yu tyaja loꞌo neꞌ kuxi kwa ―ndukwin neꞌ kanꞌ.

SAN LUCAS 19:7

Bra nu naꞌan nten chaꞌ ndyaa Jesús seꞌen ndiꞌin Zaqueo kanꞌ, nchga neꞌ lye ꞌa nchkwiꞌ neꞌ ni chaꞌ ndyaa Jesús niꞌ ñaꞌan tyi ska neꞌ kuxi, ska nten nu ndiꞌin ꞌa kiꞌya ꞌin.

SAN LUCAS 7:39

Loꞌo yu fariseo nu wa ykwiꞌ loꞌo Jesús chaꞌ tsaa ku tlyaa seꞌen ndiꞌin yu, bra wa naꞌan yu ꞌin nu kunaꞌan kanꞌ, kanꞌ mdaꞌan chaꞌ tiye yu bra kanꞌ: “Ja chañi chaꞌ lka yu re ska nten nu nchkwiꞌ chaꞌ ꞌin Ndiose loꞌo nten. Si kwiꞌ kanꞌ lka yu, bra kanꞌ ja chan kiꞌya yu kwenta sa ñaꞌan lka nu kunaꞌan nu nxtya yaꞌ chunꞌ kiyaꞌ yu ni; ka biyaꞌ tiꞌ yu chaꞌ ska nu kunaꞌan nu chen ꞌa ñaꞌan ngiꞌni ndiꞌin lo chalyuu lka nu kunaꞌan kwa.”

SAN JUAN 14:30

’Ja ndiya kaꞌan la chaꞌ nu chkwiǐnꞌ loꞌo wan ni ―ndukwin Jesús bra kanꞌ―. Wa kan ti kuneꞌ xaꞌan nu lka ndloo lo chalyuu seꞌen ndiꞌian re, ni siya ja nsuꞌwi chabiyaꞌ ꞌin nu kanꞌ chaꞌ ka ndloo ꞌñaǎn.

SAN JUAN 16:2

ni siya ja ta ꞌa neꞌ chabiyaꞌ ꞌwan chaꞌ tsaa la wan niꞌ lyaa ꞌin neꞌ bra kanꞌ ―ndukwin Jesús―. Tiya bra nu xkeꞌ tiꞌ neꞌ chaꞌ tñan ꞌin Ndiose kuꞌni neꞌ bra nu kujwi neꞌ ꞌin neꞌ taꞌa wan.

SAN JUAN 18:30

Mxkwen neꞌ judío ꞌin Pilato bra kanꞌ: ―Si ja ndukwi yu kiꞌya, ja kan loꞌo ba ꞌin yu seꞌen ndiꞌiin bra kanꞌ, yu kula ―ndukwin neꞌ ꞌin yu.

SAN JUAN 19:6

Loꞌo sti joꞌo nu lka ndloo loꞌo yu policía ꞌin neꞌ, kwen msiꞌya loꞌo neꞌ ꞌin Pilato bra nu naꞌan neꞌ chaꞌ ndijyan Jesús. ―¡Yjwi lya wan ꞌin yu! ¡Yjwi lya wan ꞌin yu kwa! ―ndukwin neꞌ ꞌin Pilato. Ykwiꞌ Pilato loꞌo neꞌ bra kanꞌ: ―Yaa loꞌo lya wan ꞌin yu, ti ykwiꞌ ti wan chaꞌ jwiꞌin kaꞌan wan ꞌin yu lo wsi sikwa ―ndukwin Pilato ꞌin neꞌ―, chaꞌ kwenta ꞌñaǎn ja ndukwi yu kiꞌya.

SAN JUAN 5:23

Nchka tiꞌ Ni chaꞌ kuꞌni tnun nchga nten ꞌñaǎn, sa ñaꞌan nu ngiꞌni tnun neꞌ ꞌin ti kwiꞌ Ni. Xa nu ja xlyaa nten kuꞌni tnun ꞌñaǎn chaꞌ nu lkaǎn Sñiꞌ Ni, kwiꞌ ngwañaꞌan ja ka kuꞌni tnun neꞌ ꞌin Ni nu msuꞌwa ꞌñaǎn ndijyaǎn.

SAN JUAN 8:46

Loꞌo ni, ja ka chkwiꞌ wan chaꞌ naꞌ ndukwiǐn kiꞌya; bra nu kwaꞌuǔn ska chaꞌ nu ñi ꞌwan, ¿ni chaꞌ lka ja tsaa ñaꞌan tiꞌ wan ꞌñaǎn bra kanꞌ a?

SAN JUAN 8:49

―Ja siyaꞌ ngwa kuneꞌ xaꞌan ndloo la ꞌñaǎn ―ndukwin Jesús―. Naꞌ ngiꞌniǐn tnuǔn ꞌin Stiǐn Ndiose; loꞌo ꞌwan ni, ja siyaꞌ ngiꞌni tnun wan ꞌñaǎn.

SAN JUAN 9:16

Loꞌo ndiya chinꞌ neꞌ fariseo nu ykwiꞌ chaꞌ re: ―Siꞌi seꞌen ndiꞌin Ndiose mdoꞌo yu kanꞌ, kanꞌ chaꞌ ja nduwe tiꞌ yu ni siya kti ꞌa tsan taꞌa ni. Loꞌo ndiya xka ta nten nu ykwiꞌ chaꞌ re ꞌin yu: ―¿Ni ñaꞌan ka ra ꞌin yu kanꞌ kuꞌni yu chaꞌ tnun chabiyaꞌ ꞌin Ndiose si ndukwi ꞌa yu kiꞌya ngwañaꞌan a? Ja suꞌwa ykwiꞌ neꞌ kanꞌ chaꞌ ꞌin Jesús.

SAN JUAN 9:25

―Ja ndiꞌyaǎn kwenta si ndukwi yu kiꞌya ―ndukwin nu ngwa kwityiinꞌ kanꞌ―. Jlyo tiǎnꞌ chaꞌ kwityiǐnꞌ nu ngwa xkanꞌ, loꞌo ni, wa ngalaa kiloǔn. Sa kanꞌ ti chaꞌ jlyo tiǎnꞌ.

ROMANOS 8:3

Wa yꞌni Ndiose ska chaꞌ tnun nu ja ngwa ꞌa kuꞌni chaꞌ kula nu ykwiꞌ ayman Moisés loꞌo nten nu ngwa sꞌni. Ja ngwa tñan chaꞌ kula kanꞌ, chunꞌ xaꞌan ꞌaan loꞌo taꞌaan ndiꞌian lo chalyuu; Ndiose ni, ngwa ꞌin Ni kuꞌni chaꞌ tnun kanꞌ, chunꞌ nu msuꞌwa Ni ꞌin Sñiꞌ ykwiꞌ Ni yan Ni lo chalyuu, chaꞌ ngwa Ni nten. Msuꞌwa Ni ꞌin Jesús yan, chaꞌ ngwa yu ska lomstan nu luꞌu; kanꞌ lka lomstan nu ngwa kuꞌni tyii kiꞌya nu ndukwian. Ngwa Jesús nten; ngwa yu sa ñaꞌan lka nchga nten chalyuu, chaꞌ ngwañaꞌan ngwa ꞌin yu kuꞌni tyii yu kiꞌya nu ndukwian taꞌaan nten chalyuu. Kanꞌ chaꞌ ngwa Ni nten.

2 CORINTIOS 5:21

Ni siya ja ndukwi Krixtu kiꞌya siyaꞌ ti, yꞌni Ndiose chaꞌ nganun kiꞌya nu ndukwian chunꞌ Krixtu. Xa wa nchka suꞌwe chaꞌ ꞌñaan loꞌo Krixtu, bra kanꞌ ka luwi kasiya ꞌñaan sa ñaꞌan nu nchka tiꞌ Ndiose chaꞌ kaan.

EL APOCALIPSIS 11:13

Ti kwiꞌ bra kanꞌ lye ꞌa mñan; seꞌen ngwa tii bariyu kichen nu ngwa xkanꞌ, ñaꞌaan ska bariyu mdyii ngutin bra kanꞌ. Kati mi nten ngujwi chaꞌ nu mñan bra kanꞌ. Lye ꞌa ytsen xka ta nten nu nganun bra kanꞌ, ytsen ꞌa neꞌ ꞌin Ndiose nu ndiꞌin niꞌ kwan, chaꞌ nchka ꞌin Ni kuꞌni Ni chaꞌ tnun ꞌa nu ngwañaꞌan; loꞌo nduwe ꞌa tiꞌ neꞌ chaꞌ yꞌni Ni ngwañaꞌan bra kanꞌ.